-MORANO-CX-9-EDGE-LR 2-TRAVERSE

الموووووورااااااانوووو مع المواصفات الرائعه

ما ادري نزلت فئة السبورت ولا لا ؟؟ اللي عنده علم لايبخل علينا وكم سعرها

عاد اذا فيه وكان سعر الليمتد 132000 ريال كم بيكون السبور ؟؟؟؟؟؟؟؟؟؟؟؟؟

أنا رأيي أن هذا السعر 134850 ريال للفورد ايدج الليميتد 2010 سعر مبالغ فيه خصوصا مافيه شاشة ملاحة أوكاميرا خلفية أو حتى تشغيل السيارة بالريموت!! .. المفروض يكون سعره حدود 120 ألف . ياشباب تتوقعوا ممكن ينزلوا عروض في موسم الحج ؟

يعطيكم العافية ...

بس والله تحطييييييييييييم الفورد2010 بدون نفقيشن وبهذا السعر :-(

[/CENTER]

أبشركم ياشباب .. اليوم وصل فورد إيدج ليميتد 2010 لدى توكيلات الجزيرة ..
بس المشكلة في السعر الباهظ المبالغ فيه ... قالوا لي 134,850 ريال سعودي .. (طبعا بدون نفقيشن)..

في رمضان كان سعر الليميتد 2009 بسعر 116 الف ريال .. ولا يوجد أي فرق في المواصفات بينه وبين 2010 ...

اخواني هل يستاهل هذا السعر ؟ فرق السعر بين 2009 و 2010 = 18 ألف ريال !!!!

السلام عليكم اخوي siddique ما قصر رد ع سؤالك بس بقولك شغلتين

اولا الايدج سبورت نازل بامريكا من 2009 وثانيا انا قريت بمنتدى يهتم بشركة فورد وفيه تقرير عن ايدج 2010 ومكتوب انه بينزل والعلم عند الله

عموما سواء جت او ما جت ممكن الاستغناء عن فئة السبورت

لان فيه بدي كت ينباع شكله مقارب للبدي كت حق السبورت

هذي صورت الايدج سبورت




وهذي صورت ايدج معدل عبارة عن بدي كت تقدر تشتريه وطبعا مع تغيير الجنوط
وهذا الي ناوي عليه ان شاء الله بالخطة الخمسية القادمة :bigggrin:

شوف هذا الرابط

http://www.lmperformance.com/image.asp?p=3d691509&m=185

وبالاول والاخير لا تستعجل واستخير المازدا خيار جيد بعد

بالتوفيق

شوف بما إنك منتظر إلين بعد عيد الحج فذاك الوقت أسئل

لأن في سيارتين من المازدا وهي CX-9 , CX-7 كلها 2010 نازلة قبل الحج بأسابيع

طبعاً فيها إختلافات في البودي كثيير وعندك CX-9 الفل كامل 2010 تجي بكاميرا خلفية ــ أكيد فيها شاشة ــ هذا ما وصلني من أخبار نزولها .......

اخواني أنا توني جاي الحين من توكيلات الجزيرة .. (الاثنين 5 أكتوبر 2009) .
باقي 3 سيارات فورد ايدج SEL فقط ...
كما ذكرت سابقا .. 2010 بيوصل على عيد الحج ...
قال لي الموظف اليوم أن الليميتد سيكون سعره 132 إلى 134 ألف ريال .. والأسعار بتنزل فقط بعد 3 أشهر .. يعني على أواخر فبراير 2010 ..

ماقصرت .. تسلم والله .. وان شاءالله حسأل مزبوط على LR 2 وارد عليك ..

الأخ ياسسسسور ...

والله انك صادق.. 132 ألف ريال بدون نفقشن صعب شوية ..

بس الوكالة قالوا لي ممكن تشتري جهاز نفقشن مع كاميرا خلفية والوكالة يركبوها لك .. بس انتبه بعض أنواع الأجهزة لاتعمل مع أزرار الدركسون للتحكم .. توجد أجهزة Kenwood وغيره .. ممكن تسأل الأخ سلطان فهو عنده خبرة أكثر بهذا الموضوع .. تقريبا يكلفك حوالي 10 الآف ريال مع تركيب الوكالة .. سعر الجهاز لحاله تقريبا من 4000 إلى 7000 ريال ..

