ارجو المساعده: مطلوب استشاره عاجله عن الطوارق

شوف عزيزي
انا بقول لك اللي عندي و ان شاء الله افيدك بحكم ان ولد عمي يملك واحده [COLOR="Red"]2006 ( الشكل القديم ) و صاحبي يملك 2008 ( الشكل الجديد ) و بحكم اني تابعت مع جميع الامور اللي مرت عليهم مع السياره .

وفي الاخير القرار يرجع لك و الله يوفقك في اختيارك ان شاء الله .


راح أبدأ لك في البدايه مع ولد عمي ( ستاندر ، 2006 )
الضمان 3 سنوات
في البدايه كان مرتاح جدا مع السياره و كانت في غاية العمليه و ضلت معاه لثلاث سنوات من غير اي مشاكل و لله الحمد ،،
لكن بعد الثلاث سنوات و اانتهاء الضمان بدأت الخرابات تضهر نوعا و التغير القطع الاتستهلاكيه بدأ يزيد و كلها من جيبه يعني باختصار بدا يصرف على السياره بمبالغ عاليه جدا و اخرها 6000 ريال قيمه مراوح !!!
لما جينا نحسبها له اكتشفنا ان السياره تضل في الوكاله لمده اسبوعين كل شهرين على الاقل اما لصيانه او لقطع غيار غير متوفره ..
حاليا مدد الضمان لخمس سنوات على شان يخفف من تكاليف القطع و الخرابات ..

الحاله الثانيه : صاحبي ( 2008 ، ستاندر )
السياره الى الان ماشيه معاه تمام و يستهلكها بكثره تقريبا مشى فيها 60 الف خلال سنتين
وعلى فكره : يتوفر بها زينون و بنفس سعرك تقريبا لا اعلم اذا كان هذا عرض ام لا
لانه اخذها في الدفعه الاولى لها بشكلها الجديد .

خلاصه الموضوع :

1. الصيانه جدا مكلفه لكن في المقابل تكون الصيانه كل 12 الف كيلو تقريبا و لو حسبتها مقارنة بالسيارات الاخرى التي تكون صيانتها كل 5000 كيلو مثلا
قيمه صيانة الطوارق ( معدل ) - قيمه صيانه السياره الاخرى ( معدل )
5000 كيلو : 2000 ريال تقريبا
12 الف كيلو : 6000 ريال تقريبا - 5000 كيلو : 2000 ريال تقريبا 5000 كيلو : 2000 ريال تقريبا
المجموع : 12الف كيلو (6000 ريال ) - 15 الف كيلو ( 6000 ريال )


2. تمتاز القطع بان عمرها الافتراضي طويل جدا
على سبيل المثال : الطوارق 2006 من تاريخ الشراء الى يومنا هذا لم يتم تغيير البطاريه الى الاسبوع الماضي لكن بعد توقف للسياره دام اسبوعين بحجة ان البطاريه قادمه من المانيا ، يعني هنا اسجابيه و سلبيه في نفس الوقت .

3 . عدم توفر قطع الغيار ( موضوح في الفقره 2 اعلاه )

4 . السياره في غاية الفخامه و الجمال و سعرها جدا منافس و تعتبر خيار رائع .

5 الله يكتب لك اللي فيه الخير و لا تنسى الاستخاره

و اسف على الاطاله ...