ماااخاااااااااب من إستشاااااااااار والجاااااااااااار قبل الدااااااااااااار

هلا فيك أخوي

صراحة للسفاري ناطر موديلات 2010 هي اللي ممكن تغير رأيي فيها

ماعندك فكرة عن الإنفنيتي ولد عم النيسان ؟؟

لوووووول صراحه محد عطاني معلومات عنه قلت أشوف يمكن عندك شي

تحياتي لك

انصحك بسفاري 2 جيب للبر وكشخه بسعر 140 وشيل 20 الف بجيبك افضلك من الاقساد

بارك الله فيك أخوي الوقدان وبيض الله وجهك

صراحه شرح وافي وماقصرت

واكيد دفع رباعي من غير بل مايسوى

التاهو عاجبني بصراحه ولكني أبي أبعد عن الأمريكي هذه المره

الباجيرو صراحه ماعندي أي خلفيه عنه ولا مميزاته وفخامته يبي لي زياره لهم

الشباب غيروا رأيي في الأوروبي

باقي أملي الأخير إنفتيتي جديد اتمنى من الأخوان مايبخلون علي بالمعلومات عنها

كل الشكر لك أخوي

هلا والله..
بالفعل ..نسيت ان اذكر لك سيارة مازدا الناجحة في فئة الكروس اوفر CX-9
تتمتع بمحرك قوي 3700 سي سي و 272 حصان..مع دفع رباعي ذكي مؤقت..
فخمة واثبتت وجودها.
عيبه ان سرعته محدودة بــ160..وعدم توفره بشاشة ملاحة..كما لا يوجد فيه فتحات تكييف علوية خلفية..فقط في التكاية..
موديل 2010 نزل بميزة الكاميرا الخلفية مع واجهة جديدة محسنة..واذا كان نزل بكاميرا خلفية فاتوقع مع الوقت يتوفر بشاشة او على الأقل برنامج خرائط يعمل على شاشة الكاميرا..
على العموم..سيارة فخمة وتستحق كل هللة تدفعها فيها..

بالنسبة للمازدا CX-7
فعيبه انه 4 سلندر مزود بتيربو..يوفر قوة صافية 244 حصان..
لكن الى الآن ما أشجع السيارات ذات محركات التيربو خاصة في اجوائنا الحارة والمغبرة على طول في الصيف..في ظل عدم وجود مجربين حقيقيين للتيربو في منتدانا ماعدا قسم الاوروبي..
الفل منه يتوفر بدفع رباعي وكاميرا خلفية وجنوط 18..يعيبه خلفيته القبيحة نوعا ما..


انا ذكرت لك خياراتي السابقة لتوفر الدبل فيها..وانا من رأيي مستحيل ادفع مبلغ يزيد عن 120000 ريال في جيب ما يوجد فيه دبل..

لكن اذا ما يهمك الدبل فالمازدا CX-9خيار ممتاز..
فيه ايضا الهوندا بايلوت..يعتبر من فئة الكروس اوفر...لكن شكله قبيح نوعا ما..شوفه ويمكن يروق لك..

نسي اضيف لك جي ام سي اكاديا ضمن اقتراحاتي..وهو سيارة غنية عن التعريف واكتسب شهرته وسوقه في فترة وجيزة..يجيك الفل منه بملاحة وكاميرا ودفع رباعي ذكي بحدود الــ170000..

لا تستعجل..وخذ وقتك في التفكير.أهم شيء تشتري سيارة جديدة تحت رجلك افضل من المستعمل..

بالتوفيق..

هلا أخوي الوقدان

جيت والله جابك

بس إستغربت إنك ما أشرت إلى سيارات مازدا CX 9 و CX7

بما إنك خبير فيها فمقارنة بـ الباجيرو وباقي السيارات وش رايك فيهم

ناطر رأيك الخبير

مو يقولون إذا بغيت تحيره خيره

ناطر خبراء الإنفنيتي يفتوني أيضاً

تحياتي لك أخوي

والله من رأيي تشتري جديد وكالة على يدك من الشركات المعقولة باسعارها..افضل لك من سيارات فخمة تستهلك صيانتها وتاكل منك مبالغ تكسر الظهر..
شوف لك خيارات كثير بالمبلغ اللي معك..
باجيرو فل اوبشن..
باث فل اوبشن..
تاهو ال تي زد..
لاند جي اكس آر..
باترول سفاري..
باث فل اوبشن..
اكسبيدشن ليميتد..
شوف من السيارات الأوروبية مثل فولكس واجون تيقوان واودي كيو 5..لكن ما نصحك بالاوروبي في شوارعنا واجوائنا..بيستهلك كثير بصيانته..

لو المبلغ هذا معي ما احترت ابدا.فالخيارات الممتازة جدا كثيرة..
على البركة مقدما..

