فورتشنر 2.7 الي يجي 4 سلندر

السلام عليكم
الاخوان ماقصرو وانا شخصياً ماجربت الاربع اسطوانات لكني جرب الهايلوكس موديل 2008 وهو بنفس المكينه ودفع خلفي فقط وانطابعي عن السيارة
فزة ممتازة وقوة جيدة (فاضي )
صوت حنه مزعج خاصة بعد 120 كلم/س
صرفية بنزين اشوفها مرتفعة
في الحقيقة انا ماعجبيني اخر نقطتين خاصة ان السيارة فاضية فما بالك اذا كانت محمله
فمابالك اذا كانت شايله اكثر من نصف طن بشكل دئم (اقصد المراتب والبدي) غير الركاب والدفرنش الثاني

انا مع الاخوان الي يقولون شوفلك مستعمل موديل 2008 او 2007 6 اسطوانات افضل
ولا تنسى الاستخارة
بالتوفيق

اذا لسه القصد فورتشنر 4 سلندر أبعد عنه تراه فشله وهذه كلامي عن تجربه و حتى تقتنع اكثر لازم انك اتجربه بنفسك.

هذا هو الكلام اخوي تسلم ماقصرت فعلا ابي شخص مجرب شخصيا خصوصا اني ماني راعي بر و ان فكرت امشي بالسيارة حدي 140 ما احب السرعه اصلا

ياليت اذا فيه احد مجرب يقول لنا وجزاكم الله خير

يا خي كل اللي يقولون عزمه بايخ ما جربوا عزمه ابد

شف يا الغالي لا تاخذ الا كلام مجرب اما اللي يقول جيب وابعه لا تسمع له

مع كل الاحترام لك الاعضاء

السلام عليكم ورحمة الله وبركاته
تبي نصيحتي دور لك باجيرو
طبعا السوق مليان اذا انت بالرياض
والاسعار من 85-95 جديد أو شبه جديد
وسيارة كبيرة وعائلية ومحرك ممتاز طبعا 3800 يقولون افضل
والله يوفقك ويكتب لك اللي فيه خير
ولا تنسى الاستخارة

ما أدري وين وصلت الأسعار الآن، لكن آخر مرة شيكت كان الفي إكس فل كامل أوتوماتيك بحدود 113 ألف، إن ما خانتني الذاكرة. والفي إكس 1 أوتوماتيك بـ 107 ألف. وأشوف سعره غويلي، مو غالي، لأن:
1. مكيف أوتوماتيك لمس
2. تحكم بالمسجل من المقود
3. مثبت سرعة
4. قدرات فائقة كسيارة دفع رباعي لا تحصل عليها إلا في سيارات قيمتها فوق الـ 150 ألف، مثل اللاند كروزر والباترول، في سعر معقول جداً. بالإضافة إلى نظام الدفع الرباعي المستمر المتطور الذي عادة لا يكون إلا في السيارات الغالية جداً.

أما التشكيك فيه لأنه أندنوسي، فاسألني فيه، والله سيارة تكرف كرف ولا تشتكي من شيء. إللي معي ماشية فوق الـ 160،000 كلم والحمد لله قير ومكينة وتماسك مثل الجديدة. لا يوجد أي صرير أو تفكك أبداً مع أني ما عمري سويت لها تربيط.

ردك فيه شيء من الحيادية، لكن طبيعي يكون السرعة القصوى 160 بالله وش تبغى بأسرع من كذا من جيب؟ أنا معي ست سلندر يعني يوصل 190 كلم/س بالراحة، لكني ما أتعدى 140 في السفر أبداً. إذا تبغى تسرع لا تاخذ جيب أصلاً.

أما في البر أنا مجرب قير عايدي أربع سلندر في البر والله إنه يبيض الوجه ما يقصر أبداً. إعتبرته ممتاز جداً بالنسبة لأربع سلندر، وأتوقع بعض السيارات بمحرك نفس السعة وست سلندر ما تجيب مستواه.

طبيعي ما تقدر تسرع فيه، لكن عزمه رائع على أربع سلندر.

أما سؤالك عن سيارة ست سلندر بحدود 90 ألف، أشوف إنك تاخذ شيء مستعمل إستعمال خفيف. وإلا بهذه القيمة ما تجيب إلا أربع سلندر (أو ست سلندر بمستوى وقوة أربع سلندر).

احسنت اخي غااااااااااااااااااااالي من دون اي مواصفااااااات

صدقت

اخوي طيب شوف الماوتنير من ميركوري

يعطيك العافيه اخوي المشكله الي اسمه عبد اللطيف جميل مغلي سعره تخيل حرام والله 4 سلندر و ب 80 :( و ال 6 سلندر يمكن يوصل 120 الف و الله تحس حرام في فورتشنر

الفورتشنر 4 سلندر فاشل مره خصوصا اذا كان اوتماتيك

ومثل ماقالوا الشباب معا المكيف مايمشي ابد والله يقهر لا تشتريه

بس اتوقع ال6 سلندر يمكن افضل بكثير من ال4

عندنا واحد 4 سلندر بالشركه طلعت فيه من الدمام الى خريص والله تحسفت اني اخذته

اولا مايمشي اكثر من 160 مقفول عليها
بالقوه يوصل 160

طبعا الدعسه كلها

التبريد جيد جدا وعال العال

المساحه حلوه

صرفيه الوقود برضوا حلوه

بس ثقيل ثقيل ثقيل

انتبه

^^^^^^^
لاندكروزر

وشو ذا مفخرة !!

بهالسعر اعتقد فورد اكسبلورر هو افضل الخيارات

بالنسبه لفلوسك ، أعتقد أنه مناسب جداً .
لكن أذا أنك حق سفريات واجد ، مافيه مثل المفخره أبد .

هلا اخوي الا موجود سته سلندر و يعطيك العافيه على ردك

أنا جربت الفورتشنر 4 سلندر قبل كم يوم بفحص تجريبي من الشركة..الخلاصه عزمها فاشل جدا ولما تشغل المكيف تموت السيارة لا تصلح لا لبر و لا لسفر ..لم اجرب 6 سلندر لأن الشركة ما تجيبها ...

و الله مدحوها ناس كثير الجراند فيتارا بس ماتحس انها صغيرة مرة :c0214: و الراف فور هذا مادخل مزاجي احس سعره حرام فيه مكينه مرة ضعيفة مدري وش يبي

ماقصرت جزاك الله خير :)