كم قطعت كيلومتراً قبل أن توضب سيارتك .. ؟

كامري 2000 بعتها ماشيه500000 وماشاء لله فيه حيل تمشي اكثر بس بعتها
ماركيز موديل 99 لاخوي باعه ماشي فوق 700000
كامري 99 لصاحبي معه الى الحين ماشي فوق 700000

جيب برادو 99 للوالد ماشي حوالي 600000 كيلو

سوناتا صاحبي 2010 ماشيه 130000 كيلو

كرسيدا 96 ماشيه 800000 كيلو بعد توضيب مره وحده عند 500000 كيلو

واستخدام شاق

انا بتكلم عن القير...

عندي ماركيز 2002 اول ما مشت السياره 14 الف كم سويت حادث قوي شوي ووصلت الصدمه للقير... و صلحت السياره و بعده بفتره يعني بعد ما مشت 40 الف بدا القير يخربط شوي ... رحت ووضبته كااامل مع قطع جديده واصليه بـ1800 ريال مع ضمان 8 شهور... و بعده وضبته يوم مشى الموتر 180 الف كم .... و الحين توني موضبه يوم مشى 400الف... ونا الصراحه منب راعي محافظ :bigggrin:...

الماكينه الحمد لله بااااقي فيها حيل الى المليون ان اشاء الله...






على العموم الماركيز للبيع و نضيف ما جاه توضيب ابد و لا توضب 3 مرات...:bigggrin:









يعطيك العافيه اخوي على الموضوع الجميل...

تستاهل انت والموضع خمس نجوم...

باترول 2001 تحت يدي ماشي الان 470000 ولم تفك المكينه ما شاء الله

لومينا 2002 تحت يدي ماشيه 250000 ولم تفك المكينه ما شاء الله

بس نصيحه للجميع حافظ على تغيير الزيت بوقت محدد ما يتعدى ال12000 كيلو وانتبه

لمستوى المويه ولا تهمل التشييك عند ورشه متخصصه كل سنه مره وربي يعطيكم من

خير سياراتكم ويكفيكم شرها ودمتم بود وتقبلو مروري وتحياتي ,,’’,,’’,,’’,,’’,,’’

كامري موديل 2000 شاريتها جديده و غيرت مكينتهاا ما شيه فوق 500 الف

كورلا موديل 97 ما احتاجت توضيب الا بعد 270000 الف كم

أعرف واحد عنده موتر نوع ماكسيما قديمه

ماشي فوق 500 ألف بدون توضيب

وعزم ممتاز

مكسيما ماشيه حدود 400 الف بدون توضيب

انا اتوقع سيارتي البيجو 407 2005

حطمت الرقم القياسي 140 الف المكينه كانت تحتاج توضيب بس قالو لي ادفع 12 الف ولا صلحتها رحت اخذت مكينة من التشليح اما القير بعد ال60 الف وديتها للتشيك في وكالة الرياض وبعد اسبوع رحت استلمها قالو لي لسه ما عملنا حاجه عندنا زحمه وانا ساكن بالشرقيه فسحبت السياره منهم ورجعت في نفس اليوم وانا على الخط السريع بدا القير ما يبدل ويوم وصلت الشرقيه قالو لي انت كنت تمشي و القير بدون زيت (البيجو لا يوجد بها معيار لزيت القير ولا في ورشه تعرف تشيك على زيت القير الا الوكاله) وقالو لي الضمان انتهى السياره ماشية 60,420 كيلو والضمان يغطي الى 60 بس

وتحتاج قير جديد وسعره 16 الف بدون تركيب

بس صعبه يبيلك تعطي عيال الحاره كلو احد مفتاح اي واحد فاضي يعبي بنزين 5 ريال ويلف الين توصل مليونين واخش موسوعة غينيس والتوضيب بالقطه على العيال

سيارتي مكسيما وماشيه 391718 بدون توضيب والحمد لله

بس مره ياشباب سمعت سالفه بس ماادري من صحتها وهي ان واحد معه لكزس على مااعتقد

موديل 97 او 98 او 95 جي اس المهم انها وقفت على 999999 راح للوكاله يبي يصلح العداد

تفاجئت الوكاله وقالو له خلها وخذ جديده مع العلم ان راعي الكزس يضرب مشوار من

الرياض لشرقيه كل اسبوع تقريباً بصراحه انا بعد السالفه هذه قلت ابخلي المكسيما تطق

مليوووون يمكن اذا سالفه الرجال صحيحه يحالفني الحظ مثله ويعطوني مكسيما جديده <<<<

يتخيل كثير مانقول الا يارب تمشي مليون عطوني ولا ماعطوني

هههههههههه

اخوي لا تستغرب على جيل الثمانينات
جدي وضب لاند كروزر 85 بعد ما صفر العداد بحول ال50000 كيلو

لا تستغرب اخوي.:c0214:
تحياتي لك موضوعك رايق.

أنا سمعت أن هناك نادي للمحركات اسمه نادي المليون وهو للمحركات التي تمشي مليون ميل بدون مشاكل وهذا تقريبا ممشى صاحب السوبربان ..
من المكاين اللي دخلت النادي مكينة الدودج رام 2500 ديزل

الاجانب يحافظون على السيارات ويستخدموها وقت الضروره مو في اي وقت يااخوي هذولا ناس تعرف قيمة السياره

موب عندنا في كل وقت السياره شغاله حتى للمشاوير القريبه بالسياره

^
[COLOR=blue]وش دراك أنه صادق ؟ [/COLOR]أقصد الرجل الأمريكي ؟