قراند ماركيز VS لومينا

على قولت اخواننا المصريين هات من الآخر
اللومينا تتفوق على الفورد بكل شيء الا الراحه ورخص الاسعار والقيمه عند البيع للقراند ماركيز
اللومينا عيبها اذا تهربدت تهربدت
ماينفع فيها التربيط
بعكس الفورد اذا تهربدت كلها 4000 ريال وترجع ورده

انا مطلع كابرس 2006 اس اس 155 الف اقساط

كرهت اليوم الي صنعو فيه الكابرس

عزم وكشخه وجيبك مفتوح بس تدفع فلوس ع صناعه خايسه

اول سنتين تاخده اوك وبعدها انسى ومن ينضرب روح بيعه في التشليح

خد الك ماركيز فخر الصناعه الامريكيه مو صناعة خرفان استراليا

كلهااا حلووووووووه

بسس تتفوق اللوميناا بالرساوه

والله ياخوي اذا تبي النصيحه فلازم تحدد الموديل مو تقول ماركيز او لومينا وبس لازم تحدد الموديل الله يهديدك عشان نقدرك نفيدك

اما اذا كنت تتكلم عن الموديل الجديد فاقول لك لومينا وللاسباب التاليه:
1-شكل الماركيز عفى عليه الزمن يعني من 12 سنه ماتيغر بينما شكل اللومينا جديد وصراحه فرق كبير اجمل بمراحل
2- قوة التحمل من واقع تجربه لاثنين من اقاربي واحد عنده ماركيز والثاني لومينا والله ياخوي كلها عمليه مع العلم ان اللومينا ماتقول سيارة للاستخدام الشخصي تقول ليموزين يعني راعي دوران 24 ساعه ومع ذلك ماعمره شكى من مشاكل الا اشياء استهلاكيه
3- اللومينا اوسع من الماركيز بالنسبه للداخليه
4- من ناحية الراحه كلهم مريحه
5- الرساوه اللومينا تتفوق من ناحية الرساوه بشكل كبير عن الماركيز وعن تجربه للسيارتين
6- بالنسبه للفخامه ترا اللومينا الفل الكامل الال تي زد افخم حسب رأيي من الماركيز

السلام عليكم ورحمة الله وبركاته

من تجربه شخصيه ومن تجربة أكثر من شخص من الاقارب بين الفكتوريا والماركيز سياره أكثر من رائعه سواء من ناحية الراحه أو الفخامه والدلع (من ناحية الماركيز) وقوة تحمل وقطع رخيصه جدا مقارنه بغيرها من السيارات :xyxthumbs:

أما اللومينا من تجربة شخص قريب جدا يقول اذا بغيتني تلقاني بالورش مع ان سيارته 2006 بس تبهدل معها و فيه غيره الكثير من يشكون من الكابرس :smilie20:

اذا بغيت الراحه و سياره طويلة عمر وسياره للعائله والشباب وماكينه والله ما بسيطه الفورد بكل قوه وخاصه الفل

واذا بغيت سرعه وشكل شبابي فقط اللومينا

والله يوفقك في اختيارك ان شاء الله وأرجو اني افدتك ولا زعلت أحد واعتذر للاطاله

اذا انت مستعجل دايما وتبي تخلي العالم وراك خذ لومينا والعكس صحيح.
اذا كنت تحب الراحة في الطرقات لدرجة النوم خذ جراند ماركيز, مع ان الناس يمدحون الفكتوريا يقولون اكثر تحمل.
من ناحية قطع الغيار بالنسبة للاصلي اصلي فهم حول بعض,وبالنسبة للدرجات الاخرى الماركيز.
من ناحية استهلاك البنزين الومينا افضل.
من ناحية الاحتفاض بالسعر الاقوى الماركيز.
من ناحية المطبات انا اشوفهم حول بعض لانهم امريكي ,للمطبات مافي مثل الياباني.
(وقبل ماتختار صل الاستخارة) والله يوفقك.

لا حول ولاقوة الا بالله لومينا عاد :c0038:


يا شيخ خذ الماركيز وانت مغمض

الماركيز الماركيز الماركيز

الماركيز ماتقارن بالكابرس عاد كيف اللومينا

بصراحه أجحفتوا حق الماركيز , اللومينا ماتجي ولاربع الماركيز .


ليس تعصب لموتري لا من واقع تجربه اللومينا والكابرس ماتنفع برياال
كأنك حطيت فلوسك في النار اذا شريتها .

تحياتي للجميع

الماركيز خذ موديل 2004 ونتا طالع وربي ترتااااح ..
اللومينا مشاكلها واجد ..

اخوي ماركيز افضل لأنه أمريكي الصنع

وقطعه ارخص وفي الكرف يتحمل اكثر

لاكن مشكلته العزم الضعيف وعدم الرساوة

وعليكم السلام اخوي
من الناحيه التحمليّه للمطبات والتكسيرات اللي بشوارعنا (فهي اللومينا)
من واقع تجربه
وبالنسبه للماركيز فيه حقه وله عشاقه وتتحمل يمكن اكثر من اللومينا بس الشكل الكبير اللي هي طالعه فيه مخليته سياره عوايل اكثر مماهي شبابيّه

تحياتي للكل

المااركيز افضل م ننواحي كثيييرة

خاصة لو بتاخد من 2003 وفوق

وش جاب لجاااب
اكيد المااااركيز

اذا تقصد جديده وكاله .. اقول لومينا افضل لك :smile:

وانت شف سياره اللي تريحك من تجربه ,,

و السلام عليكم و رحمة الله و بركاته
الرجاء عدم التعليق على مشاركتي الا من قبل صاحب الموضوع

إذا انت حق فرفرة واجد ولا توقف خذ لومينا نصيحة