لأي شخص يرغب في اقتناء أي من منتجات GM وخاصة الماركات الفخمه يجب عليه معرفة ماحدث لي

الله يكون في العون وشاكر لك مرورك اخوي




هلا فيك اخوي وشاكر لك مرورك
بس مادري هو ماسك عليهم شي والا لا بس ممكن يكون سبب قوته انه يقوم بتصريف سيارات بشكل كبير + لو تطلع سياره فيهم فيها عيب مصنعي ما يستبدلها وبذالك يقلل من خسائر جنرال موتورز




هلا فيك اخوي وشاكر لك اهتمامك
هلا فيك اخوي

*بالنسبه لوزراة التجاره (الغش التجاري) هم يقومون بالضغط على الشركه كما سبق ذكره من اجل اصلاح المشاكل اللتي تكون في السياره...(انا توجهت لهم بخطاب رسمي وبينت فيه جميع مشاكل السياره, وقامت شركة الجميح بالرد على خطابي بخطاب نفي وملخصه ان العميل يتعمد تشويه صورتنا وايضا ان السياره ليس بها اي مشكله وجاهزه للاستخدام وبعد قرائتي لخطابهم قمت فورا بالاتجاه الي المحكمه وتقديم دعوى لانهم قاموا بانكار كل مشكله في السياره)..

*اما اعادةالمبلغ او تبديل السياره يكون عن طريق المحكمه حيث تقوم برفع دعوى ضد الشركه ..

*بالنسبه لديوان المظالم انا سألت عنه وقالوا لي اللي بديوان المظالم ان النزاعات التي تكون في الاموال تكون عن طريق المحكمه لذالك اتجهت للمحكمه.


**عندي استفسار بسيط اخوي :
-كيف ممكن اقدم موعد الجلسه حيث ان المحكمه اعطتني موعد بعد اربعه اشهر من وقت رفع الدعوى (تبقى الان منها شهرين ونص تقريبا).

-اذا احد ممكن يفيدني بمحامي يختص بهذه المواضيع ويكون عنده ضمير يراسلني ع الخاص .

تحياتي لك اخوي Moood

اخووي قريت موضوعكـ كامل ،، ويشهد الله إني أشعر كما تشعر من القهر والغبن ،،

ولكن ما اقدر اقول الا الله يكون بعوونكـ ويرد لك حقكـ من هالشركة ،،

وأنا عندي لك كم رأي يمكن تستفيد منهم ،،

ـ توجه وزارة التجارهـ << أتوقع فيه إدارة مسؤوله فيها تهتم بمثل هذي المواضيع .
ـ إسأل في ديوان المظالم << هل مثل موضوعكـ من ضمن أعمال ديوان المظالم .
ـ وكل محامي في موضوعكـ يمشي لكـ المعاملة في المحكمة ويرافع فيها وبعض المحامين لهم علاقات قويه ويقدر يجيب لك حقكـ بس أهم شي فلووسكـ .
.

طبعاً هذي مجرد أراء وإن شاء الله إنها تنصب بصالحكـ ،،

والله يعينكـ

وبالتوفيق أخوي ،،

اخس يالجميح ماتقدر عليك الشركة الام GM شكله ماسك عليهم ممسك هع..!

لا حول ولا قوة إلا بالله . . إلى متى وإحنى نقول إنشاء الله بكره بيطورون

هلا فيك اخوي
ان شاءالله ما اسكت عن حقي ولن ارضى بحلول تصب في مصلحتهم فقط

شاكر لك مرورك




بصراحه قوة وشكل السياره خدعني ولم التفت لنقاط مهمه (الوكيل في خدمات مابعد البيع والشركه الام في حمايتي)

شاكر لك مرورك

كاديلاك وزحمة واسعار فوووووق

واخرتها كل هالمشاكل

الله يعينك

اتوقع منك اخوي انك ماتصكت عن حقك

ولا حول ولا قوة الا بالله الله يستر عليك اخوي لاكن وش الحل الحين يعني وش تبي تسوي معهم

