اول سيارة صقعت فيها

:D مسوي مطارة مع شرطي حيوان خليته يصير مثل المجنون في الاخير
راح طلب دعم و انا من شفت سيارتين شرطة ورايي قلت في نفسي ( مايصير هذا غش 2 على واحد ) المهم بس ما نفع خليته هو مع خويه الحيوان الثاني ورايي مثل الذيل في الاخير لفيت لفة قوية خليت السيارتين الشرطة يصقعون في بعض و انا معاهم :D ( السيارة كانت لكزس جي اس 99 ) وما كان معي رخصة

جيب باترول 97 بس انا ماشي واحد جا صدمني من الجنب

وهي الاولى والاخيره انشالله

كامري2003 في أسفل الزاوية اليمنى

< ---------------------- قبع بجمس موديل 97

بس الحمدالله جت خفيفه

واللي قبعت فيه .. كانت معه كامري..والمشكله انه خويي..:D

ana b lumina ss 2002 ra7at tshleee7

انا صدمت مرتين كلها بالمازدا 6 وكلها كنت رايح المدرسه وعععع...

القصه اول واحد كنت رايح تقوية رياضيات وكنت طاير بالحاره ويجي منعطف ولاهديت ولاغيرت سرعتي وقدامي وانيت واسقط عليه بالمنعطف مادريت الاكرسيدا قدامي ظغطت فرامل ودخلت على ارض فاضيه اببعد عنه لكن هو ملزم على الصدمه ويدخل معي وصدمته بس الحمد لله سيارتي ماجاها الا الصدام الجهه اليمنى بس وهو انعدمت سيارته ولاجت شرطه ولاشي ابوي كلم صاحب ورشه وجاء اخذ سياره الرجال لانها ماتمشي وانا رحت البيت....





ثاني حادث محرج جداً...

كنت نايم في بيت جدي طبعا البيت كبير مررره مرره مساحته خمسه مليون متر المهم كنت طالع من سور البيت الداخلي ابنزل للبوابه الرئيسيه للبيت كان وقتها الصبح رايح للمدرسه المهم كان معي كوب شاهي وابحطه في مقعد الاكواب وانا كنت منزل راسي مادريت الا انا صاقع جيب لكزس حق جدي 2002 حتى مامشى الا 6000 كان جديد جاني صياح ذاك اليوم لكن اتصلت على امي وقلتلها تكلم جدي......


سيارتي تضرر الرفرف بس واللكزس تضرر الرفرف بس..|3||3|

انا اول حادث سويته و الوحيد :eek:
القصه |1|
كنا نتحدى في العقد انا وواحد عمره 14 سنه لكن الحق لله سواق
المهم هو بوانيت 86 غمارتين طبق عقده وزود
وانا جيت بالمرسيدس حقت اخوي الكبير 90 المهم سحبت البريك على 140 كم/ساعة
عقدة اول عقده والثانيه وبعدها طب في كراسيدا 80 وعدمت الواجهة
بس بعدها ما افحط غير في الساحات ما افحط في الخط



بااااااااااااااااااي |3|

ههههههههههههههههههههههههههههههههههههههههههههههههههههههههههههههههههههههههههههههههههههههه:D:D:D:D:D




ايه و الله صدقت يا عاشق الكراون:D



عندنا ما يوقف في الاشارة بالسيكل او الماطور الا الهنود

هههههههههههههههههههههههه
زي الهنود توقف عند الاشاره ههههههههههههههههههه

اول صقعه لي كان معي سيكل هنود سرقته من هندي يغسل سيارات جيرانا

واخذ السيك وقلت خليني اروح افطر ومادري الا انا عند اشاره انتضر تفتح

وألاول مافتحت دعست الا كان في واحد بيلحق الاشاره وصقعني من وره

وانعدم سيكل الهندي السيكل خرب فيه الشمعات والصدام والزوايد :D:D:D


اما راعي السياره الثانيه شرد

اول قشعة لي كانت مع كراون فكتوريا 2002 وكنت انا الغلطان بس الرجال حط رجلة مع طريق المللك فهد و لا كان راضي يوقف:D:

انا استاهل كل اللي جرالي


عشان ثاني مره ما افحط

لسه توني متعلم السواقه و كان معي كراون فكتوريا 96

و قاعد اخوكم في الله ينطل و السياره تحوص و اشيل سيارات من اليمين و اليسار و اخرتها فوق الرصيف

بس الصراحه الغلط مو علي الغلط على السيارات اللي ماشيه في الشارع ليه ما توخر ؟؟؟

ياخي هو ما انعدم وتكسر جاته خدوش والكبوت عفطين صغيره مره والشمعات تكسرت

ههههههههههه بس ترا صدام الكراون 85 جامد حنا عندنا كراون 89 صدمت فيها شبح وهبقت منه الشبح اتعدم وانا ولا شي وصدمت ايكو اتعدم الايكو وانا هبقت

هههههههههههههههههههههههههه
تستاهل
اول شي مارحت تصلي نع الناس
ثاني شي ممتحن بنات الناس

فهذه عقاب من الله


اما بالنسبه إلى اول حادث إلي كان معي كراون 85 وماشي ومامعي لارخصه ولا بطاقه ولا شي المهم وماشي في الحي حقنا المهم على اليسار فيه ارض حقت الاوقاف ونا مسرع فجئه ما لقيت قدامي إلى كابرس معترض الخط مدري منين جا المهم واحط رجلي على الفرمل والف بل سياره يسار واخش في الارض حقت الاوقاف لحد الان سليمه لاكن المصيبه قدامي لوحه سوداء للأوقاف واقتشعتها معي راح الصدام والكبوت والشمعات ههههههههههههههههههههههههههههههههههههههههه

ههههههههه مشكور على الموضوع

انا اول صدمه اسويها وهيا الاولى والحمدالله
كنت ماشي بكراون98 في حالي على 30 بالكثير واشوف كرسيدا على يميني يطوط بوري انا لفيت على اليسار وهوا غشيم لف على اليسار صقعني
وانا هبقت والله مع انه كان غلطان:mad: بس ايش اسوي مامعايه رخصه ولا تصريح يعني يحطوني انا غلطان بس الحمدالله ماصار شي جامد كلها دقات خفيفه مره

مشكورييييييييييين ما قصرتو
بس ابي مشاركات زيادة

مره وأنا مراهق معاي مرسيدس موديل 78 فضي رحت الى سوق منفوحه معي عشرة ريال ، فللت التانكي بخمسة والخمسة الثانية ( ناوي أشتري طاقية ) ... المهم توني غاسل السيارة ومنظفها من برا ومن جوه حتى اني غسلت الرفارف والصاجات . طلعتها زي العروسه .

المهم كان وقت صلاة والناس مسكرين وقمت الف في منفوحة ومريت تقاطع كان في زاويته حريم ينتظرن المحلات تفتح ... كنت وقتها ما أشوف على رأسي رأس أنا ومرسديسي ... وقمت أتلفت في الحريم ... وفي هذه الأثناء مر وانيت من أمامي وشال واجهية السياره ... وقتها ما دريت من وين جاء هالونيت . ما أنتبهت الا من القشعه . يوم أناظر الا والشبك في جهه واللوحه في جهه والقزاز منثر .

تفاهمت مع راعي الونيت وقلت خلاص كل واحد يصلح سيارته . وضاعت الهيبه والشخصية . وهذا ليس أول حادث ولكنه من الأوائل واللي قبله صدمات بسيطة لا تذكر.

تحياتي