وش رايكم أزيرا 2010 أو كامري2010 GLX

fnaawy @user_126171 · 29-08-2009

السلام عليكم

زي مانتم شايفين الموضوع

انا رحت المعارض في الدمام تاريخ 7-9-1430 وتسعرت الكامري والازيرا

وش رايكم ياشباب وش تنصحوني فيه انا ابحث عن الجوده والراحه وخاصه ان السياره سوف تبقى معي ان شاء الله اكثر من6 سنوات

أزيرا 2010 فل ابشن مخمل فتحه مكينه 2700 اي لون 70000 ريال سعودي مع الوحات بدون تأمين

كامري2010 GLX فتحه مخمل 85000 ريال سعودي مع الوحات بدون تأمين طبعا اللون لؤلؤي او رصاصي بدون شاشه ملاحه
كامري2010 GLX بدون فتحه مخمل 83000 ريال سعودي مع الوحات وتأمين طبعا اللون لؤلؤي او رصاصي بدون شاشة ملاحه

-------------------------------

طربطيط @user_194511 · 13-11-2009

بسم الله الرحمن الرحيم ..

انت تستشير وانا اعطيك من واقع تجربه ..

عندنا كامري 2004 ماشية هالحين حول 200 الف .. ابقول كلمتين :[COLOR=Red]التويوتا ثقه ..
لكن الموديلات الجديدة ما ادري عنها ولا افتيك ..

وبعدين يا اخي اذا بغيت تستشير لا تجيب سيارتين وتقول ايهم آخذ ؟؟

طعني.. جب لك ورقه وقلم وجرب حط لك عدة نقاط تحصر لك الخيارات . مثل :

1- فلوسي حدها الى .... لا تصير مثل بعض هالعالم 20 الف ما فرقت ..والا 5 الاف ما فرقت..! الا فرقت ونص لو 100 ريال .أشوفك ياخوي حاط 70الف و85 الف !! 15 الف تجيب لك اكسنت 2005 .
2- استعمالي للسيارة الجديدة : دائم في المدينه . طلعات بر . خميس وجمعه سفر طويل. لموزين. مقاومات . تدعيس .
3- المميزات الي ابيها في سيارتي الجديدة :
أ- الميكانيكية: منها : قوة المحرك . كم سلندر. العزم .
ب - الراحة و وسائل السلامة : تبحث عن السيارة الأكثر أمان وسلامة بعد امان الله . اكثر هدوءا في الطريق واكثر رساوة .
ج - التصميم والديكورات :فتحة . جلد . مثبت سرعه . ملاحة. تخشيب ...ألخ
د- الشكل الخارجي .

4[COLOR=Red]- خدمات الوكيل والصيانه وقطع الغيار : [/COLOR]الصيانة انا اعاني منها كثيرا كثيرا من عبداللطيف جميل .لكن قطع الغيار مرتاح جدا جدا .

5- خدمات ما بعد البيع :كم راح تجيب لي سعر بعد كرفها ؟؟ وهل هي قابله لتمديد فترة استخدامها ..؟؟
الكثير الكثير من الي في بالك لو تجمعه والله ان تلقى السيارة الي تناسبك بس حنا شعب نآخذ الشيء وراثة وتقليد تويوتا .. خلاص تويوتا ,,نيسان خلاص نيسان .. كوري لا وش كوري !! طيب كل وحده لها ميزة كل سيارة تمشي وتأدي الغرض من الماليزية الى الايطالية ..

الله يوفقك في السيارة الي تعجبك وتقتنع منها .

وعسى الله يعطيك من خير سيارتك الجديدة ويكفيك شرها ويبعد الحساد عنك.
[/COLOR]

AbU TaRiQ @user_55347 · 13-11-2009

ازيرا افخم واقوى مكينة من الكامري يعطيك مكينة تعطيك ونعومة بعكس الكامري 4 سلندر تسمع صوت المكينة

الا اذا كنت بتستخدم الكامري سنة سنتين خذ كامري
عشان لاجيت تبيعها ماتخسر واجد

اما الازيرا لك وللزمن

fiqar @user_160152 · 13-11-2009

ادخل هذا الرابط...وشوف الموقع يقارن الازيرا مع لكزس es وبيوك..

الازيرا مركز الثاني...

من هنا

وشوف هذي الالنترا ..حتى تتطمن ان هيونداي ..جودة + مواصفات + سعر مناسب....

شوف كم ماشي...

لكن نصيحة يقولون ان 2.7 ليست بتلك القوة...اخذ 3.3 افضل حتى اذا مو فل اوبشن...