هلا فيك اخوي سامر :c0038:


تحياتي لك وشاكر لك مرورك

بصراحه قصه تبكي الحجر

ذكرتني بسلوم حداد يوم يقرا وصية اخوه على الجبل (سالم لاتصالح)

لاني اتوقع انك الحين دخلت حرب البسوس

يعني اربعين سنه وتنحل مشكلتك

اهم شي لاتنسى تكتب على اي جبل لاخوانك لاتصالح

:smilie20:

هلا فيك اخوي وشاكر لك مرورك

هلا فيك اخوي ابو هذال مره اخرى

انا حكيت تجربتي لسياره واحده فقط او بمعنى اخر انا ما يهمني ان شاءالله تكون كل سيارتهم متعطله وخربانه او جودتها عاليه انا همني موضوع سيارتي

السياره اللي تم بيعها لي طلبت استبدالها تخيل بعد 2000 كلم بسبب كثرة مشاكلها وكانوا كل مره يحاولون يرضوني ويقولون ان شاءالله انها اخر زيارك لك وما نشوفك الا بالصيانه الدوريه فقط وترى مانعتبرك الا زي اخونا ومهتمين لك ,,
من 2000 كلم الي 8000كلم صار ماعندي شغله الا ذا السياره..

مشكووووور أخوي على التنبيه حتى الشركة الام ماجبت روس الجميح
الله يكون في عونك وعون خويك والناس اجمع
:xyxwave: تحياتي لكم

اولا السيارة و ابقى اقولها اعانك الله و اصدقك ولو لي سلطة لأعنتك
لكن التعميم على كل نسخ الـ CTS بأنها فاشله اعتقد انه ظلم للسيارة اللي انت ما جا لك نصيب فيها
ولو هي كذا صدقني كل السيارات بالعالم فاشلة انا -كمثال- معي هايلكس شاريها جديدة يدي على قلبي من المكينة لا تخبط في اي لحظة و والله كل شهر لازم اشوفي لي واحد مركب واحده مستعملة بـ 13 الف ريال لانها لا توظب ابدا ومع ذلك تبقى الهايلكس من اكثر السيارات عملية

فالتعميم (و انا مقدرك و فاهمك و اعرف اللي انت فيه) بخراب سيارة من بين 100 سيارة ان الانتاج كله خربان ليس بصحيح الا ان كان هناك خلل مصنعي كبير هنا انا معك و انا اول من يعيبها اذا كان هناك فعلا خلل



ثانيا الوكالة لو تلاحظ دعاياتهم و خرابيطهم يقولون ان شرائك للسيارة بداية علاقة لك معهم
الوكالة لم ينتهي دورها الا ان كانت السيارة مصممة بحيث لا تستهلك قطع ولا يعمل لها صيانة و لا كشوفات ولا فحوصات

و صدقني لو تشوف وكالة عبد اللطيف جميل و وكالة توكيلات الجزيرة تعرف معنى وكالة و تعرف ان الجميح و وراءه وكلاء جي ام لم يؤدو 1% من عملهم المطلوب عليهم كوكلاء وانا انحشت بسيارتي من الجميح و ذهبت بها الى التوكيلات على سؤ التوكيلات ايضا لكن شر اهون من شر

عبد اللطيف جميل - كمثال- مع واحد من العيال فكسار خليجي جديد بكل بساطة فتح له ملف ببلاش وضمنه عبد اللطيف له بينما وكلاء جي ام انسى تسوي الحركة هذي !

تخيل اني طلبت تجربة همر H2 من بعد عيد الفطر الماضي وحجزت موعد واخذو رقمي الى يومك لنا حوالي 5 شهور ما بعد كلموني ولا بيكلموني :confused1:

*عند الجميح هندي مشرف على الصيانة اسمه ريحان نقول على لسانه :
انا ريحان ... نفر خربان ... ما يشمل ضمان !

