استفسار ضروري الله يجزاكم خير عن اللاندكروزر GXR

Golden11Boy @user_173400 · 30-01-2010

السلام عليكم ورحمة الله وبركاته..

صبحكم / مساكم الله بالخير جميعا...

اخواني انا اشتريت جيب لاندكروزر GXR 2004وعندي استفسارات لان ماعندي خلفية عن سيارات الدفع الرباعي.

طبعا السيارة اوتماتيك واللي ودي اعرفه اول شي بالنسبة للقير فيه P و R وN وD وهذي طبعا كلها معروفة بس فيه بعد 2 و L هذي ما اعرف عنها شي ومتى تستخدم..
وبنفس القير فيه زر صغير ODO ما اعرف عنه شي .
وجنب القير فيه زر PWR و 2ND ودي تعطوني خلفيه عنها بعد..

وفيه الازرة هذي اللي في الصورة ودي تعطوني فكرة عنها.. الزر اللي جنب زر التانكي الاحتياطي حق ايش ... والدف لوك كيف استخدامه... ومعليش على كثرة الاستفسارات وجزاكم الله خير..

رجل قانون @user_169394 · 19-06-2010

نايس مان احسنت الاجابة ولا يهون الجميع

UNCLE 6M600M @user_128763 · 18-06-2010

هلاا بزمييل المواتر .. :bigggrin:

اول شي مبروك عليك السيارة ماشاء الله موفق فيها ان شاء الله
من واقع تجربه سياااره تريييييحك ماتشتكي ابد ماشاء الله

بالنسبه للبنزين هذا التانكي الاحتياطي اذا فضى بنزينك اضغط عليه يحول عالتانكي الاحتياطي
وبحكم اني موسوس عالموتر مااحول التانكي الا وانا حاط القير على N

بس تعال يااخوي انت موترك امريكي ولا سعودي ؟؟
لأن اللي معي من البازعي فل كامل gxr ومافيه دف لوك ولا الزر اللي كأنه حساس
بس فيها حساسات ورا ,,

وبسألك الله لايهينك بكم شريت الموتر ياليت ترسل لي عالخاص
عشان اعرف ابيعه ولا اخليه ,,
ان بغيت اي شي بالموتر عالرسايل ولا هنا لا يردك الا الكي بورد

Nice_Man @user_18730 · 18-06-2010

زر ال 2nd .. هذا يخلي السياره تقوم على الثاني مو على الأول ... وتستخدمه لمن تكون بطين او ارض مبلله او في امكانيه انو تتزحلق ... عشان ماتقوم على الاول وتبدأ تتزحلق بس

الpower يخلي السياره تتأخر بالتبديل .. تستخدمه اذا بمطارحه ممكن .. او ممكن طلوع عشان لا تقعد تبدل كل شوي

طبعا 2 او L ... يبين عندك لمن تحطه على 2 يعني راح تعشق اول وثاني بس وراح تشوف الضغط لمن توصل سرعه معينه العداد والسياره تحن ... خلاص ماتعديه ... وتستخدمه ممكن بالمنحدرات عشان لا تستخدم الفرامل .. كأنك حاط قير على 2 .. حلو الكلام

حنون2000 @user_112439 · 17-06-2010

الزر الي بجنب التاكني
تبع حساسات اماميه

اضغط عليه ثم روح اقرب جدار او رصيف او ماصوره ومشي حبه حبه بالصدام الامامي شوف يعطي صووووت مززززعج

من ناحية الدفي لوك ياخي حاول انت ماتستعمله ابد ولا تروح اماكن وعره لان السياره الي انت شاريها اكيد غالية استخدمها بااحترام
ثانيا الدبل يكفي او الازرار الي بجنب الدبل والله المستعاااااااااااااااااااااااااااااااااان

Golden11Boy @user_173400 صاحب الموضوع · 16-02-2010

f

ford<for>road

بالنسبه لدف لوك لو تبحث راح تحصل معلومات عزيره عنه لكن انا راح اعطيك ملخص له......اخوي

الله يسلمك اذا كانت السياره معلقه وأحد الكفرات الخلفيه ملامس للارض والاخر معلق في الهوا طبعاً وانت واقف تشغل الديف لوك وراح يقفل الدفرنس و يخلي الكفر الي يدور في الهوا يدور بسرعه وحده مع الي ملامس للارض عشان تطلع من التعليقه ..........هذا الي عندي عن الديف لوك والشباب ان شاء الله يساعدونك في الباقي

مشكور على مرورك وعلى المعلومة وماقصرت...

