حادث العائله بسبب دواسه الوقود وتسجيل 911

صارت معي في كامري 2009 وانا امشي حطيتها في الثالث وشديت ولاحظت ان السياره تشد اكثر من اللي دعسته وافك عن البنزين الا السياره تشد وانا احطها بالرابع والخامس الين جبت طبلونها بعدين حطيتها بالفاضي قعدت تحن والعداد وصل 6ونص بغت تنفجر الا واطفيها وهي ماشيه تقريبا 160 وخليتها تدحدر الين وقفت وقفلتها ومشيت جيتها اليوم الثاني شغلتها الا تحن من اول ما اشتغلت قمت طفيتها وافك الكبوت وطالع محل الدعسه اللي جنب المكينه الا والسسته معلقه ناشبه في الصاموله والدعسه مشدوده فككيتها وشغلت اشتغلت عادي واذا دعست دعسه جامده تعلق ووديتها للورشه قال جيب سسته جديده اشتريت وحده شحمها وركبها وضبطت معااااي ابعرف انا كيف مافكر انه يطفيها والله لتوقف لو انها ماشيه مليون
لكن مع الربكه ما عرف يتصرف

صارت للوالد في جمس 96 بس الحمدلله الوالد فطين حطها على الN والسيارة تحن الين ماظبط الدواسة لانها كانت عالقة بالاخير هالمشاكل ذي لازم الواحد يكون متأهب لها ومستعد في اي وقت لها

زي ماصار الى اخوي في اللكزس is300 موديل 2008
علقت عليه الدوووسة والاشاره مسكره والناس واقفة !!!
طلعت المشكله من الدواسة !!

يا أخوي ينكسر القير ولا أموت أنا وعايلتي الحديد بدالة حديد وأنا أخوك

يا شباب في واحد من أخوياي عنده أس أس 96 وكم مرة أركب معه وتعلق الدعسة فينا
عاد الرجال طفش من كثر ما تعلق فيه وقال لازم ألقى حل ويطلع على الدائري ويقعد يدعس لين علقت الدعسة بعدين يدعس الدعسة كااااملة وترجع السيارة طبيعي عاد ما أدري إذا كل السيارات كذا أو لا وأذكر مرة كنت ماخذ سيارتة ويوم وصلت الظغط على 3ونص علقتبي الدعسة وأتذكر كلام الرجال ( إذا علقت الدعسة أدعس الدعسه كاملة ) وأنا أسويها والحمد لله لاكن الرجال قد صدم صدمة خفيفه بسبتها ومرة بغى يصدمني ومرة عند المديور دعس ووراه العالم طاااايرين وعلقت وتعرفون ال ss إذا زر مايرده إلا الجدار لاكن الرجال ماشاء الله عليه يسوة وقدر يهجد السيارة حطه في N بعدين راح على اليمين ودق فليشر وطفى السيارة وشغلها وكل شي تماام .

الزبده إنها خظر مرة وكم مرة بغيت أروح أنا وياه والسبة هي والله ياهي تروع أسألوني جربتها مرة على نص الدعسة والله كرهت السيارة قلت خذها لابوها لابو من ساقها

هو ما داس على دعاسة الفرامل او فرامل اليد او حتى ما حرك الفتيس!!!!!

اخوي تحن السياره بصوت عالي جدا والقير يادوووب يقبل يعشق قووووي مره وتسمع طقه قويه تخاف القير ينكسر وتبلش.

صارت لي نفس المشكله على سياره الوالد سوبر بان
علق البنص ادوس ع الفرامل يمسك الى سرعه60كم بعد كذا رفعت رجلي عن الفرامل وتشجعت ودست ع البنزين على امل ان البنص يرجع وبعد محاولتين هدت السياره وارتحت وفجاه رجع يعلق
ورجلي على الفرامل والله اني انتفض من الخوف ارتبكت بعد مده يمكن10 دقايق يااااااالله وقف الموتر وعلى طول على Pوصوت السياره وحنينيها لمى حطيته على Pطفيت الموتر واتصلت على اخوي.حملناه بسطحه وعلى اقرب ورشه مادري وين كانت المشكله.
بس ربك ستر 4 اشارات اقطعها والحمد لله ماصار شي.
للمعلوميه.كنت مسرع ومشغل المكيف على 4 وفي عز الصيف بالظهر.