أنا شخصيا .. عندي جهاز نفقشن خارجي Navigon 7100 شريته من أمريكا اللي يركب على الزجاج الأمامي وسوف استخدمه ...

بالنسبة للـ LR2 ، أنصحك تتأكد وتستفسر عن الوكيل .. أنا والله ماعندي خبرة معاه بس سمعت أنه تعبان جدا .. وقطع غياره والصيانة الدورية مكلفة .. أحسن تسأل وتتأكد .. وطبعا الاستخارة أهم شئ ..

أنا اخترت الإيدج من بين السيارات الكروسوفر التالية (طبعا هذه آراء وأذواق شخصية)
- فولكس واجن تيجوان : حسيت أنه ضيق وبالذات المقعد الخلفي + المكيف مو ممتاز + لاتوجد بانوراما في الفل أوبشن 2009 و 2010!!!! + الوكيل ساماكو التعبان .
- شفروليه ترافرس : ماعجبني شكل الخلفية + الفل أوبشن غالي نوعا ما .
- أكاديا : الفل أوبشن غالي نوعا ما + الداخلية حسيت شكله رخيص وبالذات فتحات المكيف .
- هوندا سي آر في : أخوي عنده نفس السيارة (:
- متسوبيشي أوتلاندر : ماعجبني شكل الخلفية ، لاتوجد مواصفات أساسية حتى في الفل أوبشن .
- مازدا سي إكس 9 : سيارة حلوة بس ما أدري ماعجبني اللون الأسود اللامع للطبلون وكمان شكل الخلفية .
- فورد فليكس : شكله سيارة نقل تابوت .
- نيسان مورانو : سيارة رائعة بس الفل أوبشن غالي 163 ألف ريال .

الرجاء مشاركتكم وابداء آرائكم القيمة ..

تسلم اخوي siddique..
بس حرام اذا مافيها نفقيشن ...

والله احترت ...الي يقولي روح للاند روفر تلاقي مواصفات وسعر حلو والي يقولي استنى المازادا راح تجي بمواصفات وسعر حلو ؟!!!!!!!!!!!

أخواني الأعزاء ياسسور وسلطان ..

قبل يومين مريت على توكيلات الجزيرة فورد في الدمام (طريق الظهران الجبيل) والخبر (طريق الكباري) والنتيجة كالآتي:

مندوب المبيعات في كلا الفرعين قالو لي حاليا عندهم الستاندرد SEL بـ 100850 ريال (نفس سعر عرض رمضان لايزال مستمرا) وعندهم فقط أقل من 4 سيارات متبقية في المملكة موديل 2009 ومعظم الألوان خالصة ..
الـفل الـ LIMITED خلص تماما في المملكة في بداية رمضان . أخر سيارة تم بيعه بسعر 116 ألف خلال عرض رمضان .

الدفعة القادمة ستكون موديل 2010 وسوف تصل في أواخر نوفمبر ، مش متأكدين قبل عيد الأضحى أم بعده .. قالوا لي اتصل بعد اسبوعين وسيخبروني موعد وصوله بالضبط .

فرق المواصفات بين SEL و LIMITED موديل 2009 حسب إفادة موظف المبيعات وخلال مشاهدتي شخصيا :

المواصفات في SEL مقاعد مخمل ، 6 سيدي ، نظام مايكروسوفت Sync ، الشنطة تفتح وتتسكر بالريموت ، جنوط الومينيوم 18 بوصة ، لاتوجد فتحة سقف ، مكيف يدوي ، تعتيم أوتوماتيكي للمرايا الخلفية ، مقعد السائق كهرباء ، مرايا إضافية صغيرة لرؤية النقطة العمياء في المرايا الجانبية ، أرقام سرية لفتح باب السائق ..

