اسوق من 3 سنوات لكن الى الان اخاف

والله .. معاك حق في ناس هبل

بس أتوكل على الله وبعدين الشباب أفادوك^^^^^

في مثل حجازي "خواف مية مرة ولا الله يرحمه مرة"

والله يوفقك

الخوف اثناء القيادة شي إيجابي و ممتاز

لكن انت احسبها إذا صدمك اللي وراك اهم شي سلامتك و غالبا الضربة من الخلف ما تأثر عليك و ترى راس مالها صدام قيمته 500 ريال و الغلط عليه 200 بالمية يعني لا تخاف من اللي خلفك بالنسبة للأمام الشباب كفو و وفوا و إذا كنت خايف من المسار الايسر خلك مهدي في المسار الاوسط و كذا بترتاح نفسياً و ترى ما تفرق إلا 5 دقايق بس في وصولك لمشوارك

اللي يدقك من وراك يالغلا الغلط علاه و بيصلح سيارتك إن شاء الله .

لكن هالخوف ماله داعي يالغلا وانت لا تحاول تعطل السير في المطبات و توقف وعلى مهلك تاخذها حاول تهد السرعه وتمش مثل العالم .

شوف أنا أقلك الكلام دا من خبرة سابقة ولله الحمد .....لمن تشوف الطريق بيوقف واللي قدام داس فرامل

وأنت خايف ان اللي واراك يصدمك أول شي اضغط فرمل بقوووة وبعدين قلل الضغطة

فتلاقي اللي وراك حتى لو قرب منك يبعد لمن تقلل قوة الفرمل ومايدقك وفي العادة أصلا لا سمح الله لو

دقك الغلط عليه 100% وما في خوف إن شاءالله

ارجو انك تكون فهمتني

يا رجال شيل الخوف من قلبك ترى والله ماله داعي انت خلي قلبك متعلق بالله وبس واللي ربك كاتبه بيسير

من خاف سلم

احسن خلك خواف من ناحية الحديد,لانه حياة وموت

والله العظيم ياراعي الموضوع كـأنك تتكلم عن حالتي ..

انا مثلك تماااما .. والله يكفينا شر الحوادث

ماعرف لا تعلييييييييييييق

ما سوينا إلا الواجب ..

هذا أنت قلتها (أخاف) .. دائما ً شل الخوف من تفكيرك ، فكر فقط باللي أمامك عشان ما تصدمه وتتورط فيه ، أما عن اللي وراك فلا تفكر فيه أبداً ، إلا إذا بغيت تمسك مخرج أو سيد ثاني أو إذا بغيت تلف يمين أو يسار ..

والله يسهلها عليك ..

ردودكم جميلة .. جزاكم الله خير على مساعدتكم..

لكن عندي استفسار انا دايم اخاف اذا ضربت فرامل من الشخص الي خلفي انه يصدمني وخصوصا بالمطبات او بالزحام وشلون اتصرف في هالامور

والله يالغالي اني مثلك دوامي للجامعه لازم أمسك الخط السريع ايام الدوام وكذا وغالبا المسار الأيسر بس الحمدلله ما عندي خوف لعدة أسباب :

1- الحمدلله أقول بعض الأذكار وآية الكرسي و أتوكل على الله .

2- سيارتي كابرس 89 هم ينحاشون مني :bigggrin:

3- المسافه بيني وبين اللي قدامي مهي بعيده مره ولا قريبه مره .

4- ابدا اشوف اللي قدام قدام قدامي لو مسك فرمله علطول أضرب فلشر وابدا اهد السرعه .

وبالنسبة للتجاوز او الانتقال من مسار لآخر يالغالي خل عيونك ع المرايا مع الانتباه للطريق يعني تلمح المرايا لمح وتنتبه ودق إشاره و لا شفت الوقت المناسب خذ اللفه وامسك المسار لين تخرج .

أو قبل المخرج اللي بتخرجه بمسافه كيلو امسك المسار الأيمن اذا مره ترتبك يالغالي .

والخوف الزايد يبعدي يسبب أضرار و مشاكل , انت لا تخاف بس خلك حذر ولا تتجاوز السرعه القانونية .

واللهم لك الحمد .

انا مع رد الاخ والله يوفقك انا عندي هل حاله و اخاف اذا مع احد لاكن لحالي عاادي
بس اخوي ابي اسئلك سوال انت وين تسوق يعني لو بالرياض معك حق

السلام عليكم
اخوي توكل على الله ولا تخاف وانا اخوك
لا تفكر انك بتصدم
قول في نفسك ايش بيصير لو صدمت ؟ >>>> عشان تشيل الخوف
في الاخير الحادث قدر كلنا مؤمنين به يعني مابيدنا حيله
تقبل مروري

طبعا أول ماتركب تقرأ آية الكرسي وتقول : بسم الله الذي لايضر مع اسمه ......