هلا أخوي وضح النقاء

هل متأكد من المعلومه هاذي أخوي ؟

وإذا صحيح أكرر سؤالي أي وكيل أفضل الجبر أو الحمراني

تحياتي لك وللجميع

هلا أخوي لحن

إما 12 ألف ريال ههههههههههههههههه شكل فيها خلايا شمسيه يمكن السيارة تشتغل بالطاقه الشمسي وش دراك

مشكور أخوي يبي لنا نتقصى عنها إذا زي ماتقول أخلي فلوسي في جيبي أزين

تحياتي لك

من ناحية الانفنتي فل كامل سعره موديل 2009 حوالي 200000 ريال

والله جيب الانفنتي حلو

لكن شفت واحد بالمنتدى منكسره المرايه ويقول سعره عند الوكاله 12 الف < يمكن من ذهب

الزبده

الله يوفقك

هلا أخواني ابو سعد وأخوي عمر

شاكر لكم تفاعلكم ونصيحتكم

كان مفروض أحط تحذير رشحوا أي شي إلا تايوتا صراحه لتجربه سيئه مع وكيلهم كرهت شي اسمه تايوتا

وبصراحه يهمني كثير شكل السياره نفسياً احس لو شريت برادو والا اف جي بندم على كل ريال حطيته فيهم ما أتكلم عن قوة وأداء بس ماحبيت شكلهم صراحة

هلا أخوي صالح صراحه إذا بروح للطوراق بروح للأودي كيو 5 وجديده وسعرها مناسب للميزانيه

مع انها انبنت على نفس شاصي البورش كيان سبحان اللي خلق وفرق

أخوي صالح إذا الصيانه بحدود 2000 مقدور عليها وممكن تتجنب هالتكاليف بشراء القطع الأصليه وعملها خارج ورشة الوكيل

بس أنت صادق لازم أحط الصيانه في الحسبان لأني مادخلتها في الحسابات
شباب الإنفنيتي من احسن وكيل الجبر أو الحمراني ولو دفعت الـ 160 كاش كم يبقى وكم الأقساط اللي عنده فكره ياليت مايبخل علي الله يعافيكم

تحياتي لكم جميعاً

الصورة اتضحك اكثر وواضح انك ترغب بسيارة كشخة وتصلح للكشتات

من ناحيتي اقترح الطوارق ولا تنسى الاستخارة
بالتوفيق

اذا تبي جيب رزة وبنفس الوقت بر مالك الا اف جي كروزر بـ 120 الف ريال فل كامل
اما اذا تبي تصرف فلوسك كلها خذ لك لاندكروزر جي اكس ار ..
عموما دام انك رايح جاي على خط الحسا .. خذ مني نصيحة ولا تاخذ اوروبي لان الطريق بيدمر لك السيارة .. والاوروبي صيانته غالية وسعر البيع منخفض ..

هلا بك اخوي كيف الحال

انا من وجهة نظري اذا تبي الجديد و انت راعي بر و مكاشيت نصيحه عليك برادو 2010
VX1 اوتوماتيك 6 سلندر قيمتها حول 160000 تزيد شوي او تنقص شوي
و اذا كاش بتنقص شوي و شيك بجيبك

و هذي مواصفات



او
GXR لاند كروزر ليمتد اتوماتيك بزايده شوي
و هذي شيك شيك

اقول عشان لا اشغلك بكثر الصفحات ادخل شوف المواصفات و شوف الي يناسبك

http://www.uis.com.sa/index_ar.aspx

عندك التاهو Z71

سياره محترمه و بتاعة كله

وعليكم السلام أخوي صالح

يشرفني أني يكون أول رد من سموكم الكريم

أحس بتشرهني بسيارة ...الله كريم

هل تتوقع الرنج موديل 2007 و2008 إذا مستعمل نظيف ومش ماشي كثير مايحتاج صيانه كبيرة ؟

مجرد الصيانة الروتينيه كأي سيارة هل هذا ماتقصده بالصيانه؟! ياريت توضح أكثر؟

عزيزي بالنسبه للسياره أنا من هواة البر وطلعات البحر

الله يذكر أيام الحسا بالخير

وحالياً أعمل بالخبر وأسافر كل أسبوعين أو شهر للأحساء ومثلك عارف طريق الأحساء حالياً مره صراحه يعور السيارة والقلب وأطلع بس بين فترات متقطعه للهافمون

والسيارة اللي أبحث عنها هي جيب متوسط بنفس حجم السيارات المذكورة وكنت أفكر جدياً في إنفنيتي FX35 بس مدري صراحه إذا بشتريها أبيها وكالة ومدري كم بتكلف عشان كذا ما أضفتها لقائمة السيارات المستخدمه

أتمنى أتضحت الصوره أكثر

تحياتي وشكري لك