زيت غسيل المكينه؟؟؟

والله مدري يالغالي ماقد سمعت عنه .

انا استخدمت زيت الغسيل اربع مرات معي كابرس 89 اخر مره كان قبل 3سنوت
إذا كان الزيت متسخ وله مده طويله عن التبديل ممكن تستخدمه

اول مره اسويه كنت متخوف جبت جالون وبعد تغيير الزيت سكّرت السّره وصبيت كامل الجالون وشغلت المكينه حوالي 5دقائق وزودت البنص شوي نثرت زيت الغسيل وفكيت السيفون وركبت السيفون الجديد وخليته لين خلص تمام شديت السّره وصبيت الزيت الجديد الحقيقه انه له مفعول تمام في التنضيف لأن الزيت الجديد اخذ حوالي 10 ايام ماتغير لونه ,
وبعد مضي سنه غسلت المره الثانيه وهكذا,,ولم الاحظ اي مشكله لكن لو المكينه تصرف زيت مايصلح لأنه راح يزيل الترسبات اللي على حلقات الشنابر وربما تلاحظ دخان لأنها كانت متسكره من أول ,,لكن إذا المكينه نضيفه والزيت القديم متسخ بالعكس الغسيل مفيد
زيت الغسيل لايوجد به ماده لزجه لونه ابيض او مثل القاز وعليه تعليمات الأستعمال

بالتوفيق

السلام عليكم
كلام أخوي الهيلا في الطريقة الأولى منطقي جدا وما اتصور يصير ضرر للمكينة وراح أجربها وأردكم خبر بإذن الله..

ما أظن له فائده يالغلا

وجهة نظر

لا تتهور وتسويها

مجرب على موتر جديد ولا مشكله والحمدلله

استخدمت زيت موبيل 4 لتر علبه بيضاء
واستخدمت بعده زيت موبيل
حسب نصيحة مهندس وهى ان يكون زيت الغسيل والزيت العادى من نفس الشركه احتياطا!

تفرغ الزيت وتفرغ الفلتر وتعيده
ثم تصب الزيت 4 لتر فقط
وتشغل بدون دعس البنزين دقيقه الى عشر دقائق ..انا تركت الزيت 8 دقائق
ثم تطفىء المكينه وتغرغ الزيت تماما
وتغير الى الزيت العادى الجدبد مع فلتر جديد

والله اعلم

شباب زيت الغسيل مفيد في ازالة الرواسب اللي في المكينة بعد التوضيب لكنة لا يطول في المكينة
اما سالفه القاز فالوقود ربما يتلف عليك الصوف ( الحوابك )

ماهي خطيره لكن اذا متخوف منها اخذ 10 لتر قاز وحط لتر قاز و3 زيت وخله شغال ربع ساعه بس لا تتعرض دعسة البانزين نهائي ونزل الزيت بس لاتسكر الصره خلها فاتحه باقي عندك 9 لتر قاز صبه بالمكينه وشوف الوصخ اللي ينزل تحت عقبها سكر الصره وبدل السيفون والزيت والزيت المظبوط هو بترومين لانه مهو مكرروبالنسبه يصير شي عقب سنه السياره الوحيده للحين عندي امبالا 84 صارلها عندي16 سنه مثل الساعه ولاتنقص ولا تصرف وكل سنه اسوي الطريقه الاولى مو الثانيه واحلا منها مافيه وبعض المرات ادور الزيت بالعيار ماتشوفه من نظافته اذا متخوف ماتلام وانا خوك كل واحد حلاله غالي عليه لكن جرب الطريقه الثانيه (وانت بصحه وسلامه)

أخوي (الهيلا ) التجربه هاذي أظن إنها خطيره ويمكن تروح عليه المكينه
لكن إذا أنت مجربها هل تحسن لديك أداء السياره ، هل حدث بعد سنه أو أكثر شي ء تبويش أو دخان أو ريحة من السيارة (وكل عام وأنت بخير )

أخوي (الهيلا ) التجربه هاذي أظن إنها خطيره ويمكن تروح عليه المكينه
لكن إذا أنت مجربها هل تحسن لديك أداء السياره ، هل حدث بعد سنه أو أكثر شي ء تبويش أو دخان أو ريحة من السيارة (وكل عام وأنت بخير )

شف يالغالي اذا كابرس بعطيك شوري وانت بكيفك نزل الزيت وسكر الصره وحط لترين زيت ولترين كاروسين(قاز) وشغل الموتر ولا تدوس بانزين نهائي وخل الموتر شغال لمدة ربع الي ثلث ساعه شغال وبعدها طف الموتر وافتح الصره وخل الزيت مع الكروسين ينزل عقبها بدل السيفون وحط 5 علب زيت وتدعيلي انا مجربها 100% بس نظف عيار الزيت اغسله بسفنجه وتراب (بوجه العدو) ومويه لين يطير الحراق والوسخ اللي عليه وراح تشوف الفرق بعينك الطريقه انا

مسويها علا سيارات من موديل 76 الي موديل 93 سواء مكينه 350 او305

وردلي خبر

فيه اعضاء في المنتدى جربو هذا الزيت وعدم عليهم المكينه
وفيه اعضاء اخرين جربو نفس الزيت وماصار لمكاينهم شئ
بس إذا كنت ناوي تجرب هذا الزيت اذا وضعت الزيت في المكينه وشغلت السياره عشان ينضف الزيت المكينه لا تدعس بانزين ابد ابد خل السيارة شغاله بدون ماتدعس بانزين هذي المعلومه اخذتها من بعض تجارب الاعضاء الي جربو زيت تنظيف المكينه

والله الموفق

شكراً على الرد بس عندي تعقيب سبق لي وجربت زيت الغسيل على جمس 87

وماصار شيء لازين ولا شين ولكن حبيت أستفسر من الأعضاء الطيبين يمكن

أحصل على معلومه تفيدني وتفيد غيري