راسي يوجعني من التفكير في تاهو 2009 وألأ أكسبدشن 2009

أهلين أخوي
صحيح أن التاهو ممتاااااااز من ناحية الشكل ولكن أنا فكرت في الأكسبدشن عشان ما فيه حد ذكر عيوب نهائيآ مع أن شكله مو أجمل من التاهو ولكن وش أسوي أبغى أنسى حاجة أسمها خربات مادام أني شريت جديد وكالة 2009 الأ عشان أنسى الورش

بارك الله فيك وفي رأيك ,,,

جزااك الله خير ..اخي العزيز .:xyxthumbs:

يقول المثل : كفى بالمرء نبلا ان تعد معايبه

واليوكون و التاهو يشهر بهما اذا طلع فيهم نقشة مسمار و غيرهم اصكت و محلك سر
لكن مش مشكلة دام اني عارف في قرارة نفسي ان هالمشاكل فقط في 1% من التاهو و اليوكون و فيه هنا من الناس من يحسبهم كل يوم من خراب لخراب
ولا كان ما طفشنا من شوفتهم بعكس بعض المواتر تنشاف صدفة او يذكر لنا ان مع فلان واحد :tongue:

لكن انا ابي اعرف وش سر الهجوم الي يشنه اهل الفورد على اليوكون والتاهو مثلا :



اليوكون والتاهو امريكيان 100% ولا شك في ذلك

و اذا عندي غلط فيا ليت تصحح لي و هات دليلك

ثم اليوكون لا ينافس الاكسبدشن بشكل رئيسي نعم من ضمن المنافسين لكن تجد اليوكون يقارن مثلا بالكروزر و السكويا و هما فئتان من مختلفتان لانه يجمع ما بين الصلابة والاعتمادية و القدرات الوعرية و المساحة العائلية المعقولة و الراحة لكن جب الاكسبديشن جمب التاهو مثلا كقدرات و عرية ولا كان شفنا اكسبديشن FX4 مثلا او انظمة تعليق للطرق الوعرة من شركات كبيرة للاكسبديشن

و الله اعلم

إلى الأخ مرور الكرام

بالنسبة لجمال الداخليه ..فالاكسبديشن الفل كامل يتفوق على الدينالي وربما على الاسكاليد


وإليك هذه الصوره




وهذا مقطع لمقارنه بين التاهو والاكسبديشن

[YOUTUBE]w0gHxm3qEU8[/YOUTUBE]



http://www.youtube.com/watch?v=w0gHxm3qEU8&feature=related


وهناك العديد من الاختبارات العديده في أمريكا من عام 2007 والاكسبديشن يتفوق على التاهو واليوكون في الجوده والاعتماديه وأمور أخرى كثيره.

سؤال الأكسبدشن فيه تشغيل عن بعد؟؟؟؟


وفي اي فئة؟؟؟

سؤااااااااال إن أمكن

كم فئـــــــــــــة للاكسبديشن ؟؟

والفـــــــــرق بيــــــــــــنهم ؟

الإكسبدشين

حياك الله أخي الكريم ...

أنا لم أقصد أشتر السيارة لأنها منتشرة ... ليس هذا السبب الرئيسي للشراء ..

ولكن أحد الأسباب المرغبة في الشراء حيث أني وضحت بمشاركتي أن السيارة المنتشرة (الشعبية) تكون أسهل بالصيانة وقطع الغيار متوفرة والكل يعرف صيانتها ..

وعلى طاري الكامري ... ليش الكامري منتشرة ؟
لأنها سيارة قطع غيارها متوفرة حتى في القرى الصغيرة ..
وصيانتها سهلة .. ولأنها شعبية تمسك سعرها ..

على فكرة .. على طاري :

اشتري سيارة لنفسي مو للناس

سبق أشتريت بيجو 207 سيارة رائعة وقيادتها ممتعة لأبعد درجة ..
ولكن للأسف لو تبي تغير زيت ما تلقى إلا بالوكالة ..

ولما جيت أبيعها مالقيت أحد يكلمني بالمعارض !!

وبالأخير بعتها على أخ عزيز من تونس وصدرها لتونس وخسرت فيها أكثر من 6000 ريال من قيمتها خلال شهرين وما مشت غير 5000 ( خمسة آلآف كيلو ) فقط !

