السلام عليكم
قبل يومين كنت ماشي تقريباً 90 كلم وكان في حفريات في الخط والمشكلة ان قصة الحرفية حادة شوي مريت عليها مير ينشق الكفر الامامي الايسر ونعفط الجنط ، وقفت وركبت الاسبير واليوم الثاني مريت الصناعية خرطت الجنط وتعدل وركبت عليه كفرة الاستبنة عشان اجربه الحمدلله طلع مضبووط ، لكن البلف قالوا انه خربان وبيركبون بلف عادي الين ما اشتري لها بلف الحساس عشان لمبة ضغط الكفرات اللي في الطبلون تروح ، المشكلة ان مادري البلف خرب من المطب او من اللي كان يعدل الجنط لانه كان يضرب الجنط بالشاكوش البلف راكب فيه ، المهم سألت عن البلف في الوكالة وقال سعرة 400 ريال ، ان مادري ليش هالسعر احس انه مبالغ فيه ، فياليت احد يفيدني انه هل هذا سعره او ممكن القاه برا بسعر ارخص او ممكن ان البلف القديم يتصلح؟؟؟ او اتوكل على الله واشتري من الوكالة ....
والمشكلة امس كنت اغسل السيارة ولاحظت برضوا في الجنط الايمن عفطه بسيطة جدا من اثار المطب بس مو مسببه رجه او تنسيم ، فهل اخليها على ماهي عليه او اروح اعدلها؟؟
cliffs: السيارة مكسيما 2010