وبعدها تحاول ترتاح ولا تنشد مرة بالطريق لأن الشدة الزايدة خطر ولاتفكر انو الطريق بيقفل

فجأة كيف يقفل فجأة عادة في اشارات تحذيرية وغيره لمن يوقف الخط حاول تهدي من بدري

يعني انك تلقط السيارة اللي قدام قدامك لمن يكبس فرامل عشان تعرف انه الطريق ممكن بيوقف

وغير كدة لاتلصق في اللي قدامك يعني لمن تمشي مثلا 120 خلي بينك وبينه بالقليل 10 متر وكل ما زادت السرعة زود المسافة

وفي الأخير يا أخوي لازم تاخد بالأسباب وإن شاء الله مايصير معاك ولا شي

وعليكم السلام ،،




ليش تفكر بأنك بتصدم ؟ حاول تشغل تفكيرك بشيء ثاني لأنك إذا فكرت بأنك بتصدم هالشيء راح يسبب لك خوف وربكة ويتسبب لك في حادث ، وهالكلام عن تجربة

وكيف تعرف ان الطريق بيقفل فجأة ؟ بسيطة إذا شفت السيارة اللي أمامك مهدية أضغط الفرامل بشويش وحاول قدر الإمكان أنك تحافظ على المسافة اللي بينك وبين السيارة اللي أمامك مو شرط تكون المسافة كبيرة جداً على الأقل خل مسافة 10متر أقل شيء تحسباً للوقوف المفاجيء ..
وإذا شفت اللي قدامك ضغطها بقوة وهذا يبين من ردة فعله ، أضغط الفرامل بقوة وحاول قد ما تقدر أنك تعرف ردة فعل اللي أمامك عشان ما يصدمك اللي وراك ..
وهالشيء عن تجربة في زحمة الرياض اللي متعود عليها بشكل يومي ( ذهاب وعوده ) ..




مثل ما ذكرت لا تفكر ولا تخاف ، وإذا ضرب فرامل فجأة في هالحالة أنت وتقديرك للمسافة اللي بينك وبينه مع مقدار قوة ضغطك على الفرامل بتخليك توقف قبل ما تصدمه ..




شوف مشكلتك أنك تفكر كثييييير وأنت تسوق حتى أنك تخوف نفسك ، حاول قد ما تقدر أنك تمسك الوسط فهو الحل الأفضل لكل المشاكل وإذا كان اليمين زحمة وأنت تبي مخرج حاول أنك تهدي في مسارك الاوسط وتدق إشارة يمين تحسبا للي جاي من ورى وتمسك اليمين بهداوة ..

كل شيء يجي بالممارسة ، وأنا ما كملت سنة على السواقة بس ظروف الحياة تخليك قاسي .. :smilie16:

هلا ومرحبا أخوي

طبعاً أول شي حط ببالك حاجتين

أولا :لا تنسى قوله صلى الله عليه وسلم : إعقلها وتوكل

ثانياً : لا ينجي حذر من قدر

فأول شي إبدا بالتوكل على الله ومن الأدعية ( بسم الله أمنت بالله توكلت على الله لا حول ولا قوة إلا بالله)
إذا قلت هالدعاء يرد عليك ملك : شفيت ووقيت وكفيت

الشي الثاني : قواعد مهمة للسلامة ( من خبرتي شخصيا)

1- دراسة ألمانية تؤكد أنه للسلامه أن تترك فاصل زمني بينك وبين السيارة اللتي أمامك بمقدار ثلاثة أعداد 1,2,3 فأنت خلها إحتياطاً 4 أو خمسه (( على الطرق السريعه))

2- لا تنسى بأنه توجد بالسيارة منطقة تسمى بالمنطقة العمياء وهي اللتي بين المرايه الجانبيه و الزجاج الجانبي ( أتوقع إنها معروفة لدى الغالبيه) وهذي لا بد إنك إذا بغيت تلف أو تغير مسارك إنك تشوف المرايه وتلتف بعدها برقبتك لترى المنطقة بأم عينك لا بالمرايه

3- لا بد أن تلازم المشاهده بأعين السيارة الثلاثه ( المرايه الأمامية والمرايتين الجانبيه)

إعلم أن ما أخطأك لم يكن ليصبك وأن ما أصابك لم يكن ليخطأك ولا تنسى بأن الدعاء يؤد القدر

وإعلم أن كثرة الإرتباك هي أكثر ما تسبب الحوادث وأعرف تجارب شخصية لي في هذا الموضوع ( وما يثبت كلامي حوادث العمالة)
مع تمنياتي القلبية لك بقيادة آمنه مطمئنه

أخوك إبو إياد

وحبيت اذكرك يالغالي واضيف لك هالنقطة

كلنا ترى كنا مثلك اول مابدينا السواقة نخاف وكدا لكن مع الوقت تعودنا

وانت خلك متقيد بالنظام وتوكل على الله

اهنيك على الاسلوب

وكلام اخوي صحيح

فيه وحده من الردود هي احد اسباب الخوف

والمشكله يتفاخر بالغلط :a120(115): (( والله انشب بالسياره )) فرحان بهالشي :a1120(121):

اخوي وعزيزي

انا في نفس عمرك والحمدالله سواقتي عاديه وغير متهوره :rolleyes1:

اخوي الغالي

ترى تفكيرك بالخوف قد يؤدي لا سمح الله الى حادث من احد المراهقين اللي يلفلفون يمين ويسار

الطريقه سهله جدا لعدم الخوف

انت ما عليك الا انك تشوف اللي امامك وتخلي بينك وبينه مسافه

ونفس الوقت شوف اللي قدام السياره اللي قدامك ((يعني لا سمح الله سحب الفرامل اللي قدام قدامك)) علطول تدري ان اللي قدامك بيسحب فرامل

ومثل هالطريقه

واذا بغيت تلف يمين او يسار دق اشاره

وشف المرايه فيه احد او لا

وانتهت الحكايه

ولا تكبر السالفه يالغالي

واهنيك على الموضوع :xyxthumbs: