لكن المشكلة اني مو لاقي بديل تتوفر فيه المواصفات المطلوبة: وانيت حجم متوسط مع دبل و قير اوتو
من الي قال أن حاليا هذي الميزة منحصرة على الديماكس فقط
حاليا الهايلكس من موديل 2008 وهو متوفر بهذي الميزة
غمارتين دفرنسين قير تماتيك حتى اني صورته بنفسي ولدي أحد أقربائي يمتلكه بعد ما استشارني أنه يبي يشتري الديماكس لأني كنت أول أمدح فيه قلت له خذ الهايلكس!!! وأنصدم بأجابتي قالي ليش اخذ الهايلكس وأنت أول تقول ديماكس (كان زيك يدور غمارتين دفرنسين قير تماتيك)
قلت لأن أخر تجربة مطولة لي للديماكس أستمرت ما يقارب أسبوع كامل أكتشفت الأتي
صوت الديماكس مزعج بالخط رغم قوته وأنه يجيب 180 تقريبا وهذا فقط للقير الأوتو (سمعت كثير من مستخدمين ما يقدرون يوصلون هذي السرعة أعلى شيء وصلو 160 وقليل الي تعدى وأعتقد أن القير نفسه ما يساعد وغير ان عزم بالتماتيك أعلى)
صح أن الديماكس قد يكون ارخص من الهايلكس كقيمة شراء لكن الديماكس ينتظرك بقطع الغيار حيث قطع غياره غالية مثل قطع البدي أو الفحمات وغيره وتأكد بنفسي وروح قارن يكفيك أن طرمبة الديزل أنا سائل بنفسي قبل فترة ما يقارب سنتين قالولي قيمتها وكالة بـ 13 ألف ريال (تقول مركب مكينة جديدة مو شاري طرمبة).
الشيء الثالث الي ضايقني أكثر بالديماكس ترى ريحة الديزل تدخل من فتحات التكييف! صدق أو لا تصدق حتى لو تشغل منع الهواء الخارجي من دخول المقصورة راح تدخل عليك صراحة أزعجتني هذي الريحة بقوة (وأنا شخص عندي حساسية بالصدر ما أستحمل أشم ريحة دخاخين التريلات الديزل فما بالك الريحة تدخل علي على طول؟!)
[CENTER]وأن ما كنت مصدقني أركب الددسن ولا لهايلكس فترة ثم اركب الديماكس يوم كامل راح تلاحظ الرائحة الي أتكلم عنها لن تكون مثل رائحة الديزل تماما لكن زي أن فيه ريحة تجي من عملية الاحتراق الديزل بالمحرك تدخل عليك وصراحة منفرة بنسبة لي
[/CENTER]
[/CENTER]
والحين البنزين رخيص ياله من فضلك
[CENTER]والبنزين أقوى بالشارع وأنشط صح الديزل أقوى عزم لكنه ثقيل دم بالقومة
ولا ننسى أهم شيء الصوت والرائحة راح ترتاح بالبنزين وتتبهذب بالديزل
ولا ننصى الأهم من هذا كله سهولة صيانة البنزين وصعوبة صيانة الديزل وغلاء قطع غياره
[/CENTER]
ولا تفكر ببنزين الديماكس لأنه ضعيف جدا مكينته 2.4 لتر ولا يجي إلا سياحي أما الفل فقط بالديزل 3 لتر
