بالنسبـه للبنزين !

جرح الخطايا @user_80090 · 07-12-2009

السلام عليكم ورحمة الله

اخواني الكرااام كثير واحنا مسافرين بطرق طويله نحتاج نوقف نعبي بنزين
وقريت قبل فتره موضوع تطفئة السياره بطريق السفر هل نتركها ترتاح او نطفيها على طول !

طبعا انا من الناس المحتارين بالموضوع ذا كثيرر !
ومشكلتي عندي ماركيز 98 فل كامل / عدآد آلكتروني / يعني لما اعبي بنزين بطريق سفر احياان مابي اطفي السياره فأضطر اني اعبي بنزين واكمل طريقي والكمبيوتر ماحدث معلومات البنزين !
واحيان انتظرها ترتاح شوي واطفيها واعبي بنزين واكمل طريقي
هل فيه طريقه احدث معلومات البنزين بدون مااطفي السياره وارجع اشغلها لأني توهقت كثير بالموضوع ذا وخصوصا بالطرق الطويله

آسف ع الاطآله حاولت اختصر كثيرر ! وبإنتظاار ردودكم ..

شآكرر لكم

جرح الخطايا @user_80090 صاحب الموضوع · 10-12-2009

توقعت اني بالاخير بوصل للنتيجه ذي
على العموم الله يعطيكم العافيه جميع على المشاركه والمعلومات

مشاري
شااكر لك على تواصلك

Mashari @user_53720 · 10-12-2009

حبيبي لازم تطفي الموتر، انا معي ماركيز عداد الكتروني وما يتحدث الا لمن تطفي الموتر.

جرح الخطايا @user_80090 صاحب الموضوع · 10-12-2009

ابو داوود

حياك الله يالغالي ونورتنا بهالمعلومه وان شاء الله يستفيد الجميع

ابوداوود7 @user_172519 · 09-12-2009

بعد التحيه اخواني الاعزاء
اهمية تطفي السياره هي فقط من باب الحذر لا قدر الله حريق اوارتداد البنزين للخارج لئن بعض السيارت يكون في هواء في التانكي بعضهاء والشي الثاني عشان لمن تعبي يدخل البنزين ويقلب البنزين القديم في التانكي والاوساخ الطبيعيه ويسبب دخوله في الطرمبه هاذا اذاكان الصفايه الداخليه في التانكي منتهيه والله اعلم

جرح الخطايا @user_80090 صاحب الموضوع · 09-12-2009

KASER MOTO
شاكر لك على نصيحتك والله يعطيك العافيه

غير مسجل
مااختلفت معك بالي قلته انت صحيح
لكن معقول مافيه اي حركه او طريقه احدث معلومات البنزين بعد التعبئه بدون تطفئة المحرك .. هذا الي مجنني .. يعني لازم اطفي الموتر وارجع اشغله علشان تتحدث
وبصراحه للحين ماوصلت لنتيجة مقنعه .. هل اطفاء المحرك مباشره اثناء السفر واثناء تعبئة البنزين يضر السياره ام لا ؟

اشكرك على مرورك واتمنى ان نتشارك جميعاَ

(غير مسجل) @user_175485 · 09-12-2009

بحكم اني شبة كـــداد

افضل اخلي السيارة شغالة شوي حتى تهدى المكينة ويتوقف ضخ الطرمبة الى المكينة
( اعتقد ان الطرمبة توصل البنزين على دفعات الى المكينة لاني شفت بتانكي الجمس لي مهمة اعادة الوقود الفائض من المكينة )

وبعدها اعبي بنزين واخلي المكينة على أقل ضخ ودائما البنزين ماينزل عن الربع

بخصوص مشكلتك هذي مسئلة الكترونية بحتة
والسبب يرجع لـ اجهزة القياس الموجودة بالتانكي
وهي موجودة بأغلب السيارات اللي فيها كمبيوتر رحلات

KASER MOTO @user_174720 · 09-12-2009

يفضل انك تطفي المحرك عند تعبئة الوقود
هذا من جوانب السلامة ..

وما اعتقد انه في مشكلة اذا طفيت المحرك اثناء السفر ..

جرح الخطايا @user_80090 صاحب الموضوع · 09-12-2009

صاحب صنعه

الدعاء واجب لأمثالك .. الله يعطيك العافيه ولا يحرمك الاجر واشكرك على مشاركتك معي مرة اخرى وعلى معلوماتك الرائعه والي استفدت منها

GLX 2700
ماشاء الله تبارك الله بس اتوقع يضر السياره هالكم الهائل من الوقت .. على العموم مشكور وماقصرت على مشاركتك معي والله يعطيك العافيه

GLX 2700 @user_175555 · 09-12-2009

و عليكم السلام ورحمة الله

ما يضرها الفورد ما شاء الله طول التشغيل

صدقني عندي فورد مسكت فيها خط سفر و داخل المدينة لفترة 14 ساعة متواصلة ما طفت الا 15 دقيقة فقط وقت الصلاة

بس العداد عادي مو الكتروني

صاحب صنعه @user_53732 · 08-12-2009

انت تعرف ليش ما يتحدث الا باعادة التشغيل لان في معلومات عن كمية الوقود وطول المسافه التى تسير بها السيارة حتى نفاذ الوقود كلها موجوده في الخانة اليمنى للشاشه وطول الرحلات ومعدل صرف الوقود وهكذا وتبغى الحق افضل تتطفى السيارة اقل شى من ناحية الامان بعد الله عشان الوقود ما يتأثر بحرارة الشكمان او عن طريق لاسمح الله ماس كهربائي داخلى يسوى مصيبة لا قدر الله

وشكرا على دعائك لى وجزاك الله خير

جرح الخطايا @user_80090 صاحب الموضوع · 08-12-2009

راعي الكوري

شاكر لك على المعلومه وعلى مرورك

صاحب صنعه

الله يعطيك العافيه على هالمعلومات الرائعه بس الي ابي اوصل له بالنهايه او بالاصح الي وصلت له من كلامك انه مافيه طريقه اسويها وتتحدث معلومات البنزين بدون تطفئة السياره واعادة تشغيلها
على العموم الف شكرر لك مرره ثانيه وماقصررت

صاحب صنعه @user_53732 · 08-12-2009

اقول شئ المشكله تعرفها ويش هى مو في البنزين ولا في ضغط اصلا على الطرمبة

المشكله داخليه بحته يعنى الحرارة تعمل كفش للشنابر في المحرك فحاول الاتي :

1 - سيارتك يكون فيها ثيرموستات حرارة او زى مايقولون بلف حرارة
2 - عندما تريد تعبى بنزين وتعرف انك قربت من المحطه هدى سرعتك من مثلا 140 الى 110 وهكذا عشان الحرارة تكون في النزول في داخل المحرك من السرعات العالية
3 - حاول ان لاتتعدى تعبئة الوقود دقيقتين وهذا الافضل ثم شغل السيارة
4- حاول تعبى السيارة وهى على الثلث او الربع بالكثير
5- عبى من محطة نظيفه
6- خليه على اقل درجة في ضخ البنزين للتانكي شوى شوى عشان الاوساخ في قاع التانكى ما تتلزق في صفاية الطرمبة من تحت في داخل التانكي
7- دائما غير فلتر البنزين ترى الفورد حساس للاوساخ الله يكرمك

والله يعينك على السفر وتروح وترجع بالسلامه زى ما انا متعود على السفر

راعي الكوري @user_174437 · 07-12-2009

حين تعبئه البانزين الافضل اطفاء المحرك وذلك لتجنب الضغط على طرمبه البانزين من جراء عمليه التعبئه بالضغط