للبيع \ مازدا CX-7 موديل 2010 - عداد 4000 ..!!

السلام عليكم ..

صباااحكم ورد وفل وياسمييييين ..

ياحلووين ..

عندي مازدا CX-7 موديل 2010 - عداد 4000 - فل اوبشن - دفع امامي - لونها \ احمر ناري ويقولوو عليها عودي - الداخلية \ جلد اسود ..

والتظليل \ شركة LLumar - تظليل كااامل ع السيارة درجتها \ 02

طبعا الكل عندوو فضول يعرف سبب البيع ..

السبب هو الوالده الله يطول بعمرها ..

السيارة في الركوب عاليه عليها يعني في شوية تعب وقت الركووب ..

المهم قلتلها تبيني ابيع السيارة .. قالتلي لأ ..

فـ انا اقترحت عليها انوو لو جابت سعر حلو ابيعها واشتري سيارة صغيره بدل الجيب .. ووافقت ..

طبعا طولت عليكم بس دا رد للفضوليييين ..

البيع ح يكون لو جابت سعر حلوو .. ولو ماجابت ح اخليها كدا كدا الوالدة لسه فيها حيل بس انا حبيت اريحها ..

مالكم بالطويلة وديت السيارة لمعرض الزين اكييد عارفينوو اللي عند كوبري صاري ..

قلي اعطيك فيها 91 الف ..

والصراحة ماعجبني السعر ..

السيارة مع التظليل والتأمين واقفه عليا بـ 102 الف ..

نشوف سعركم ..

او اذا تدلوني على اماكن ومعارض تشتري مني السيارة بسعر كوويس .. لنوو الزين رماها في الارض والحراج اكيدد عارفين رمية السعر حقتهم والقبر ..

والنية ان شاء الله ع الترا ..

ياشباب السيارة مافيها اي عيب او حكة او اي شي ..

واستخدامي لها نظييييف جدا ..

واللي ساكن في جدة ومقرر يشتري يقولي ونتقابل انا وهو في محل يعاين السيارة براحتوو ..

ادعولي الله يرزقني بر امي ورضاها ..

مع حبي وتقديري ..