استخدام قوي وممشيتك 90 الف اللي قدام واللي وراء 115 الف كيلو :confused1::confused1:
هذي اكيد لومينا مصنوعه خصيصا لك :bigggrin: وبعد حطيت ان اللومينا السته والكابرس مايقدر عليها الفورد وش رايك تقول بعد ان الابيكا احتمال تمشي مع الفورد ولا الاوبترا صدامها بصدام
الفورد ولا الافيو الفرق بينها وبين الفورد سياره :bigggrin: عشنا وشفنا كل يوم نسمع غرائب عجيبه
ياما شخطت لومينا سته سلندر وكوابرس سته سلندر بفورد ولا بعد قديم 2001 لا بقومه ولا خط
لان اللي كان عندي مايفصل لاتقولون اللومينا القديمه ولا الكابرس كلها القديمه 2004 وال 2006 وفوق
ونجي على الخربات انت شكلك شاري سيارتك من التشليح ماخليت شي بالسياره الا حطيته
لاحول ولا قوة :bigggrin: وش بقيت بالله للسياره المسيكينه عشان تمشي مابقى شي بالفورد خربان الا وحطيته :bigggrin:
باقي تقول الباب يطيح وانت تمشي والصدام يحك بالارض اذا اسرعت والكبوت ينفتح احيانا اذا تعديت ال 140 :bigggrin:
انت شكلك تتكلم على اللومينا بس مضيع وقلت الفورد :bigggrin:
الله يسامحك يا اخوي يعني تكذبني ؟؟؟؟
ترى الموضوع ما يستاهل يوصل لهذي المواصيل لان كلها سيارات لا ودت و لا جابت و لا انا صنعتها ولا انت فهدي اللعب اخوي و خليك محترم و اذا كانت السالفه كذا كل ما قلت شيء تكذبني وشو له ارد و اتعب نفسي ؟؟؟؟؟؟
شوف اسمعني زين انت و غيرك انا و بكل صراحه جديد عهد على اللومينا و ما عندي خبره واجد عن السياره و كنت اقول نفس كلامك انت و راعي الكامري يعني مع الخيل يا شقراء
بس شوف تجربتي و احكم بنفسك هل السياره ما تستاهل ولا تستاهل !!!
سيارتي لومينا 6 سلندر 2008 ماشيه لحد الحين 115 الف كم و عليها شوي و فاكها وكاله قبل سنه و7 شهور حتى الحين غيرت لها فحمات امامي بعد ما مشت فوق ال90 الف شوي و شريتها ب370 ريال
و غيرت لها فحمات خلفيه بعد ما مشت حدود 110 الف
غيرت البواجي على 85 الف كم و فلتر الهواء غيرته 3 مرات بس و غيرت زيت القير بعد ما مشت 100 الف كم و الحين السياره يبغالها تنظيف للثروتل وتنظيف لحساسات الدبه و تغيير لصفاية البنزين و تغيير لحساس الفرامل و بتكلف علي 900 ريال بالوكاله
و السياره الحين توووب و لا تحسفت اني شريتها حتى مع ارتفاع اسعار الصيانه و القطع
و استخدامي للسياره حدث ولا حرج امسكها انواع الخطوط الرياض نجران و القصيم الرياض دائم و القصيم تبوك مره و طريق مكه مره و رجلي جامده على البنزين يعني باختصار السياره استخدامي لها غير مثالي و مع هذا اشوف ان السياره صبوره و تتحمل و مزاياها تغطي على سلبياته
اتمنى ذكر الله (( فالعين حق ))
يمكن الشيء الوحيد اللي يقهر بالسياره هو عزل الهواء او عازل الصوت الغير مقبول ابد بسياره باسم اللومينا و الديكور جودته لا باس بها
ادري اني طولت لكن هذي الحقيقه و الله يشهد على كل كلمه خطيتها و رح يحاسبني على اي شيء اقوله غير الحقيقه و انا و لله الحمد انسان اخاف الله
و في امان الله و حفظه
