انواع دخان السياره واسبابها والحل معه ؟؟

memo alajmi @user_177838 · 18-10-2009

السلام عليكم..

كيف حال الشباب عساكم بخير ..

ابدا قصتي انا وسيارتي التعيسه :e070: ..
سيارتي يا شباب صايره تدخن دخان غريييييييييب بشكل يعني مو دخان مرة قوي اذا دعست نص او ازود شوي من بنزين المهم مرة تدخن دخان اسود ومرة رمادي ومره ابيض ومرة ابيض مايل على زراق خفيف يعني كل فترة وفترة تدخن دخان جديد ولا في نقص في الزيت والحراره تمااااااااام واحلى مايكون وعزم السياره نفس الشي فل الفل انا رحت لأكثر من ورشه اللي يقولي تنظيف بخاخات والثاني يقول بلوف والثالث يقول شمبر والرابع يقول من دبة الشكمان الوسط عندك تعبانه والخامس يقول المكينه مبوشه والكلام هذا له حول اسبوع يعني لو بيصير شي كان صار لاقدر الله والله جنيت كل واحد يقولي كلام تكفون ياشباب من وش هالدخان ووش الحل معه:c0214:

ابو سعود$ @user_117319 Banned · 20-10-2009

اخوي اول شيء تأكد من معيار الزيت وان لا يكون فوق اعلى خط في الاكسات اللي في معيار الزيت لأن الزيت الزائد سوف يبحث له عن مكان للخروج حتى لو من غرف الاحتراق 0 وانصحك بتغيير نوعية زيت السيارة وفحص كمبيوتر اذا كان لمبة التشيك انجن مولعة في الطبلون يمكن واحد من الحساسات هو السبب

رجل قانون @user_169394 · 20-10-2009

عزيزى اترك الامور على ماهى عليه .. اتصور والله العلم انها بدايات تنقيص الزيت .. يعنى لاحظ من فتره لفتره كل 3000 كم فيه تنقيص زيت او لا ؟؟
طبعا ان كان الدخان عندك متقطع يعنى مره ايه ومره لا

memo alajmi @user_177838 صاحب الموضوع · 20-10-2009

ها ياشباب تكفووون وش الحل ؟؟:c0214:

راعي واجب @user_142325 · 18-10-2009

وعليكم السلام ورحمة الله

ما دام العزم تمام, اتوقع بداية تبويش على وصف كلام
لكن اذا بتتأكد, امسح بصبعك العادم(الشكمان) من داخل وشوف
وش بيطلع معك كربون اسود او زيت, وان شاءالله تكون الاوله
والله يكون بعونك

مجرد رأي

hnjhhg @user_99061 · 18-10-2009

الله يكون في عونك على الورش وكذبهم