السلام عليكم ورحمة الله وبركاته ،،،،
ما أطول عليكم ،،
عندي باترول نيسان 92 كانت ترتفع الحرارة وتنخفض احيانا وازود مويه باستمرار
واخر مرة رحت للميكانيكي قلت له ليش المويه تروح مع ان مافيه تهريب ، قام سحب
امبير الزيت ولقيه ابيض ( الزيت مختلط مع المويه ) ووقفت السيارة على طول :c0038::c0038::c0038:
الان ما ادري واش المشكلة بالضبط ( رأس ماكينة ، او توظيب كامل ، او تغيير مكينة )
وتعرفون الله يسلمكم الورش اللي عندنا في الطائف ومعاناتنا معهم واغلبهم لا ذمة ولاضمير
وانا يا اخواني ماكتبت هذا الموضوع الا بعد ما بحثت في المنتدى ما لقيت اجابة عن استفساراتي
انا الان ياجماعة الخير ابغا احد يتكرم علي ويفيدني ويدلني ماالمفروض عمله ( شراء مكينة ) او توظيب أو العطل في الرأس .... الخ والاهم من هذا كله احد يدلني على ورشة توظيب في الطائف ممتازة او تشليح ممتاز ( أهم شئ امانتهم لانهم هم اللي بيكشفون عليها ويعطوني الحل )،،،، وسؤال اخير لاهنتم كم التكلفة التقريبية للتوظيف او شراء مكينة ؟؟؟
وانا انتظر ردكم على احر من الجمر لاني متعطل ولا اقدر اودي السيارة عن اي ورشة الا باستشارة منكم ،
وجزاكم الله خير الجزاء وجعل ذلك في موازين حسناتكم ،،،،،
اخوكم / عبدالله