طالب الجنه @user_165338 · 14-02-2010

الله يعطيك من خيره ويكفيك شررره
بالنسبه لزر الي جمب التانكي
ان كان مانيب غلطااان حق الحساسات
لتااكيد
اضغطه وقرب لك من جدار او سيارره
واذا طلع صوت الحساس اضغطه شف يسكر ولالا
تحياااتي لك
تقبل مروري

ford<for>road @user_19396 · 14-02-2010

بالنسبه لدف لوك لو تبحث راح تحصل معلومات عزيره عنه لكن انا راح اعطيك ملخص له......اخوي

الله يسلمك اذا كانت السياره معلقه وأحد الكفرات الخلفيه ملامس للارض والاخر معلق في الهوا طبعاً وانت واقف تشغل الديف لوك وراح يقفل الدفرنس و يخلي الكفر الي يدور في الهوا يدور بسرعه وحده مع الي ملامس للارض عشان تطلع من التعليقه ..........هذا الي عندي عن الديف لوك والشباب ان شاء الله يساعدونك في الباقي

Golden11Boy @user_173400 صاحب الموضوع · 14-02-2010

للرفع اثابكم الله

Golden11Boy @user_173400 صاحب الموضوع · 31-01-2010

للرفع............للضرورة..
ابغى فزعتكم خاصة عن الزر اللي زر جنب التانكي الاحتياطي....

Golden11Boy @user_173400 صاحب الموضوع · 30-01-2010

وين اهل الخبرة ؟؟؟؟؟؟

Golden11Boy @user_173400 صاحب الموضوع · 30-01-2010

(

(( ولد حائل))

السلام عليكم
صبحك الله بالخير
إبي أجوب على إستفساراتك من خبرتي
2 تعني نمرتين (واحد وثنين) فقط ودائماً تستخدم مع الدبل الخفيف وفيه زر بالقير 3 ثلاث نمرات ويستخدم كذلك مع الدبل الخفيف
L تعني نمرة واحدة فقط
وزر بور يعطي السيارة عزم يعني ما تعشق إلا بعد ما يوصل الخط الأحمر
وتو ند يقوم السيارة بالنمرة الثانية
الزر بجانب التانكي الإضافي أعتقد والله وأعلم ان للبلوتوث
والدفلوك موجود عنه مواضيع في المنتدى
أتمن أني أفدتك
وتقبل تحياتي
(( ولد حائل))

الله يجزاك خير اخوي ولد حائل ومشكووور على المعلومات ..
لكن اخوي ابعرف متى وقت استخدام النمر 2 و L وكم اقصى سرعة امشي بها.
و PWR و 2ND متى استخدمها وهل تفيدني مثلا في الطعوس والغراز..
ومشكوووور على تجاوبك معي يالذيب.

(( ولد حائل)) @user_174658 · 30-01-2010

السلام عليكم
صبحك الله بالخير
إبي أجوب على إستفساراتك من خبرتي
2 تعني نمرتين (واحد وثنين) فقط ودائماً تستخدم مع الدبل الخفيف وفيه زر بالقير 3 ثلاث نمرات ويستخدم كذلك مع الدبل الخفيف
L تعني نمرة واحدة فقط
وزر بور يعطي السيارة عزم يعني ما تعشق إلا بعد ما يوصل الخط الأحمر
وتو ند يقوم السيارة بالنمرة الثانية
الزر بجانب التانكي الإضافي أعتقد والله وأعلم ان للبلوتوث
والدفلوك موجود عنه مواضيع في المنتدى
أتمن أني أفدتك
وتقبل تحياتي
(( ولد حائل))

Golden11Boy @user_173400 صاحب الموضوع · 30-01-2010

ع

عسكريم

اول شي الله يعطيك من خيره ويكفيك من شره ان شاء الله

مع قله خبرتي بالاند كلوزر لكن بقولك الي عندي طبعا كل كلامي مب اكيد وفيه ناس بتفيدك

اول زر على اليمين زر التانكي الثاني والي تحته الدفلوك ويساره التحكم بالمرايه والباقي يفديدونك

الله يجزاك خير على دعائك...
مشكور والله يعطيك العافية على تجاوبك معي ..
لكن كلها اعرفها الا الزر اللي جنب زر التانكي الاحتياطي...

عسكريم @user_71240 · 30-01-2010

اول شي الله يعطيك من خيره ويكفيك من شره ان شاء الله

مع قله خبرتي بالاند كلوزر لكن بقولك الي عندي طبعا كل كلامي مب اكيد وفيه ناس بتفيدك

اول زر على اليمين زر التانكي الثاني والي تحته الدفلوك ويساره التحكم بالمرايه والباقي يفديدونك