خروج دخان مائل الى الازرق

Tầïïђ @user_207562 · 22-01-2010

السلام عليكم ورحمة الله وبركاتة

مساء الخير

انا عندي مركيز 98 اذا شغلته الصباح يطلع دخان ازرق خفيف وبعدين يختفي

رحت لورشتين قالو لي جلد بلوف

ابغى ورشه في الرياض ممتازه

كم تكلف شغل اليد مع القطع

HSV&RS @user_165811 · 25-01-2010

طيب عندي سوأل لوتكرمتوا وش جلد البلوف؟
وعذروني على ادخله
تحياتي لكم

Tầïïђ @user_207562 صاحب الموضوع · 24-01-2010

يعطيك العافيه اخوي كفاح

وكيف السياره معك اللحين ان شاء الله تمام

كفاح @user_34403 · 24-01-2010

كان عندي نفس مشكلتك في فورد كان يطلع دخان أزرق و الزيت ينقص شوي
وإذا وقفت في إشارة وحركت السيارة يطلع دخان أزرق مع بداية الدعس وينقطع

غيرت جلد بلوف وكلفتني مع شغل اليد حول 1100 ريال تقريباً قبل 4 شهور
جلد البلوف رخيصة وعددها 16 وقيمة الوحدة في الوكالة 15 ريال تقريبا
وكذلك تحتاج قازقيت لوجوه الماكينة يمين ويسار وقيمتهم مو غالية
فك الماكينة وتركيبهم يعتمد على حسب الورشة
بالنسبة لي وديتها ورشة اخذت مني 800 ريال وهي اغلى من غيرها لكن شغلهم مشهور انه زين وحصلت من يفكها ب 600 ريال

بالتوفيق إن شاء الله

نــــاصــــر @user_207787 · 24-01-2010

مثل ما أفادوكـ الأخوان ..

كان معي كراون فكتوريا 2005 صارت فيه نفس المشكلة ...

وصارت من جلد البلوف وصلحتها فـ ورشة البيان بـ 1500 ريال ...

والحمد لله أستخدمت السيارهـ سنه وبعتها ولا لاحظت عليها شي ...

موفق بـ إذن الله ...

Tầïïђ @user_207562 صاحب الموضوع · 24-01-2010

يعطيك العافيه ياغالي

ماقصرت وننتظر باقي الاخوان

Bader-M @user_3304 · 23-01-2010

دخان الازرق يعني

زيت داخل غرفة الاحتراق

والعطل بهذه الحاله يرجع الى سببين
الاول
كما ذكرت جلد البلوف
الثاني
الشنر البستم (حلقات المكابس)

ابغى ورشه في الرياض ممتازه

كم تكلف شغل اليد مع القطع

التكلفة

راس المحرك

........
مقدمة المحرك

جلد البلوف رخيصة ولكن اجرة الايدي العاملة مكلفة قليلا
لانها تحتاج الى فك رؤوس المحرك
يترواح اجرة الفني من 700 ريال الى 1200 ريال تقريبا
لانك تحتاج الى فك
1- التلاجه ومرفقتها
2- راس المحرك
3- الصدر
4- الجنزير عدد (2)

داخل هذا الرابط سوف تستفيد منه باذن الله

http://www.hotrod.com/techarticles/engine/hrdp_0804_ford_4_6_engine/photo_03.html

تحياتي اليك