السالفة كمثال بس .. علشان أوضح لك الفرق بين السيارة الشعبية والسيارة الغير شعبية فقط ..

وتبقى المسألة أذواق ... ولكل شراي بضاعة وسوق !!

وبالتوفيق للجميع ،،،

للمره الثانيه هل المعلومه صحيحه ؟

ادا تدور العملانيه والاستخدام وراحة البال فاكيييييييييد الاكسبدشن

واذا تدور السعر للبيع في المستقبل والراحه الداخليه بالذات في الخطوط الطويله فبلا منازع التاهو


ولك حرية الاختيار ...

كلامك على العين والراس..
وتظل وجهه نظر ..شخصية .

لانه انا اشتري سيارة لنفسي مو للناس [SIZE=3][COLOR=#000000]..يعني ايش الفايدة اشوف الكامري منتشرة مثلا والسوناتا غير منتشرة على طوول اشتري الكامري مع ان السوناتا تتفوق على الكامري بمرااحل والكل يعرف . <<<مثال .لا اكثر ولا اقل[/COLOR][/SIZE]
واقول لالا منتشرة شووف الشوارع مليانه كامري ..<<:c0038:هذا ليس مقياس لجودة وخدمة السيارة




ع العموم مثل ماقلت وقال غيري ..التجربه خير برهااان ..

وتقبلو خالص تحياتي ..

.

ولله ياخوي مو لأني اشتريت تاهو بستلمه بعد كم يوم ان شاء الله

بس فعلا على ارض الواقع وجود التاهو اكثر من الاكسبدشين

وبصراحة انا كنت حاير مثلك والحمدلله استقرينا على التاهو

والاهل بصراحة اعجبتهم التاهو ارتاحولها

وعلى العموم انت استخير وشوف وش يجيلك

تحياتي،،،

التاهو ارقى

فعلاً زبدة الكلام .....مشكور يالغالي.

السلام عليكم ورحمة الله وبركاته ..

لا أستطيع أن أحكم على الأكسبدشن بحكم أنه لم يسبق لي تجربة السيارة أو حتى قيادتها ..

ولكن فورد شركة عريقة لا يمكن لأحد أن ينكر ذلك ...

ولكن يا أخوان لنكون واقعيين شوي ..

لو سوينا مقارنة بين التاهو واليوكون وبين الأكسبدشن ..

بحكم أن التاهو واليوكون كلهم تحت مظلة GM ونفس المحرك والقير ..

فبكل أمانة الكفة ترجح للتاهو واليوكون ...... ليش ؟

أنا أتكلم بصفة واقعية وليس كلام مجلات ومقارنات ومنتديات !!

أنزل إلى الشارع وقارن بين أنتشار اليوكون والتاهو ! خصوصاً الموديل الجديد !!

قارن أنتشار الجمس سابقاً واليوكون القديم قبل ظهور التاهو ...

أبحث عن الأكسبدشن القديم ! وكأن السيارة أنقرضت ..!

حتى مع الإكسبدشن الجديد إنتشاره ليس كأنتشار اليوكون والتاهو ..

نجي للوكيل ..

وكيل فورد قوي ما قلنا شي ..

ولكن وين فروع الصيانة ؟؟ وين أوقات الدوام المناسبة .؟؟

إلى فترة قريبة ما كان يوجد سوى فرع واحد بالرياض ... ومن قريب فتح فروع جديدة !

للأسف الي يقرا كلام المنتدى يتفاجأ لما ينزل الشارع ..

على سبيل المثال :

قبل ما أشتري البرادو وجدت بالمنتدى الكل يسب البرادو ويمدح الباجيرو ..

ولكن تعال للواقع .. شوف أنتشار البرادو مقارنة بالباجيرو ..

والدليل أنزل المعارض معاك برادو للبيع ولا باجيرو .. وشوف الفرق ..

مع أحترامي الشديد لأصحاب الباجيرو بس أنا أتكلم عن شعبية السيارة ..

نفس الكلام ينطبق على التاهو واليوكون والأكسبدشن ..

صدقني لو يسألك أحد وش شريت وتقوله جمس !! قال ألف مبروك سيارة مافيها نقاش ..

لكن قله فورد أكسبدشن يبيلك تقعد توصف له شكله !! وبعدين تقوله أن السيارة ممتازة وجبارة وكويسة والوكيل كويس وبالأخير راح تقارنها باليوكون والتاهو ..

