كانت عندي كراسيدا 90 وكنت أغير زيت عند بنشر يعطيك كروت غسيل بستم
وكنت ايامها أغسل السيارة بستم كل شهر تقريباً... اللي صار اني كنت موعود
بترقيع وتلحيم الكنداسة والشكمان كل فترة وثانية ، وأغير الكنداسة الخلفية
كل سنة تقريباً ، وكنت أظن أن اليابانين صار شغلهم شين ، بعد كذا صادف إني
ماصرت أغسلها بستم نهائياً إلا في السنة مرة....!
فـ السيارة مشت معي أكثر من أربع سنين بدون أي تلحيم أو تغيير شكمان!
هذا غير مشكلة تغيير جلود تشحيم الجوزات اللي كانت تخرب من كثر ضغط
الشحم داخلها ، يجيك العامل يقولك لازم تشحيم ( عشان يكسب كم ريال )
وهي مايبغالها تشحيم ولاشي.
