كفر هانكوك + ابي رايكم + قصتي

أنا أول ما شريت سيارتي عام 2004 كلن فيها كفرات هانكوك ودامت معاي قولوا ما شاء الله حدود الخمس سنواااااات .. ولا أدري عنها ولا أفحصها وبعد خمس سنوات قررت أبدلهم وحطيت مكسس وما دامو حتى سنه إلا وتنفخوا من كل مكان وصارت الكفر بيضاويه وقررت أغيرهم ورحت ل ريد كاب و أنا في بالي أرجع للهانكوك إلا و موظف يقول لي تايو ممتازه جابانيه و أفضل من هانكوك وجربت تايو وكلها كم شهر و أنفجر إطار واحد من الامامي و كم شهر ثاني و أنفجر إطار أمامي أخر من تايو ... اما الكفرات الخلفيه جديده ما فيها شيئ و الأماميه إلا إنفجرت كانت جديده بس ما أدري ليش أنفجرت مع إني كنت أمشي 80 إلى 100 فقررت أشتري كفرتين ورحت و في بالي هانكوك إلا وصاحب المحل (هالمره بنشر يمني بس بنشر كبير فيه كل شيئ:tongue:) الزبده اليمني قال لي فيه كفرات صينيه أسمها هيرو وهي مضمونه سنتين من الوكيل وهي جباااااااره و الكل يمدحها سألت أهل الخبره عنها ومدحوها وقالوا هي صحيح صينيه لاكن جودة فئة أولى وشريت كفرتين وحطيتهم قدام و الخلف تايو ... ولحد الأن زي الحلاوه .... لاكني لو قررت أبدل ال 4 كفرااااااااااااااات فلن أختار غير هانكوك لأنها الأهدئ + تدووووووم وعمرها طويــــــــــــــــــــــل:c0214:

اهم شي تتأكد من مواصفات الكفر
الحرارة لازم تكون A
تأكد من رمز السرعه ووزن الحموله
وانصحك بالميشلان كفر يتحمل كرف لغاية 80 الف كيلومتر

وبالتوفيق

اهم شي مواصفات الإيطار وفعلا ميشلان روعة لكن هناك كفر قبل عشر سنين كنت مدمن عليه يوكوهاما ممتاز جدا كنت اشتريه زمان ب 180 ريال :)

مستحيل تلقى كفر مريح و يعيش و رخيص!!!
أنا جربت الدانلوب على المكسيما زفتتتتتتتتتت

و جربت الميشلان يا لبى قلبه يقعد معك الين ينمسح.....لا يبنشر و لا ينسم و لا شي ان شاء الله بس انه غاااااااالي...المكسيما جنط 16 بحوالي 400 ريال
الدانلوب صعرر علي 3 مرات

تننننننننننننننننن

انا معي سوسو 2007 طبعا شاريها وكاله من الوعلان نص فل

بعد سنه تقريبا واحد من الكفرات (( صعرر)) قمت وغيرت طقم

كفرات اسم الكفر ((nitto)) طبعا صناعه يابانيه وكرفتها تقريبا

سنه و3 شهور والحمد لله تمام التماام وبعدها قررت اغير

الكفرات وركبت هانكوك بصراحه الكفر كويس ومريح وعريض

بنفس الوقت وسعرهـ 260 غيرتها بشهر 12 اللي رااح

بس دورت بكل محلات الكفرات بالرياض عن نقشة الوكاله

مااااالقيت قالوا هذي بس تجي من كوريا ومافيه بالسعوديه


اتمنى اني قدمت مايفيدكم


ودي وتقديري :xyxwave:

كفراتـ تويو يابانيه وممتازهـ :
اتمنى لك التوفيق "

سلام ... صباح الخير . مساء الخير خخخخخ على حسب الوقت
ابو فهد الله لا يهينك .. ممكن تحط لنا صورة حق الكفر هانكوك
الا نقشته بالعرض ... للفائدة بس ممكن
يعطيك العافية .

يعطيكم العافية شباب

هانكووووك هادية وصبوورة

قوديير افضل كفر وذا جوده عاليه

تقبل شكر وتقدير اخوكم { mr.nawaf }

انصحك بهانكوك ولكن دور الي نقشته بالعرض لانه افضل في الخطوط من الي نقشته بالطول.

لازم تختار واحد من اثنين

تبغى كفر لين ومريح ماراح يطول معك يعني بحدود سنتين او اقل للاستعمال المتوسط

أو كفر قاسي ويتحمل معظم الظروف المناخية ويعمر اطول لكن متعب جدا وغير مريح.

أنا عن نفسي للسيارات السيدان افضل اللين وللدفع الرباعي الكفر القاسي لطبيعة القيادة.