كيف تجعل من قوة سيارتك قوه تضاهي قوة التمساح ( تعديل + شرح فصل الــ ABS ) --- بالصور

السلام عليكم ورحمة الله وبركاته
أشكرك أخوي جزيل الشكر على ما قدمته من عمل لإخوانك أعضاء المنتدى ولجميع متصفحي النت وجعل ذلك العمل خالصا لوجه الله تعالى وأثابك عليك ...

أنا موتري باثفندر 2005 هل له بواجي رياضية ؟
وهل يركب عليه فلتر الهواء كذلك ؟
ولو ذكرت لي وصفها أو شكل فلترر الهواء الخاص بالموديلات القديمة لأني كل مرة أطب لي بفلتر متغير عن الي قبله واصحاب محلات الغيار يقولوا أصلي
وكذلك البواجي ؟؟
ولك مني كل الشكر والتقدير
وسامحني على الإطالة ..
ملاحظة : ترى الزيت ينقص عندي كل 4000 تقريبا من علبه إلى علبة ونصف .
يعني أخاف ها الشغلات تضر المكينة أو يزود النقص .

ياهلا والله باخوي ابو ناصر
اعتذر لك عن التاخير
اخوي ابو ناصر شف الله يسلمك بالنسبه للمثلث انت من يوم تجيه وتزل معه
بالحفره وتوريه محل القص وتقول له ابي مثل مرسيدس او اي مثلث اهم شي يكون حجم المواصير
( البايبات ) بنفس حجم البايبات حق سيارتك نفس المقاس وتناظر نفس التقاء الماصورتين مع بعضهما
البعض داخل المثلث بحيث ماتكون الفتحتان بالداخل صغار او واحده مسكره او حاشره الثانيه هذي هي
الفكره من المثلث وانا اخوك وقيمته على حسب مع الشغل ما ادري يمكن ياخذ 100 او يمكن اكثر الله
اعلم ما اقدر احدد لك
بس انت اذا جيت له اتفق معه على السعر
وبالنسبه لتفريغ دبات التلوث فيمكن ماتتعدى 150 ريال والله اعلم انت قلها ان مرسول لك من صاحب السياره الحمراء
نفس سيارتي وان شاء الله اذا كاسرته ان يراعيك
عنوانـــــه
وانت جاي لدوار الخرج من تحت الكبر الحديه من الملعب
الملز مع شارع الظهران باتجاه الجنوب رايح لصناعيه بيجيك كبري الحديد حق دوار الخرج سابقاً خلت من تحته بتوقفك
الاشاره حقته لف من عندها يمين وبيجي لك بنك البريطاني على يسارك بعده بكم محل بتجي لك اول
لفه يمين لف معها واترك اول تقاطع الى الثالث وبعدها بيجي لك تقاطع رئيسي بيكون في نهاية
الشارع حق التقاط على يدك اليسار محل اديترات لف يسار من عنده مع التقاطع واتجاهك شرق وابتل
واترك اول تقاطع وعد اربع ورش بيجي محل على يدك اليمن يقال له محل العملاق لقطع المرسيدس
ومقابل من الجهه الثانيه محل المنار لقطع المرسيدس قبل العملاق على اليمين واتجاهك لشرق فيه
محل كهرباء ومحل مشروك معه شكمانات قبل هالمحل فيه محل اثنين يمنين حقين شكمانات تره المحل
المطلوب ... وسلامتك .
اتمنى ان شاء الله ان الوصف واضح
ومره اخرى اعتذر لتاخري بالرد عليك
اخوك
عدو الحرميه .. ابوصـــــالح ...

السلام عليكم

الله يعطيك العافية يابو صالح
كلامك مقنع جداً
بالنسبة للمثلث حق المرسدس كم قيمته، وش اسمه بالضبط حتى ابحث عنه، واذا جيت المحل وطلبت منه يشتغل سيارتي مثل سيارتك بالضبط، من ناحية تفريغ الدبات و تركيب هالمثلث حق المرسيدس كم تكلفني الشغلة بشكل كامل، ووين موقع المحل اللي يشتغل هالشغلة، واذا معك احداثياته احسن واحسن.

وشكرا

[/CENTER]

مرحبا عدو الحرامية
بالنسبة لتفريخ الدبات، انت ماقصرت بالصور، بس ودي لو تشرح اكثر واكثر، وخصوصا هالصور









ليش قاعد تلحم وتربط، لاني اخاف من سالفة اللحام اللي بهالمناطق لانه دايم يخرب.

