تكفون شوفو لي حل بسيارتي خصوص اهل البنز

حياك الله

ينقل الموضوع الى قسم الورشة (( باذن الله يجاوبونك ))

على العموم ماقصرتو ومشكورين على مجهودكم اما انا في المدينه المنوره اذا احد يعرف شخص مضبووووووووووووط يعني معلم ياليت تخبروني لان اكثرهم نصابين يشوفونك على المورسديس يحسبون انك مطنوخ مايرون انها بالبركه ماشيه

شوف يالغالي:

بالنسبة للخرطوش أنا ما أعرف له مضبوط لكن أذكر كذا واحد كان يقول إن بعض الأحيان المشكلة تكون منه, بحاول أجيب لك الخبر إن أمكن,,

و بالنسبة للنقطة 5 أنا الحرارة كانت ترتفع مع المكيف وبقولك وش سوا المهندس..

عندك قربة الموية في يدخلها خرطوش حجمه صغير يكون جاي من عند المكينة
هو فك الخرطوش هذا وصار يعبي موية في الرديتير بحيث ان الموية اللي تدخل في الرديتر
تطلع مع الخرطوش

هنا هو كان يراقب الموية وهل يطلع معها فقاعات ولا لا,, بالنسبة لسيارتي كان فيها فقاعات وهذي كانت المشكلة

طبعا حلها بانه أكمل اللي كان يسويه إلى أن اختفت الفقاعات و صدقني علطول الحرارة نزلت,,

شوف إذا أنت في الرياض أنا وديت سيارتي للعيدي اللي على طريق الإمام محمد بن سعود (الجامعة) إذا ماني غلطان بالاسم

لكن حاليا المهندس مسافر لذا لو تروح لفرع ثاني أو تشوف الراجحي الدولي عند محطة الدريس على نفس الشارع قبل تقاطع شارع الامام مع التخصصي,,

والله يكون في عونك و ييسر لك ,,

اخ قطع 10
الراس سليم عندي والسياره ماترتفع الى اذا ارتفع درجة الحراره العاليه الخارجيه هل الالماني المكينه حقته له ثلاجه مع العلم بعض الاحيان احس ان الخرطوش اللي قدام قاسي مدري هل هو كذا ولا ايش بس مغيره ومركب جديد والعادم سليم والله اني مادري وش اسوي وانت ياعاشق وين الوالد بيفك ورشه
وهل الفريون له شغل بارتفاع الحراره والنقطه رقم خمسه مافهمتها كيف يعني
وهل اذا علقت المروحه الاماميه يكون حل مناسب وبلف الحراره سليم

وجزاكم الله خير وبيض الله هالوجيه

يا اخوي انا سألت الوالد (30 سنه خبره في الجفالي مرسديس) وقالي السبب اكييد من الرديتر يا مافي ماء كفايه نافص او مروحه الرديتار او الليات تهرب ماء الرديتر وتسبب نقص وبالتالي يصير نقص في تبريد الماكينه او ممكن نفس الرديتر خربان
اي استفسار ثاني احنا بالخدمه واذا تبغى الوالد يشفلك اياها احنا حاضرين وقريبا الوالد بفتح ورشه مرسديس

شوف يالغالي أنا معي شبح 320 98 وارد أمريكا,,

حصل وارتفعت لي الحرارة وكان قبلها مروحة الكهرب (المكيف خربانة)
المهم أنا غيرت المروحة ولكن الحرارة استمرت ترتفع,,

إذا جتك هالحالة سو التالي:

1\ لاحظ إذا فيه تهريب في موية الرديتير و حاول تحدد موقعها

2\ إذا فيه نقص بموية الرديتر بس مهوب تهريب يعني الموية ماتطلع برا فهنا ممكن المشكلة بوجه المكينة

3\ شيك على بلف الحرارة ممكن يصير قافل على طول ولا يسمح للموية إنها تكمل الدورة,,

4\ شيك على كلتش المروحة الأساسية (الميكانيكية) ممكن إن الكلتش تعبان ولا يشتغل مضبوط مع السرعات العالية أو فترة الوقوف الطويلة,,

5\ شيك على الموية ممكن يصير فيه هو داخل المكينة ( وهذا السبب اللي كان في سيارتي)

6\ انتبه لنظام العادم ممكن انه مايخرج بشكل مضبوط (انسداد جزئي) مما يؤدي لارتفاع درجة الحرارة

7\ تاكد من الفريون الموجود في السيارة هل هو نفس النوع المطابق لها؟ غالبا يكون نوع الفريون R-134a إذا ماني غلطان

8\ تأكد من الليات ممكن تكون قاسية أو فيها مشكلة ولا تسمح بمرور الماء بفعالية,,


هذا ما أذكره حاليا وبعضها ممكن يكون مضحك أو غريب ولكن هذا الواقع مثل النقطة 5 ممكن البعض مايصدقها ..

و أسأل الله أن ييسر لك أمرك و يعينك,,

وأي خدمة انا بالخدمة