سافرت في أول رمضان .. إلى مكة والطائف .. من الرياض ..

بدون مبالغة شفت في سفرتي مئات اليوكون والتاهو بجميع الأشكال الأكس أل والسوبربان وبجميع الألوان ..

وبكل أمانة قليل أشوف أكسبدشن أو أرامادا ...

أنا لآ أعيب الأكسبدشن ولا أقدر أحكم عليه ..

وقد يكون أفضل من التاهو واليوكون بمليون مره ..

ولكن أنا كلامي عن الشعبية لدى الناس والقبول ..

وهذا يجر معاه توفر قطع الغيار والصيانة وكثرة الورش التي تعرف صيانة ( لو أحتجت لهم لا سمح الله ) ..

حتى في الإكسسوارات والأشياء التجميلية ..

لو تروح الغرابي تسأل عن تلبيسة أو بلاستيك أو فرشة أو أي قطعة تلقاه متوفرة لليوكون والتاهو .. ولكن للسيارات الثانية يمكن ما تلقاها بسهولة ..

هذا رأيي الشخصي وأنا أتكلم عن المملكة العربية السعودية - الرياض ..

وبالتوفيق للجميع ،،،

ازين مافي التاهو التشغيل عن بعد

بعد الحيرة الطويلة مثل التي وقعت بها اقول خذ : الاكسبديشن
[COLOR=Black]1- المكينة ( [/COLOR]الاكسبديشن 5.4لتر يولد 310 حصان صافي بينما التاهو 5.3 يولد 320 غير صافي يعني حوالي 308 حصان صافي )(كلما زاد حجم المكينة زادت هدوءا)
2- الاكسبديشن اكثر من التاهو راحة وبدليل المساحة عند الارجل في جميع مقاعد السيارة (حتى لو ترجع مقعد السواق الى الخير يكفي المكان في المقعد الثاني لرجل بطول 170 سم
3- المقعد الثالث في التاهو لا يمكن نصب الارجل بشكل ملائم (تجلس ورجلك الى وجهك ) اما الاكسبديشن تجلس في منتهى الراحة لرجل بطول 160 سم
4- المقعد الثالث في التاهو لا بد من نزعه للحصول على فراغ او ثنيه مما يسبب مشكله في التحميل الى السيارة (للحصول على مساحة كبيرة لابد من اخراج المقعد خارج السيارة وتبقى بدون المقعد ) اما الاكسبديشن فالمقعد يمكن ثنية ويبقى معاك وين ما تروح
5- الاكسبديشن يصنع داخل مصانع فورد في امريكا او كندا وكذلك التاهو اما اليوكن فيصنع ايضا في كوريا واستراليا
6-مساحات التخزين في الاكسبديشن اكبر من التاهو
7- الاكسبديشن مبني على هيكل السيارات المقسمة وسلامة المركبة ( مثل تصميم الفورميلا 1)
8- يعيب الاكسبديشن شي واحد وهو قلة جودة المواد الداخليه للسيارة كما قرأت ( التابلون من البلاستيك ) كما انه عند الوكيل لا يوجد خاصة ال DVD الى كمميزة اختيارية
9- التاهو 2009 ست تغييرات وكذلك الاكسبديشن اما التاهو 2008 وما قبلها 4 تغيرات
10 - سعر التاهو (ال اس 120 بدون دبل ويصل الى 170 الف LTZ)
اما سعر الاكسبديشن( 115 بدون دبل الى 165الف LIMITED ) تقريبا
11- لا تنسى الوكيل
12- قطع الغيار متقاربه في السعر
13- يتميز التاهو واليوكن عن الاكسبديشن في (امالة المرأة عند الرجوع الى الخلف -والتشغيل عن بعد ) حسب ما اذكر عن الاكسبديشن 2008
هذا اللي اقدر انفعك به والمعذرة على الاطالة

هل المعلومه هذي صحيحه ؟

والله كلهم فوق فوق

ولو أني أنصحك بالتاهو

لسبب وجيه جداً

لو سألك أحد ( وبيسألونك أكيد ) وش شريت

بتقول تاهو ( وتخلص السالفه )

لكن لو شريت الاكسبدشن

بتقول : الاكسبدشن ( أحس إنك ماسك طريق طويل وأنت تقولها )

:)

والله يوفقك أخوي