السيارة هي الاولى من شفرولية يعملوها بنظرة تكنلوجية متقدمة .. وهي سيارة رياضية من الدرجة الاولى 8 سلندر ( V8 ) كوبيه .... والجديد في الموضوع ان الدفع خلفي يكون من عجلتين خلفية من مقاس 22 انش، والامامية 21 انش .. لا .. وبقوه 430 حصان
ويقول هيلولوزون ( مصمم السيارة ) انو نبغي نسوي مفهوم جديد لسيارات شفرولية ..
التطورات اللي حصلت في السيارة هي المبنى الصغير يثبت مضبوط عند السباق .. وطبعاً السيارة ماتحتاج حقت سباق .. زي ماقلت 430 حصان 8 سلندر وهي 6.0 لتر .. (( يعني تقريباً زي الفياقرا s600 )) وفيها الهيدراماتيك 4 سرعات الكترونية .. و نظام إمتصاص الصدمات السفلى (المطبات بالعربي) .. يعني اذا أكلت (لاتنسى تزود الشطة )مطب ماتحس فيه لأن النظام ينزل السيارة على حسب ارتفاع المطب ..
والحلو في السيارة انك تقدر تخلي السيارة رياضية وقت ماتبغى .. و تخليها سيارة حلوه وأمورة وقت ماتبغى .. يعني تقدر تقول توفير بنزين شوي وبتكون السيارة اهدأ طبعاً اذا كنت مخليها على الوضع العادي .. يعني ايام الويك إند خليها رياضية .. وازعج العالم في التحلية .. وانت رايح لدوامك في ايام الاسبوع خليها على النظام الهادي وخليك عاقل عشان العالم تحترمك .....
وفيها نظام مثبت السيارة .. يعني حوسة السيارة في القومة تكون ان شاء الله من الاشياء الصعبة .. والهيكل أقوى .. والقير صمموه بحيث إنو يتحمل قوة السيارة الغير عادية...
اما بالنسبة للداخل مخلين كل الاسطح جلدية .. وبنفس اللون الخارجي .. بنوع من جلد الاردواز الفخم .. ولوحة العدادات والشاشات وانوار الاستريو برضو على نفس لون السيارة الخارجي حتى الدركسون جلدي بنفس اللون ..و المقاعد نفس طريقة مقاعد الاس اس بشكل رياضي محفوف بجناح من الطرفين (Hicaro إذا ما خاب ظني)..
وفيها مقعد خلفي خاص للأطفال ...
وفيه ثلاث اقراص دي في دي مع شاشات وحدة قدام وثنتين ورا كل راس مقعد مع راديو قمر صناعي اكس ام متضمن مع الدشوش والحركات مع نظاام امن ...
طولت عليكم في الشرح .........
أما موعد نزولها فمتوقع إنها تنزل في 2004 أو 2005 ..(الله يعطينا طولت العمر
أربطو الأحزمة لو سمحتو .........
