سؤال عن سلة الأمتعة خلف السيارة

أخوي إذا كانت من الوكيل راح تكون غالية، أقترح عليك تشتريها من ورشة، يعني شوف لك ورشة للحديد واللحام وأعرض عليه الموديل إللي تبيه والحجم وخله يسوي لك وحدة أرخص لك وأحسن لأنك هني بتتحكم في السعر أما الجاهز فسعره ومواصفاته ثابته، على العموم أنا شريتها 40 دينار يعني أربعمائة ريال سعودي بالسوري مدري كم وطبعاً كانت غالية جداً لأن كان صيف وموسم وكانت آخر وحدة موجودة لأني كنت أبي صغيرة وقالوا ما في إلا هي يا تشيل أو تخلي وما بنوصي لك لأن التوصاية بالمجموعات والموسم أنتهى فخذيها مجبراً أخاك لا بطل.

فعلا اخر سنتين صرت اشوفها كثير عندنا بسوريا مركبة بسيارات اخوتنا الخليجيين
طيب في حد جربها على الباجيرو؟؟ وكم تكلف تقريبا؟؟

مرحبا اخوي
بالنسبة للسلة الخلفية من رايي انا انها افضل من اللي على السقف
انا عندي جمس سوبربان ومركب عليه وجدا مفيييدة ومريحة للسيارة ولا تصرف عليك بانزين مثل السقف لانها ما تصد الهواء
اما بالنسبة للوزن اعتقد انه الوزن الافتراضي لها 100 كيلو فقط ولكن انا محملها اكثر من 200 كيلو والحمدلله تمام التمام بالعلم اني ماشي عليها مشوار اكثر من 2000 كيلو
شخصيا انصحك فيها من واقع تجربة

اخي الكريم ,,, السلة هذه افضل طريقة تحميل من واقع تجربة وافضل من التحميل في السقف

قبل فترة قريبة كان في موضوع لاخونا مرور الكرام يسأل عنها وكان فيه مشاركات مفيدة من الاعضاء

بخصوص اللي انت سويته ,,, بما ان القاعدة ملحمة ومضاف اليها براغي لزيادة التثبيت ,,, تأكد من شد البراغي بشكل صحيح ,,, وانصحك كما تفضل اخي الماردود 2004 انك تربط واير احتياطي يكون مرخي قليلا في حالة ان السلة حصل فيها شيء وانكسرت أو انفكت ,, الواير ع الاقل يخليها تربط في السيارة ,,,

صورة السلة مأخوذة من أحد المواقع مع التحية

مشكورين على الردود ، السيارة مثل ما هو مبين بملفي ومكتوب جنب العضوية فورد إسكيب 2003 ، بخصوص اللحام طبعاً هو في الشاصية حتى يصير قوي ، وبخصوص التحميل أجد كثير من السيارات خاصة ال gmc والفورد فيهم هذي الوصلة من الخلف لتحميل مثل هذي الأمتعة.

طبعاً أنا كل سؤالي كان بهدف حماية الغير لو طاحت لا قدر الله فلا ضرر علي ولا على السيارة ولكن على غير وخاصة ممن هم خلفي؟ أعرف البعض راح يكون طاير على سرعة كبيرة 140 أو 160.

بخصوص التحميل فوق السيارة وجدت انه غير مناسب، لأني جربته مرة ولقيت أنا الشنط تسوي نفس المصد للهواء وتعيق حركة السيارة، وتسبب صرفية بنزيل كبيرة غير متوقعة لدرجة أني من الدمام إلى أبوحدرية إلا البترول مخلص، عادتاً أعبي من النعيرية أو الحفر.

عموماً ما راح أحملها فوق طاقتها الإستيعابية بس كنت حاب أعرف متوسط الوزن إللي تحمله خصوصاً إن هذه السلة منتشرة إنتشار كبير ( صارت موضة ) على الخطوط.
وللإحتياط وحفاظاً على سلامة الغير في الطريق - الخط - راح أربطها بحبل مثل ما توصى الأخ المارودر2004

بالنسبة للتحميل خلف السيارة أو تركيب سلة أو شبك

فهذه خطيره على السيارة وفيها ضغط ثقيل لخلفية السيارة.


اذا أردت التحميل بإمكانك تركيب شبك علوي على السيارة أو تركيب مقطورة جر.


بالسلامه