مـرسيدس بنز c200 كومبرسر 2005 ,, هيبه المرسيدس وممشى قليل بسعر ممتاز !

F.E.E.L @user_194692 · 11-01-2010

السلام عليكم ورحمة الله وبركاته

عندي مرسيدس c200 كومبريسور موديل 2005 4 سلندر بحاله ممتازه

مواصفاتها :

1- فتحه سقف

2- جلد كريمي (بيج فاتح )

3- تخشيبه كامله عند المسجل والقير والابواب الاربعه

4- الابواب كلها ملبسه بجلد من الوكاله

5- مشغل سي دي , مكيف خلفي , كرسي السواق تحكم كهربائي , المساند الخلفيه تسفيط كهربائي , منظف كهربائي للانوار الاماميه بضغطة زر , فتح كامل النوافذ للتهويه من خارج السياره بضغطة زر , تليفون , مركب لها تظليل عازل لكن ماهو اصلي + انتل صغير معطيها منظر...الخ

6- كشافات ضباب ,, الانوار تشتغل على حسب حالة الدركسون (اختياري)

7- الداخليه فخمه جدا بشهادة الجميع والصور تتكلم (( من اكثر الاشياء المميزه بالسياره ))

مميزات السياره ( لماذا انا ؟ )

1- ممشى قليل ,, 72 الف ((مقارنه بنفس الموديل للسيارات الاخرى ))

2- تم عمل تشييك كامل لها عند ورشة العيدي المتخصصه بالمرسيدس ((من اشهر الورش )) ووالله انه المهندس انبهر من نظافتها وقالي مافيها الا الزيت يبيله تغيير وغيره سليم 100% ومافيه مانع من الفحص عند اي ورشه ((هذا الكلام قبل ايام فقط))

6- تم تغيير البطاريات ((اصليه ومعها ضمان ))

5- تم عمل الفحص الدوري قبل اسبوع والسياره ناجحه

3- خاليه من الحوادث ولله الحمد , البدي خالي من الحكات القويه , الصدمات البارزه

4- السياره الى 70,000 ملك لشركه والي يستخدمها موظف ((ودام معه مرسيدس اكيد كبير وعاقل )) محافظ عليها ما شاء الله نظيفه جدا ما شاء الله تبارك الله ,, وبما انها ملك لشركه اكيد الصيانه ملتزمين فيها

7- مراتب الجلد نظيفه جدا((وكاااله )) , السياره داخليتها وخارجيتها بشكل عام نظيفه ما شاء الله والصور تتكلم

السياره فيها حكات بسيطه تحت الصدام بسبب الرصيف ,, للامانه تم ذكرها

عيوب السياره عيبين فقط ,, وكلهم لهم حل بإذن الله

الاول انه لمبة الاير باج مولعه معناتها انه الاير باق ماهو شغال ,, هي وحده من ثنتين ,, ياانها طافيه لانه لها فتره واقفه عند الشركه وبتولع بعد 10-15 يوم ,, او يبيلها برمجه ,, والبرمجه غير مكلفه نهائيا ...... وممكن البعض يشك انها مصدومه والاير باق طالع وانا اولكم .. لكن المهندس اكد لي انها غير مصدومه 100% وقالي انه الموضوع منتشر جدا وشي عادي ,,

العيب الثاني زر قفل الابواب مكسور بالريموت ,, الحل انك تستخدم الزر الموجود بالسياره ,, او مفتاح الحديد المرفق مع الرموت ,, بالنسبه لي مااقفل الابواب لانه المرسيدس ماراح يستفيد منها لو تركتها مفتوحه

السياره يعلم الله انها عزيزه علي ,, واني مرتاح معها ,, اناقه ورزه وهيبه واسم وفخامة المرسيدس اجتمعو بسعر ممتاز ,, لكن انا طالب ثانوي وودي بسياره يابانيه الى ان اخلص ثانوي ,, والمرسيدس للجامعه ان شاء الله تعالى ,, ولو ماجابت السعر الي تستحقه راح احتفظ فيها لاني مرتاح معها

طالب فيها [COLOR=red]55,000[/COLOR] ريال ,, وللمعلوميه سعرها بوقتها 130-150 الف ريال (( بينهم ))

اتمنى محد يسوم الى الجاد ,, والي يدور الماني رخيص وفخم وعملي + نظيف ((اربعه سلندر - كمبيوتر غير معقد - مساعدات عاديه ((الهيدروليك يخرب وقيمته 4500 للواحد)) )) يعني بالعربي ماراح تكلفك ان اهتميت فيها بإذن الله ,, وسألت اكثر من واحد خبره بالمرسيدس وقالي هذي تمشي 200 الف بالراحه ولو بغيت 500 الف بإذن الله

الصور :

http://up4.m5zn.com/9bjndthcm6y53q1w0kvpz47xgs82rf/2010/1/11/07/k7cyqdiag.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/07/zo8ipdpox.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/07/21o3ph4xt.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/07/lmogwvi0x.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/07/zxi4gat3m.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/07/500g49leu.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/08/vcl3ss6cl.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/08/djlctq8tm.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/08/x7j0wn8g8.jpg

http://up4.m5zn.com/9bjndthcm6y53q1w0kvpz47xgs82rf/2010/1/11/08/vek8wvu0h.jpg

Benz-Boy @user_207191 · 25-01-2010

ما شاء الله
عندي دفعة 25
و 15 بعد اسبوعين
والباقي 1500 على 10 اقساط .. اذا بغيت ردلي

F.E.E.L @user_194692 صاحب الموضوع · 18-01-2010

السوم واصل 50,000 والبيع ماهو بعيد مره ,, لكن ماهو قريب !

F.E.E.L @user_194692 صاحب الموضوع · 12-01-2010

اخوي الموتر مثل ماذكرت بالموضوع كان ملك شركه ,,, يعني ماهو على يدي من الوكاله

وانا توني راجع من العيدي وقالي المشكله من الحساس واكد لي انه ماطلع .. اصلا اكد لي انه ماجايها اي حادث بسيط نهائيا يعني شي اكييد ان الايرباق ماطلع !! والحساس ممكن بعد اسبوعين ثلاث يشتغل من نفسه بسبب وقفتها الطويله (( شهور عند الشركه ))

طيب @user_84691 · 12-01-2010

والله فلووسي على قدي انا بالشرقية وانت بالرياض

الموتر معاك من وكاالة او مشتريه مستعمل ليش لمبه الارباق شغاله ؟

يكتب الله الي فيه الخير حدي من الاخر 48

انتظر ردك

F.E.E.L @user_194692 صاحب الموضوع · 12-01-2010

اخوي 47,500 حق المستورد ,,

سيارتي وارد الجفالي :)

وانا من الرياض ... والفحص حقك يالطيب وودها اي ورشه تبيها واذا انت ودك بالالماني النظيف والعملي صدقني فرصه ماتتعوض ,,

طيب @user_84691 · 12-01-2010

اخووي مكانك وين الموتر مستورد او لا؟

.

47.500

شرط الفحصة قبل كل شي

F.E.E.L @user_194692 صاحب الموضوع · 12-01-2010

اول سومه وصلتني (الافتتاحيه) .. 47,000 ريال

والبيع 55,000 والجاد يكلمني