المواصفات في الـ LIMITED : مقاعد جلد، 6 سيدي ، نظام مايكروسوفت Sync ، الشنطة تفتح وتتسكر بالريموت ، جنوط ألمونيوم مطلي بالكروم 18 بوصة ، فتحة بانوراما ، ذاكرة مقعد السائق والمرايا الجانبية ، مكيف رقمي للسائق والراكب الأمامي ، تسخين المقاعد الأمامية والمرايا الجانبية ، إنارة داخلية بسبعة ألوان ، لاتوجد نافيقشن (النفيقشن نزل فقط في موديل 2008) ، مقعد السائق والراكب الأمامي كهرباء ، أزرار لبرمجة مفتاح الجراج ، تعتيم أوتوماتيكي للمرايا الخلفية ، مرايا إضافية صغيرة لرؤية النقطة العمياء في المرايا الجانبية ، أرقام سرية لفتح باب السائق ..

الموظف في فرع الدمام (طريق الجبيل) أخبرني بأن سعر الليميتد 2010 سيكون مابين 130 إلى 132 ألف ريال فور نزوله ويتوقع نزول سعره 6 الآف ريال بعد شهرين أو ثلاثة ..

والموظف في فرع الخبر (طريق الكباري) أخبرني بأن سعر الليميتد 2010 سيكون سعره عند وصوله 146 ألف ريال !!!! ويتوقع نزول سعره خلال أشهر ..

وصراحة ما صدقته (الموظف اللي في الخبر) ،، مو معقول يكون سعره 146 ألف (مع أنه بدون نفقشن وسعر اللينكون MKX حوالي 150 ألف مع بانوراما!!) . أتوقع سعر الليميتد 2010 سيكون مابين 128 إلى 132 ألف ريال فور نزوله وبعد شهرين بينزل سعره حوالى 5 إلى 6 ألف ريال ..

السبورت قال لي أنه لا يعرف إذا يتنزل في السعودية أم لا..

أفيدونا بمعلوماتكم وآرائكم .. أنا ناوي ان شاء الله على الليميتد ....

نصيحة انتظر نزول تويوتا برادو الجديد 2010 وبعدها قرر أما اذا مستعجل خل عنك كل ما ذكر أعلاه ما عدا الشفرليه ترافرس.

تسلم يا سلطان .. السبورت موجوده في السعودية ؟

اسعار 2009 و 2010 بصراحه ما عندي علم فيها ... الي معي 2008

بس بصفه عامه فورد معروفه اسعارها متقاربه بين كل موديل وموديل جديد اذا ماكان فيه تغييرات جذرية

انا شريت الموتر باوائل 2009 وكانت تصفيه ع موديلات 2008 وكان فيه عروض

اقل فئه SE ب 98000 SR ... تجي بمقاعد مخمل وبدون بانوراما ومكيف يدوي ومسجل 6 سيدي وتحكم بالمقاعد يدوي ما انصح فيه ابد
الفئة الوسط SER ب 113000 SR ... مقاعد جلد .. بانوراما مكيف الكتروني مسجل 6 سيدي مقاعد بتحكم كهربائي ست وضعيات مرآت تعتيم امامي تدفئة للمقاعد طي المقاعد الخلفية بالكامل ذاكرتين لحفظ وضعية السائق نضام تعليق رباعي مستمر وشغلات ثانيه نسيتها تقدر تطلع اكثر ع مواصفات الايدج لو سويت بحث بالمنتدى
الفل اوبشن Limited ب 123000 SR
الفرق بين ال SER وال Limited كانت بوجود شاشة نفيقيشن وشغلات بسيطة جدا

مع العلم كنت متابع الاسعار اول باول وكان الفرق في الاوقات الي ما عليها عروض تقريبا زيادة 10000 على كل فئة ... مثال الايدج الي معي Limited كان سعره 133000 بشاشة و 123000 بدون وبوقت العروض صار 123000 بشاشه و 113000 بدون شاشه

بالنسبه لفئة السبورت هذي فئه جديده وما عندي علم بسعرها والله

تقبل تحيتي

والله يا adsas .. الاكاديا نفس الترافيس بس جي ام سي وشفرلية ..بس نفس المكينة وكل شي تقريبا

تسلم يا سلطان ..
من ناحية صف ثالث ماتفرق معاي ..
بس ابغى اسئلك عن فات الفورد .. واسعارها اذا ممكن ..

المورانو الجديد شكله روعه