و الله يعينك على ما ابتلاك

هلا فيك اخوي

بالنسبه لي موضوعي بالمحكمه وقد تم اعطائي موعد بعد اربعه شهور من رفع الدعوى ..
ولكني صدمت بهذا الموعد وطلبت بمقابلت الشيخ لكي ابين له حالتي حيث ان سيارتي جديده وهي متوقفه لديهم من اكثر من شهرين + الاربعه الاشهر لانتظار القضيه =6 اشهر بدون سياره
وبكذا تكون سيارتي فقدت قيمتها كسياره جديد,, ولكن كان رده انه يوجد قضايا كثيره مشابهه ولكن عليك الانتظار ..

والله ييسر الامور

تحياتي لك وشاكر لك مرورك

يا صاحبي جنرال موتورز معذور خصوصا في دولنا العربيه لانهم
يدرون ان ما فيه نظام قضائي يقدر يحمي المستهلك

و حتى لو واحد يرفع قضيه نفس القضاه بيماطلون في القضيه

لان الوكلاء مدعومين

اما في امريكا يخافون على سمعتهم و فيه نظام يحميهم هذا و هم كفار

اما احنا المسلمين

و لو تلاحظ اي قضيه اذا احد اشتكى ما يبيلها شي

السياره خربانه و انا دافع فيها فوق الــ100000

خلاص انا ما ابيها عطوني قيمتها

انتهت القضيه

المحكمه تلوع كبدك في مماطلتها

لكن ما نقول الا الله على الظالم

هلا فيك اخوي ..
اما بالنسبه لقطع الغيار تخيل ان السياره 2009 (وهذا ثالث يوم لي من شراء السياره عالية الجوده) ومافيه قطع غيار والوكاله تقولك بعد عليك الانتظار من اسبوع الي شهر لان القطع متوفره في دبي وعلينا طلبها وبعد اكثر من شهر يتضح انهم قاموا بطلب قطعه بالخطا وهي قطعه لسياره اخرى واخبروني بعد ما ابدوا اسفهم انه علي الانتظار نفس الشي من اسبوع الي شهر .. بالاخير قلت لهم تكاليف شحن القطعه على حسابي بس جيبوا لي القطع وكان ردهم باستهتار هذي شركه كبيره لا تقبل بشيئ كهذا .. مهزله


السياره مافيها خلل واحد ..السياره فيها مشاكل كهرابائيه وميكانيكيه .
وبالنسبه للوكاله فتعتبر مهمتهم انتهت بعد بيع السياره لي ...

شاكر لك مرورك وانتظر ردك

الله يعينك على ما ابتلاك

و الوكلاء عندنا ازفت من الزفت و ازفت مما تتخيل (تخيل قطعة اكسسوار تجلس 45 من امريكا ! و طرمبة زيت كابرس 6 سلندر غير متوفرة في الخليج !)
و الله لي اسبوعين من طلبت القطعة قالو انتظر نجيب لك سعرها من الرياض ! انتظرت قالو القطعة غير متوفره الا في دبي ! قلت طيب بعد 5 ايام... اليوم تو واصله واحده و الثانية لازم اعربن لها من جديد ! انواع الفشل في متابعة العميل و الاهتمام به

و جي ام الشرق الاوسط فعلا شركة منفصلة عن جي ام امريكا و هم استفادو يوم اعلنوا افلاسهم من الحركة هذي و يسمون منطقتنا بـ LMM و اذا تراجع فراجع دبي اما امريكا فكأنك يا بو زيد ما غزيت لانهم ما لهم اي دخل في اللي عندك هنا

الآن اريد منك توضيح واحد فقط و عليه سيعتمد ردي المقبل عليك

هل الخلل في السيارة او الوكلاء ؟

و سأرجع لك في وقت لاحق

قال ايش تطبق الشريعة يارجل الكفار يطبقونها بحذافيرها أستغفر الله وفيهم ذمه وثقه ماهيب في ربعك اللي مايخافون الله. لاحول ولا قوة اللى بالله