جنزير الفورد

سمينا بنفسك @user_145200 · 12-10-2009

صوت في محرك كراون فكتوريا 99 وديتها للمكانيكيين قالوا جنزير لكن ياشباب هل لازم أغير الجنزير كامل مع الشدادات والشيالات ووجه الصدر وسعرها 1025 أو يقرر تغيير الأشياء العطلانة بعد الفك بدل تغيير جميع الأشياء وتم اختبار البكرات الخارجية بأنها سليمة جميعها بتشغيل السيارة بدون سير ولم يزل صوت خشخشة بالمحرك
وأعذروني على كثرة الاستفسارات

سمينا بنفسك @user_145200 صاحب الموضوع · 13-10-2009

الله يسلمك أشكركم جزيل الشكر
لكن هل صوت الجنزير كنا طالع مرة أو خفيف عندكم

أبو شوق @user_83062 · 13-10-2009

غير طرمبة الماي أهم شي

ابو يااسر @user_150303 · 13-10-2009

سلاااامااات ياقلبي كلام اخوي je14 هذا كله صحيح وانا نفس كلامه صار معي
في يوم من الايام تغير صوت السيااره علي شوي ومع الايام رحت اغير منظم الهواء لانه يبي تغيير
وكلمت صاحب الورشه قلت له الصوت الي عندي قالي لازم نفك السير لانه من الممكن يكون منه ويوم فكينا السير طالع الصوت وقالي الجنزيز سألت عن الجنزيز يطلع ياطويل العمر والسلامه مع اغراضه كامله وقطع اصلي بـ1550ريال مع التركيب
انا عن راايي اقولك غير اغراضه كامل احسن لك لانه ماتفرق الى اذا انت مستعد تفكه مره ثاانيه اذا خرب الشداد لحااله
وبعدين انا سمعت انه اذا انفك الجنزير من السهل ان يأدي الى تخبيط المكينه

واف على الاطااااال:xyxwave::wavey:

je14 @user_35407 · 13-10-2009

أولا سلامات
وثانيا أنا توني مغير جنزير (قراند ماركيز 2002) وكلفني مع شغل اليد 1850 ريال وغيرت كل شيء والحمد لله.
ثالثا تأكد إنه الجنزير وليس الشداد لأن كلاهما يعطي نفس الصوت تقريبا.
كيف تتأكد؟
كل ما عليك يا صديقي أن تحل السير وتخرجه من محله (طبعا والسيارة باردة) ثم شغل السيار إذا سمعت الصوت كما هو فهذا جنزير أما إذا اختفى الصوت فهذا الشداد. (لا تطول على السيارة طفها بسرعة بعد ما تخلص)
نصيحة إذا كان الجنزير لا تطول عليه كثير لأنه حديد وإذا انفك لاقدر الله وأنت ماشي راح يخرج بالصدر كامل لا سمح الله.
بعدين هذا من وجهت نظري عيب في الفورد لأن الجنزير لازم يتغير على 200000 كيلو وسعره غالي المفروض يرخصون سعره وإلا يحطون له حل.
أتمنى أن تكون المشكلة بسيطة
وأتنمى أن أكون أفدتك :)