وهل المحل اللي زينت عندهم الدبة يعرفون يشتغلون زين، لو اجيب لهم سيارتي وابيهم يفرغون الدبات، وكم تكلف العملية $

وشكرا

ياهلا ويامرحباً بالطيب ابن الاجاويد
حياك الله وبياك وجعل الجنه مثوانا ومثواك
شف اخوي تقوية العزم تصلح لكل السيارت الا التي تكونا مكاينها هشه لك عليها
وتايوتا ماشاء الله تبارك الله مكاينه ممتاز
واذا كان فيه دبات للبيئه فهي تعمل على حبس الهواء داخل المكينه ممايسبب حرار لسياره وكتمه وصرف بنزين هذي هي الفكره
ولكن لسيارتك انت طبعاً هي 8 سرندل ماشاء الله تبارك الله
قم بتفريغ دبات الراصاص بدون لا تضرب الحساس او تقطع اسلاكه وقم بتغير لبواجي والفلتر
وشف البطل كيف بيصير معك وتعال علمني هنا بتدعي لي ان شاء الله
بعدين بقول لك شغله قبل لاتسوي هالحركات رح للوكاله وسوي لها صيانه لااني سمعت ان تايوتا اسحبت سيارت 2010م من الاسواق العالميه ومن الوكلاء بالخليج بسبب عيب مصنعي في المحور
انت راجع الوكاله بالسياره واسالهم يمكن يسحبونها منك واذا قالوا مافيه شي خذا ورقه تفيد بذلك
وانا اخوك اضمن لك وقم بعمل اللي قلت لك بس كن حذر مع اللفات بسرعه عاليه لان المشكله في المحاور على كلام قناة الجزيزه منسوب للشركه
اما الفحص فما اضن انها ان شاء الله بتسقط لان البواجي بتحرق الكربون ان شاء الله وفيه ورش بجاب الفحص الدوري لفحص الكربون مره وشيك عندهم

وهذا مقطع يؤكد كلامي عن الشركه
والشكر موصول لمن سبقني بوضعه في المنتدى فله مني خالص الود والتقدير

السلام عليكم اخوي ابو صالح
اولا جزاك الله خير لما تقوم فيه من نفع وفائده للجميع و جعلها الله في ميزان حسناتك يارب
بخصوص اللاند كروزر 2010 جي اكس ار 8 سلندر هل تنفع معه هالحركه ولا ممكن انها تضر...وهل اذا فضيت الدبات من الرصاص يبين عند الفحص ولا لا....خويك خايف يتوهق:c0214:.. وكيف الصوت هل راح يكون عالي بشكل محسوس وواضح؟؟
بانتظار ردك و نصيحتك اخوي ابو صالح...
مع التحيه...
اخوك طارق...

إبداااااع وشغل متعوب عليه ...يستاهل التقييم والتثبيت ..

مشكور اخوي ابوصالح ،
وموضوع تعبان عليه واخذ منك وقت وجهد ومدعوم بالصور والتفاصيل ولاتحرمنا من جديدك
وتستاهل التقييم وتثبيت الموضوع
وجزاك الله خير

نجي للمهم نامل انك ماتحرمنا من اتحافنا بمالديك من خبرة عملية وميكانيكية في السيارة

وتسلم
اخوك/
وضح النقاء

بارك الله فيييك وكثر الله من امثالك


حقيقة مجهوود كبير منك اخوي ابو صالح

بصراحه من افضل المواضيع المفيده والمنسقه والمبسطه بشكل جميل جدا جدا جدا

كل الاحترام والشكر للاخ الغالي ابو صالح على هذا الطرح المفيد

والكثيررررر من الاعضاء يمر بمثل هذه التجارب ولكن القلييييييييييييييييل من ينقلها بهذا الشكل الرائع ليستفيد باقي الاخوان !!

بيض الله وجهك يابو صالح

يالله انك تحي اخوي الطيب
ارحب يالنشمي :xyxwave:
نعم يمديك تركب لها اولاً شيك على الهدرز كامل شف فيه دبابات بيئه فيه تسكيره من الدبه
لانه مع مرور الايام وخروج الكربون والماء تتسكر مناسب الدبه الام في بعض الأحيان
وبعدين خذ بوجي من بواجي سيارتك ورح لمحلاات التعديل وقل ابي بوجي رياضي يركب على نفس
المقاس والرقم وخذ الفلتر حق الوكاله وراجع محلات اليلوهات شفها في الدئري الشرقي مقابل الروضه رقم 1
ان كنت من سكان الرياض
مع تمنياتي لك بدوام الصحه والعافيه
اخوك
.. نسيـــان ..