باشتري لومينا ومحتاج ارائكم!

يالبا قلب الاسترالي
هو الي قطع قلبون بس المشكله القيمه وانا اخوك ss

خلها تروح !!!
صدقني انت الكسبان

اتمنى انك تبتعد عن هالسياره الوهميه لكثره مشاكلها
ولعلمك هذي السياره ليست امريكيه
هذي سياره استراليه وحطوا عليها علامه شفروليه وسميت لومينا عشان يستغلون محبه الناس لاجيالها السابقه

خلك على الاكورد استخدام يدك ابرك لك مليون مره
او اشتر شي حقيقي

يشباب على طاري البريدي وش احسن فحص بالنسيم لني
حصلت كابرس 2008 رويال ودي افحصه
بس مادري كارتك
او البريدي

اذا انت فالرياض


رح افحصها عند البريدي اللي فالنسيم


اذا قال خذها توكل وخذها

^^^^^^
خخخخخخخخخخ كفشته :bigggrin:
ما له داعي تحرج الرجال هههههههههههههه

يا خورافي تلك جبت العيد بعمرك

لأنك تسب بعض الناس وتقول إنهم يجاوبون من .... ومن ضمنهم شخص سمع عنها

ولكنك للأسف سبيتها بمجرد إنك سمعت عنها .

أتمنى تلافي ذلك مستقبلاً لكي لا تقع بحرج آخر:tongue:

والله ياخوي انا اخالفك الكلام هاذا
شف كل سياره تخرب
وفي الاخير
اذا الله وفقك بسياره نظيفه رح تنبصط
اما اذا ماتوفقت حتى لو هي هايوكس رح تخرب
وانا عن نفسي جربت الومينا وجربت ولد عمي جرب كابرس 2004
ماشفنا منهن شي

ياطيب اخر واحد قابلته قلت له كيف اللومينا معاك وهو مستخدمها من كم سنه

قالي والله زينه مافيها شي

وقتها كان مايعرفني زين يعني علاقتي به جديده

شوي لما صار صديقي اعترف لي انها سيارة جداً سيئه وخسرته كثير بكثرة اعطالها ومشاكلها
وما اكلمه الا جاي من الورشه رايح من الورشه

وشخص ثاني سألته عن سيارته وقلت له حرام ليش اشتريتها اعطالها كثير كان سالت ، فدخل في عيني وقالي انها روعه وتجنن ولا فيها اعطال من الي قلت له عليها

وبعد فتره اكتشفت مصادفه انه فعلاً ناط بها كل شوي للورشه وهي كابريس وهي بنت عم اللومينا

فالخلاصه كثير ناس ياخذونها بشكل شخصي يعني مايبي يحسسك انه تورط لأنه يعتبرها امر ينقص من قيمته انه ماعرف يختار سيارة زينه فتلقاه يغالط نفسه ويقولك بالعكس روعه

وانا اعرف احساس الواحد لما قلبه يتعلق بشي راح يستانس على الاجابات الي تساند رغبته في الشراء

والله اني مابيك تتورط واني انصحك لوجه الله

والقرار لك

السيارة اتوقع ما راح تكون بجودة الاكورد ولكن بشكل عام موديل 2007 تحسن عن 2006 وما قبله ولكن الخيار
مبروك مقدما
براي غيرها افضل (مجرد راي)

نصيحة لا أحد يشتري لومينا إلا راتبه فوق 10 آلاف ريال

ويخصص للسيارة نص الراتب لتصليح المشاكل

واخوي إذا كنت في أرض منبسطة مثل الرياض وجدة ما عندك مشاكل

لكن أنا معي لومينا وفي الباحة قمممممممممممة المشاكل

كل يوم مشكلة بس مالنا إلا الصبر

مشكورين يا اخوان على تواجدكم
والله زادت الحيره:( ما معنا الا الاستخاره

اخوي جزيرة الكنز انت جربت الجديد ولا تتكلم عن موديل قديم والسياره مع الايام لازم يطلع فيه شيي كل السيارت كذا

أخوي،

خذ الكلام من كبار خبراء اللومينا..

اللومينا ما يعرف لها إلا فئة قليلة جداً من الناس، وأهم صفة لابد تكون فيهم هي الصبر والتحمل والخبرة الجيدة في ميكانيكا وكهرباء السيارات..

سؤال: تقول بأن معك أكورد، وش نوعها وكم موديلها، وليش بتستبدلها بلومينا؟؟؟

الهوندا أكورد أفضل مليار مرة من اللومينا، بل لا مجال للمقارنة يا أخي..

الأكورد سيارة يابانية أصيلة ذات جودة عالية، كل ما عليك أن تعرف قيادتها فقط.

أما اللومينا فهي صناعة دولة جاهلة بتصنيع السيارات وجودتها رديئة، ولا بد لك من أخد كورس في كهرباء وميكانيكا السيارات لتقودها بسلام.


سعر هذه اللومينا جيد جداً جداً، وممشاها أقل من العادي، يعني السيارة مامشت كثير، المفروض ماشية 90 ألف على الأقل.

رأيي يا أخي لا تبتعد عن السيارات اليابانية أبداً، ولو فكرت تغير فتحول للكوري أفضل وأرخص وأجود من الاسترالي..


هذا الكلام من شخص له خبرة في اللومينا من بداية عام 2002 أي 8 سنوات، وعانى الأمرين منها، إضافة إلى كونها سيارة تفتقد جداً للتكنولوجيا.

وعليكم السلام
معي لومينا ???? ما فيها عيوب مصنعيه واجهتني غير التركشن
ورحت الوكاله وصلحوها وأنا وإقف
والأمور زينه ولله الحمد والشكر والمنّه

لا والله بالعكس عطيتني نظهر حلوه للومينا :smilie16:بعكس الكلام الي ينقال عنها
تسلم فديتك
بالنسبه للسعر هل هوا جيد ام غالي نوعا ما

اخوي ترا كل واحد يقولك الومينا والكابرس خرابات تراه ماجربه مجرد كلم فقط
طيب تعال خذ العم مني

انا امتلك لومينا 2003 ال اس
شريته ماشي 80 الف قبل 4 سنوات
والحين ماشي 400 الف

السياره المشاكل الي واجهته
وهي لا تسما مشاكل بل تسمى قطع استهلاكيه مثل الفحمات والبواجي والسير مره وحده غيرته
والديتر خرب قبل 3 سنوات وشريت واحد 700 ريال له الحين 3 سنوات وهو ماشي تمام

بعد ماشت سياره حوالي 250 الف خربت المراوح وشريت من الوكاله
بس
بس
بس

وسئلن عن الاستخدام كيف
لمتدت سنه ونص كل اسبوع خطوط على مسافه 800 كيلو رايح وجاي 800 كيلو
والسرعه تكون على 180 كيلو بساعه

والله السياره كل يوم تكبر بعيني يارجال كرفناه كرف
والى الحين تمام اتمام
لا تنقص الزيت ولا تقلبه اسود ولا شي

استخر ربك وفحص الموتر وانشالله بتستانس

ادري اني قصيت حياتي عليكم هههه

خلا بك اخوي خرافي انت تقول ردئيه وهم يقولون سياره حلوه والله حيرتونا هل لك تجربه مع اللومينا

المشكله لما تطرح سؤال اخوي راح يجاوب عليك اما شخص " ماجربها "
او شخص " سمع عنها " او شخص " توه شاريها "

اسأل شخص جربها ومشي فيها وراح يعطيك اذا تنفع او لا

لومينا تحديداً الي اعرفه من شخص جربها ومشي فيها انها رديئة وشكل فقط
اصرف النظر تماماً عنها