حياك الله أخوي m-560
______________________
[COLOR=SeaGreen]
والله شفت الرد بعد الاضافة وصار طوووويل فقلت بكتب الخلاصة في البداية:smilie16:
قصدي لما قلت اعرف الخراب إنك ماتعطي صاحب الورشة ليصلح اللي يبي
خل على الاقل عندك صورة أو فكرة عن الخراب عشان مايحاول يكبر الموضوع وهو مايستاهل
_____________________________
بالنسبة لما قصدت الخراب فكنت أعني إنك ماتعطيه الأحقية إنه يصلح كل شي,,
يعني في مثل حالتك لو بتقوله صلح الخراب و تروح صدقني يمكن يفك لك المكينة بس كذا عشان يقولك إنه فكها ويطلع من جيبك 3000 ريال بدل 300 ريال
وهذي صارت مع واحد أعرفه و بالرغم من إنه يعرف الورشة اللي موديها و طلعت قيمة فاتورته بين 1500-2500 ريال !!!
يعني لو راعي المحل مايعرفه كان يمكن صكت الفاتورة 5 الاف وهو يضحك
فأتوقع لو أنا في مثل حالتك بسوي التالي:
بمر على كذا ورشة واسالهم عن الخراب واشوف وش يقولون,,
أهون واحد منهم بساله ليش يقول هالكلام واعتمد على ايه !!
ولو حصل انك لقيت زبون في الورشة فيفضل انك تساله عن الورشة وهل تعامله معهم دايم ولا كيف.؟
آخر شي هنا انك تتفق انت وياه على تصليح الخراب بشرط انه يزين اذا مازان اشرط على الفاتورة انك ماتدفع ولا ريال "" خله يسجل هالشرط على الفاتورة و يوقع عليه""
لأنه يمكن يقولك والله لما فكينا المكينة الخراب ماطلع من الجلد و طلع من الشنابر أو طلع من الوجه محتاج صنفرة أو بيجيب لك علة من السما,,
ممكن تجي وتقوله خلاص قفل الشغل ورجع السيارة زي اول فبيجي هنا و يقولك ماارجع سيارتك الا لما تدفع 500 ر.س حق فك المكينة و الكشف, وتلقاه أصلا مافكها أو فكها بس علشان يغشك,,
>> أحس إني طولت,, لكن بضرب لك مثال صار معي عشان تدري ليش انا قلت اللي فوق:
مرة من المرات وانا ماسك خط الشرقية ولعت لمبة المروحة في المكيف وبطل المكيف يجيب برودة وكنا وقتها على دخلة الشتا,,
المهم أنا رحت لثلاث ورش والورشة اللي كنت اثق فيها هي اول وحدة وشوف كل وحدة وش قالي:
1- هذا اعرفه وقالي محتاج تعبي فريون + برمجة تكلفتها 300 ريال (( وهو الصادق بينهم))
2- قالي ممكن الثلاجة خربانة ومحتاجه تغيير,, قالي هالكلام بدون مايقول يمكنه شاف شكلي توني في أول العشرينات فحب يلعب علي,, طبعا تكلفة الثلاجة لحالها 3000ريال غير شغل اليد
3- قالي ممكن الخراب من كمبيوتر الثلاجة او كمبيوتر السياةر وماعطاني سعر قالي جيب السيارة "" وبفك المكينة لأن الكمبيوتر تحتها"" فمثل هذا ظنك بيفك المكينة وبيرجعها بدون ماياخذ ولا ريال؟؟
هذا مثال واقعي لشي ممكن تحصله في عالم الورش للأسف,,
أعتذر والله عن الاطالة, واحس ان كلامي ملحوس شوي لكن أتمنى على الاقل توصل الفكرة,,
و أي خدمة حنا حاظرين أخوي,,
[/COLOR]
