@@@ أشتريت ML500 2006 و بعض الإستفسارات @@@

أنيس القلوب @user_46222 · 05-09-2009

السلام عليكم

يعطيكم العافية إخواني

قبل كم يوم اشتريت مرسيدس ml500 وديل 2006

وارد أمريكاو ماشية 43 ألف ميل

و هذي أول تجربة لي بعالم المرسيدس

و عندي كم سؤال

أولا ... النافيقيشن مو راضي يشتغل ، و جربت السيديات من شارع الزينة ( بالكويت ) الدي في دي الكوبي مالوت النافيقيشن كلهم ما اشتغلوا ... يقولون النظام الأمريكي غير ... فهل هناك حل لهذا الموضوع ؟؟؟

ثانيا ... هل الدفع الرباعي دائم بالسيارة ؟؟؟ و هل السيارة تتحمل المطبات و البر و الخشونة ؟؟؟

ثالثا ... في أوبشن تلفون بالشاشة ... لكن بالدرج اللي بالنص ما في وصلة تلفون ؟؟؟ و ما في بلوتوث بالشاشة ؟؟؟ فشلون أشغل التلفون بالسيارة ؟؟؟

رابعا ... السيارة ماخذها مستعمل ... و المشكلة مادري صاحبها اللي قبل شلون مسوي سيرفس و لا مو مسوي سيرفس ، فشلون أقيم هالموضوع ، و أحدد مثلا القطع اللي تحتاج تبديل ،،، و شنو الأمور اللي لازم أحط بالي عليها ... عشان أحافظ على السيارة و أدائها ؟؟؟

خامسا ... هل من نصائح و توجيهات من أصحاب الخبرة

مع جزيل الشكر

أنيس القلوب @user_46222 صاحب الموضوع · 06-09-2009

الصراحة ... صج ردودكم تشفي الغليل :)

مشكورين على مشاركاتكم

وديت السيارة غيرت الزيت و الفلاتر و البطارية كان فيها تسريب غيرت البطاريتين الصغيرة و الكبيرة و الصراحة الكبيرة غالية ، و غيرت فلتر المكيف ، ، ،

بس سألت راعلي القراج ... قال لي السستم مال أمريكا غير السستم مال الكويت بالنسبة للنفيقيشن ، و لازم تغير الشاشة كلها عشان يشتغل مال الكويت ... بس كلامه مكلف و مو عاجبني ، فبالليل بمر الوكالة و أسألهم ...

و على فكر سيارتي نفس اللي بالصورة الخارجية اللي وضعها الأخ بالضبط و نفس اللون الذهبي هذا ...

بس سيارتي اللي ما فيها هايدروليك ... يعني بشاشة التحكم الزرار* 1 و 5 مو موجودين

بس رقم 2 موجود لكن ما أدري شنو وظيفته ... ESP OFF

و بالنسبة للتلفون قال لي صاحب القراج أن التوصيلات موجودة للتلفون لكن لازم أركب توصيلة من الوكالة سعرها تقريبا 100 دينار عشان أشغل التلفون !!!

turki878 @user_42440 · 06-09-2009

مبروك السياره

بالنسبه للتلفون لازم تركب الشريحه في الشاشه نفسها SIM

بالنسبه بنفقيشن التظام الامريكي يختلف عن السعودي و الخليجي لذا يحتاج تغيير الرسيفر

بالنسبه لموضوع الدفع السياره دفع رباعي مستمر ولا تقدر تغير فيه شي

M.Suliman @user_144789 · 06-09-2009

مرحبا اخوي اختيرا موفق انك اشتريت مرسيدس ومبرووووووووووووووووك عليك
بنسبة للنفقاشن ما عليك الا سي دي الاصلي الوالد كان يشتغل بالجفالي وكلات المرسيدس بالسعوديه خبره(30) سنة وقال ما في حال الا السي دي الاصلي لانه كنا يجي عندهم سيارات يكون حاطت سي دي تقليد نفقاشن من الامان الي في مرسيدس علطول يخرب الكنترول عندهم بالسياره ولازم تغيره كله هذا جزاء الي يتخدم الغير اصلي وحق الاصلي عنا في السعوديه 2000 ريال
والان بعطيك صور توضيحيه عن تفاصيل السياره المهمه
وبالنسبه لتغير عمل العجلات دفع رباعي او دفع خلفي تقدر تغيرها ليس من القير لانه القير مطور الي يجي خلف الموقود صح
المهم تقدر تغير نوع الدفع من الشاشة التي بين العدادات
وشوف انتبه اذا كان مكتوب في خلف السيارة او علي اي مكان عبارة
4-MATIC اذا مكتوبه معناتاه السيارة دفع رباعي مستمر لا يمكن تغيرها ومرسيدس 2006 يجي رباعي مستمر
ومعنا كلمة فور ماتك >>>>>(4-wheel drive and automatic)
يعين دفع رباعي اتوماتيكي دائم
الان التوضيح بالصور

