حرارة القراند ماركيز 2004

يالغالي في الفوردات مستحيل تكون الحراره طبيعيه وهي ثابته على النص
فيه فرق بين النصف والثلث
الطبيعي تكون الثلث يعني فوق الربع بشوي ولا تتحرك ابدا
نظف الاديتر زين وشيك على كتاوت وأفياش المروحه
برمجه للحراره ماصارت ولا قد سمعنا عنها
علمنا وش يصير معك
وبالتوفيق

اخي الكريم
بعد ما تتأكد من الرديتر من تنضيف وخلافه وتغيير المويه القديمه
انصحك ايضا من التأكد من المروحه تأكد انها شغاله تمام لأنها مهمه جدا وبالتأكيد تأثر على الحراره
واذا شيكت على كل ما طرح وما زالت المشكله مالك الا تفحص السيارة بالكمبيوتر وتتأكد من كل شي

وبالتوفيق ان شاء الله

أخي الكريم من ولقع تجربة حصلت لي نفس المشكلة أنا أداوم في خط كله غبار أكرمكم الله وكانت الحرارة مرتفعة شوي ومرة مريت على بنشري عملي تنظيف للمكينة وطلع منها بلاوي ونظف فلتر الهواء وفتحات الرديتر والمروحة والهواية والله كأنها عاصفة ثارت في البنشر المهم بعدها رجعت الحرارة طبيعية وهذا كله بخمسة ريالات!!
وتأكد من الهواية او تكون مكسورة أو فيها خروق وتأكد أيضا من قوة المروحة ؟
والله أنا شاك في بعض ضعاف النفوس من أصحاب المعارض إذا جتهم سيارة استبدلوا المسجل والهواية والمروحة بأخرى تجارية فأنتبه من هذا الشي وشيك عليها

مشكور اخوي DSCعلي الرد لاكن انا مغير البلف ومغير الموية ولا فيها اي نقص والحرارة ثابتة اعلي مستوي العلامة بس الاكيد ان الحرارة عالية شوي ولا فية اي مشاكل ولله الحمد بس الحرارة زايدة شوي بدون اي تاثير بس الملاحظ ان السيارات من نفس الموديل تكون علي النصف

أخوي مرحبا
مرحبتين فيك.الفوردات من موديل 98الى 2010حرارتها الثلث ثابته على العلامه سواءا في الصيف او الشتاء ولا لها اي برمجه
اول شي بحكم ان السياره استعمال امريكي نظف الاديتر وتاكد ان مافيه تهريب أو أي تنسيم(مهم جدا) وغير البلف وتاكد ان المراوح شغاله(وافحص امبير الحراره لايكون عطلان ويعطي قراءه خاطئه)
وبترجع الحراره لوضعها البطبيعي ان شاء الله
وان مارجعت لكل حادث حديث

مشكور اخوي امير بس الموضوع ان الحرارة ثابتة لاكن مرتفعة فوق النصف من يوم شريتها واتمني تكون علي النصف بحكم الاجواء عندنا واتوقع ان الموضوع برمجة لان السيارات من نفس الموديل تكون اقل من كذا بمعني ان امبير الحرارة يختلف باختلاف حرارة المناطق اللي تستخدم فيها السيارة في امريكا ( وجهة نظر )ارجو الرد من واقع تجربة