ياناس ودي افهم

ليش ماعشق القير في وضعية N؟؟؟؟؟؟؟؟

اتوقع تهدي السياره وتوقف

تصدقون تذكرة قصة شخص موجود في إحدى منتديات رياضية فاكتب عن مشكلة

موجوده عندة في كرولا وهي يعلق عنده ريس سيارة وتبدأ تسرع سيارة بشكل جنوني...

وراعي كورلا قرر أن يسير الوكالة ويطالب بستبدالها لأنها جديدة بس ما أدري شو

صار له بعدها هل عدلوها ولا بدلوا سيارة كامل ..

وطبعا هذا شخص كان من إمارات

تصير هالحركة كثير لاصحاب اللكزس ES

اقول يازين مفتاح السيارة

بلا بصمة بلا خرابيط

لا حوووووووووووول والله انها توهيقه من جد
الله يكفينا وياكم الشر وتقبل مروري

عز الله صنادق على كفرات
تدرون ان اللكزس ما فيه شي اسمه سافيتي ولو لا سمح الله صار لك حادث الحزام يفك على طول وصارت مع ناس واجد لكن على وشو السعر الغالي والبهرجه على سياره اقل ما يقلا عنها قوطي

لا حول ولا قوة الا بالله
الله يستر

و الله هالمشكلة مخيفة و نفسها تصير عندي في الهايلكس الدعاسة تروح و تجي على راحتها لا حسيب ولا رقيب

و حصلت مع اكثر من واحد في امريكا لدرجة انه يوجد موقع كامل حول هذه المشكلة

http://suddenacceleration.com/

و المشكلة حتى انها ما هي فقط باللكزس بل ايضا موجودة بباقي سيارات تويوتا مثل التاكوما (اللي هو هايلكسهم) :confused1:

[YOUTUBE]7c1Dwoak9rI[/YOUTUBE]


و طبعا واضح ان الامريكان مسكوها على تويوتا مسكه طيبه

الغريب انه في اتصال صاحب اللكزس يذكر ان دعاسة الفرامل ما تشتغل :confused1: يعني لا فلور ماتس ولا غيره و تصريفة حلوة بس طلع الهدف تسلل :bigggrin:

[YOUTUBE]uuHS_kYDu3s&feature=related[/YOUTUBE]


[YOUTUBE]ZfmYIGpXTlc&feature=related[/YOUTUBE]


[YOUTUBE]kJ847n_UsYc&feature=related[/YOUTUBE]


[YOUTUBE]Ippnztg3A_o&feature=related[/YOUTUBE]


[YOUTUBE]eMEytyS_4KY&feature=fvw[/YOUTUBE]


و طبعا الخليج لا يوجد به مشاكل تذكر كل المشاكل سرعة زائدة و الغلطان انا وانت :smile:

السلام عليكم

حقيقة هل المشكلة صارت لي مؤخرا في الأفالون 2006 حيث السيارة تزيد سرعتها وتثبت دون تقليل للسرعة

ولم استطع ايقاف السيارة الا بعملية تقليل عدد النمرات بعد تحويل القير الى اليدوي وايقاف السيارة بعيدا عن الشارع ناهيك ان الفرامل لم تجدي نفعا ذلك الوقت

يعود السبب الي الفرش الارضية الثقيلة , مالم تكن مثبتة بمساميرها فمع الوقت تتدحرج الى الامام شيئا فشيئا الى ان يقوم السائق بدعس الدواسة الى الامام حتى يتعدى الفرشة ولاتستطيع الدواسة العودة الى وضعها الطبيعي في حالة تقليل السرعة ...

لذا نصيحتي لكم بتثبيت الفرشة بمساميرها او بقلب الفرشة نفسها وهذا ماقمت به في مقعد السائق

والله يحميكم من كل مكروه .

و كل عام وانتم بألف خير ..