هذي نفس سيارتك صح ؟؟؟

ولان كيف تغير نوع الدفع

رقم واحد: معناتها تغير نوع المساعدات تكون جدا مريحه وخصوصه في المنعطفات
والوضع الثاني الرياضي وهو للسرعات العليه عند المنعطفات

رقم اثنين غير مهمه

رقم ثلاثة :
DSR -Downhill Speed Regulation
ومعناته هذا الجهاز يقوم بالتحكم في السرع الثناء المنحدر الجبلي او على الطرف المنحدره الغير معبده

رقم اربعه
لتهيئ السيارة ورفع المساعدات للطرق التي فيها حجار كثير يعني للطرق الوعره

واخيرا رقم خمسة
لرفع السيارة
و
وعلى فكره في نوع من الام ال يجي في لوحة التحكم زي الي في الصوره اخرها يجي كمان لوحه تتحكم اكثر في المساعدات رفعهن وتنزيلاهن تيجي شكلها زي وحده التحكم بالمكيف و
وارجوا ان تكون قد استفد من مشاركتي

AL-YOUSEF @user_31255 · 06-09-2009

أ

أنيس القلوب

السلام عليكم

يعطيكم العافية إخواني

قبل كم يوم اشتريت مرسيدس ml500 وديل 2006

وارد أمريكاو ماشية 43 ألف ميل

و هذي أول تجربة لي بعالم المرسيدس

و عندي كم سؤال

أولا ... النافيقيشن مو راضي يشتغل ، و جربت السيديات من شارع الزينة ( بالكويت ) الدي في دي الكوبي مالوت النافيقيشن كلهم ما اشتغلوا ... يقولون النظام الأمريكي غير ... فهل هناك حل لهذا الموضوع ؟؟؟

ثانيا ... هل الدفع الرباعي دائم بالسيارة ؟؟؟ و هل السيارة تتحمل المطبات و البر و الخشونة ؟؟؟

ثالثا ... في أوبشن تلفون بالشاشة ... لكن بالدرج اللي بالنص ما في وصلة تلفون ؟؟؟ و ما في بلوتوث بالشاشة ؟؟؟ فشلون أشغل التلفون بالسيارة ؟؟؟

رابعا ... السيارة ماخذها مستعمل ... و المشكلة مادري صاحبها اللي قبل شلون مسوي سيرفس و لا مو مسوي سيرفس ، فشلون أقيم هالموضوع ، و أحدد مثلا القطع اللي تحتاج تبديل ،،، و شنو الأمور اللي لازم أحط بالي عليها ... عشان أحافظ على السيارة و أدائها ؟؟؟

خامسا ... هل من نصائح و توجيهات من أصحاب الخبرة

مع جزيل الشكر

الف مبروك
النفيقيشن بما ان السيارة ليست خليجيه بالتالي تختلف المواصفات طبقا للبلد
رح الوكاله ويضبطون لك البرمجه او محل مختص بالشغلات هذي..
السيارة تعتبر دفع رباعي اوتوماتيك
تتحمل البر والمطبات لاكن مو مثل الجيوب المخصصه لذلك فهي فخمه وسيارة مدينه اكثر من كونها اي شئ اخر..
بالنسبه للفيرفس والخدمه لازم تشييك على السيارة من جميع النواحي
زيوت وفلاتر وبواجي وكفرات ( تشيك كامل بمركز متخصص )
بالتوفيق.

turky_mh @user_52168 · 06-09-2009

اولا هلا فيك مع الاسف شارع الزينه عندنا وخاصتا الهنوود ما يعرفون شي انته جرب السيديات الاصلية الي شاريهم من محلات الاغاني
وبعدين اهيه تستحمل البر والطلعات بس همن ديربالك عليها بالمطبات علشان لا تجيبلك الخرابات
والدفع الرباعي مو مستمر فيها هذا انته تحدده عندك بالقير
والف مبروك على السيارة

أنيس القلوب @user_46222 صاحب الموضوع · 06-09-2009

مشكور يا عزيزي على مرورك

و ان شاء الله أصحاب المرسيدس يفيدونا

PORTAGE$ @user_148508 · 05-09-2009

على الخير والبركة
ماعندي خلفية على السيارة
بس حبيت اباركلك