HaSoOoOoN @user_67358 · 13-11-2009

حرآمـ تقآرن أزيرآ بكآمري
لو بالأوريون اي لان فئة الازيرآ من فئة الآوريون
وأكيد الأزيرآ أفضل
والرآي في الأخير لكـ ولا تنسى الاستخآرة
تحيآتي ...

ramza44 @user_106183 · 12-11-2009

طبعا أنصحك الأزيرا أفخم وأقوى وخذ فل ما دامت لك وللعمر,,,,,

عاشق الكيا @user_160362 · 12-11-2009

الأزيرا أفضل بكثييير والله يقدم لك اللي فيه خير وأستخير

الوجيه 10 @user_29328 · 12-11-2009

الكامري أرخص قطع
الكامري أفضل في إعادة البيع
الكامري تقدر تبيعها في البقالة

الأزيرا أكثر مواصفات
الأزيرا غير مرغوبة بعد الاستخدام
الأزيرا قطعها أغلى من الكامري

في النهاية السيارتين ديكورها الداخلي سيء هذي سمة مشتركة بينهم
وتأكد دائما المواصفات تتغير وكلها فترة وتمل من المواصفات وتبغى تغير فخذ شي تستخدمه ومن ثم تبيعه بأقل خسارة

سلوومي @user_195806 · 12-11-2009

اكيد كامري
تعطيك عمر

KASER MOTO @user_174720 · 12-11-2009

بدون تفكير ازيرا

المواصفات والرساوة والعزل تفرق كثير
والازيرا فئة اعلى منة الكامري .. لكن افضل انك تاخذ 3.3

وبالتوفيق انشالله ..

النترا اسود @user_165896 · 12-11-2009

تبي تقتنع بالازيرا ,,

خذ كامري عالخط وامش فيها فوق الـ120 شوف وش يصير فيك

alfa7d @user_157390 · 12-11-2009

اخوي انت متأكد أنها فل كامل ب 70000 ؟؟؟

رجل المستقبل @user_105081 Banned · 12-11-2009

^^^^^^^^^^^^^^^^^^^^^^^^^^^^^^^^^^^^^^^^^^^^^^
توكل على الله وخذ الازيرا موووتر بطل انا كارفه كرف الويل ولااشتكى معي
راحة رساوة صرفية بنزين معقولة مووتر خدوم احيانا اروح واجي عليه 6 الى 7 ساعات باليوم مايشتكي ابد واذا عالفرارة ماعليك توكل على الله واللي عندي نفس المكينة اللي بتاخذها 2.7 بس للامانة اذا كنت راعي مقاوم خذ 3.3 بس 2.7 فيها حقها:xyxthumbs:

فلاوووووي @user_195444 · 12-11-2009

حالي مثل حالتك لاكن كوري ماجربت نفسي في اازيرا بس خايف انها مهي راعية كرف وفرفره وهل تنصحونني فيها وبكل صراحه يا اهل الازيرا بحكم انها من الناغي2010 فتحه مقاعد جلد تخشيبه 2.7 هذا الي اعرفه ب74000ريال باخذها تأجير بحط دفعه 1000 مع المصاريف يسير القسط1800 ودفعه اخير8000 وحاجه

رحت للتيوتا دفعاتها الاخيره جامده من ناحية الكورولا الفل والكامري وانت طالع

فبكل صراحه تنصحوني فيها ترا هاذي استشاره وفيها امانه

fnaawy @user_126171 صاحب الموضوع · 31-08-2009

الله يسلمكم ياشباب بصراحه بديت اميل للأزيرا

ياليت الشباب الي مجربينها يعطونها نصائحهم في الأزيرا :)

brave @user_175646 · 30-08-2009

توكل على الله وخذ الازيرا

fnaawy @user_126171 صاحب الموضوع · 29-08-2009

الي معي كيا شوما 2002

بس خلاص اعتقد انها تطلب التقاعد لأنني موضب المكينه بعد مانفرط عليه جنزير المكينه
وكراسي المكينه خربت وصلاحناها

والعكس الخارجي غيرناه والعكس الداخلي صلحناه

وهذي توها ماشيه 135000

فأنا ابي ابعد عن الكيا ونبي نجرب وكاله جديده

dududu @user_173462 · 29-08-2009

انا انصحك تسأل نفس السؤال بالمنتدى الياباني و شوف ايش راح تكون الاجوبة و بعدين قارن بين الاجوبة إلي هنا بالمنتدى الكوري و بالمنتدى الياباني

و تحياتي

mhamed ibrahem @user_118021 · 29-08-2009

ماشاالله شنو نوع الكيا الي عندك وشلونها معاك بالاستخدام وترى كلا السيارتين ممتازات بس فرق الازيرا مواصفات احلى بكثير ومثل ماقالو الاخوان روح مر على وكالة كيا وشوف الاوبرس بعد من خسران شي

م.الحارثي @user_117721 · 29-08-2009

كله زين الان السيارات كلها سوا