صيانة ( الرنج روفر ) دعوة عامة لملاكها ومحبيها

السلام عليكم
اخواني ابغى منكم مساعده عاجله جدا واللي عنده خبره لايبخل علينا
اشتريت سياره رنج روفر موديل 96 وعلى كلام صاحبها انها تمام ومافيها شي
لكن اتفاجئت لما اشتريتها انو الطلبون فيها لايعمل يعني عدا السرعه والار بي ام وساعه الحراره والبنزين كلها لاتعمل
طبعا قلت اشتري طبلون من التشليح واركبه بدل القديم ... لكن سالت كهربائي وقالي لايصلح ... لان الطبلون الي من التشليح مايركب على السياره ... والعطل يكون في الكمبيوتر وممكن تكلف 4 او 5 الف ريال .؟؟؟؟؟؟ هل هذا الكلام صحيح
ارجو الافاده لمن مر عليه هذا العطل او يعرف عنه شي

هلا بيك اخوي

سيارتي شخصيه ديسكفري 2 و سيارة الوالد LR3 في هذه السياراتين اقدر افيدك في الصيانة و المشاكل خلال استخدامي لها طبعا بالنسبة لسوق البحرين من الوكيل إلى المحلات الاخرى

LR3 بالنسبة لي لم ارى فيها اي مشكلة الى اليوم و حمدلله وهي موديل 2005 واما صيانة في الوكالة فيتراوح من 90 دينار وطالع على حسب التغيير كل مرة واذكر اكبر مبلغ تم دفعه هو 350 دينار او اقل بصراحه مو ذاكر طبعا كان ميجر سرفس صيانة كامله

اما بخصوص سيارتي ديسكفري موديل 2004 حمدلله بس الاشياء الي ابدلها اعتبرها عاديه صيانة مثل اي سيارة

بعد انتهاء الضمان غيرت عن الوكالة فالوكالة تغيير الزيت يكلفني 60 دينار واقتصرتها كل سنة مرة في الوكالة طبعا وذلك لتغيير الزيت وفحص السيارة بالكامل في الوكالة وهو نفس المبلغ
طبعا لدينا في البحرين اناس متخصصين في لاندروفر وقطع الغيار غير الوكيل وهو شركة فارس لسيارات لاندروفر

اما عن قطع الغيار طبعا تختلف عن الكوريلا او السيارات اليابانية وانا اري انها ايضا اغلى من المرسيدس

بس بالنسبة لي لا اري اني الالتزم بالوكالة في قطع الغيار او في شغل اليد

وهي تعتمد على صيانة الدورية السيارة وسيارة قوية ما شاء الله عليها لا تقارن باي سيارة اخري مع احترامي لعشاق السيارات الاخرى

وعلى فكرة هذه السيارة الثانية لي من لاندروفر وهي الديسكفري

اما الرنج لم اجربها واسمع ما يقولون عنها وعندي بعض الشباب الحمدلله ما يشتكون باي شي فيها

هذه تجربتي عن لاندروفر وانا حاضر عن اي سؤال عنهم

حياك الله وبياك اخي العزيز

وبالفعل الموضوع تم افتتاحه لإستطلاع آراء مُلّاك هذه السيارة ومن قاموا بتجربتها على أرض الواقع

مشكلة الرنج في الوكيل
والا الرنج ممتاز ومايختلف عليه اثنين , وسعره رخيص اذا قارنته بالجيوب اللي بنفس فئته

انا انصحك بان تسال المجربين لكي تستفيد اكثر