اجراءات تغيير لون السيارة

اهلا بالشباب .. بصراحه قبل فتره طرا على بالي اغيـــر لون موتري ... وبحثت في المنتديات ولا لقيت اجوبة صحيحة 100% ... فقلت انزل موضوع ونخلي الناس تستفيد ..

الطلبات:-

1- تروح مركز معلومات الروضة .(الرياض).
2- راح تحصل مبنى لونه بني خلف المركز (تدخل على المهندس وتقول له ابي اغير لون السيارة), راح يطلب من التــــالي :-

أ- احضار السيارة المراد تغيير لونها.
ب- استمارة السيارة وبطاقه الاحوال.
ج- يجب ان تكون السيارة بأسمك.

بعد كذا يعبي المهندس لك نموذج ويطلع معك ويشوف السيارة ويتأكد من رقم الشاص ويوقع لك الورقة.

3-تدخل لمبنى المركز الرئيسي وتوقع الورقة مره ثانية من الضابط ويختمها لك وتطلع للورشة .

4- بعد ما ترش السيارة بوية ترجع بنفس الورقه اللي كانت معك وتعطيها المهندس ويطلع يكشف ويتأكد من لون السيارة الجديد ويتأكد من رقم الشاص.

5 -بعد كذا تدفع رسوم بدل فاقد للاستمارة مبلغ وقدرة 50 ريال عن طريق الصراف.
6- تدخل المبنى الرئيسي وتعطي الاستقبال الورقه واشعار السداد وياخذ منك الاستمارة القديمة ويبدلها لك بجديدة بـــ مدة لا تزيد عن 20 دقيقة فقط ..



وبكذا انتهينا .. وأي خدمــة أو استفسار يا جمــاعة انا حاضر



ملاحظة :--- (الفكرة يا شباب لتغيير لون السيارة بـصبغة وليس بتجليد ).

دمتم بود