الى ملاك اليوكن القصير

1- الثبات بشكل عام في الجموس ممتاز لكنه يبقى سيارة كبيرة ذات وزن ثقيل لو صار شيء لا سمح الله ربما لا تستطيع السيطرة عليه

2- العزل الصوتي جيد نوعا ما حتى سرعة 120 تقريبا بعد يبين صوت الهواء مثل حال السيارات المرتفعة بشكل عام ولا تنسى رخص قيمته فلكل شيء ضريبة

اما صوت المكينة فهاديه تماما لدرجة بعض الاحيان تشك الموتر شغال ولا لا !
الا اذا دعست لها فتبدأ تغني بالطرب الامريكي الأصيل

3- اذا الموتر نظيف فصرفيته روعه بالذات في الخطوط التانكي اكيد راح يمد معك الى 600 كيلو حسب الدعس و ممكن يمد الى 750 لو رجلك هاديه اما في الديرة فانه يشرب لكنه يبقى اقل من غيره بمراحل (الاندكروزر كمثال) و يعطيك من 400 الى 550 كيلو في الديرة

بشكل عام سيارات الـ 8 سلندر ثقيلة بطبعها للاستخدام في الديرة و انت متعود على سيادين فيبي لك وقت على ما تتعود على المواتر الكبيرة وهو بشكل عام ثقيل الا لواحد هاويه و يبيه

اما الايجار فصعبة تلاقيها ولا عندي علم عنها بصراحة

بشكل عام افحص الموتر كمبيوتر و لو تعرف لك واحد راعي ورشة ثقة و امين يفحص لك الموتر اللي تبيه راح يكون افضل وافضل

و اليوكون مستعمليه على قسمين:
1- ناس وفقهم الله فيه و نعم الموتر معهم ولا اشتكى و يكد و يمد .
2- ناس ابلشهم و من خراب لخراب ومن ورشة الى ورشة

و استخر ربك اذا شفت انك مرتاح له او لا القرار عندها يرجع لك

موفق