معقوله السياره شاريها وكاله وطلعت مرشوشه

انا صراحة لما اجي اشتري سيارة لابد اني اقارن المديل والممشى والبدي

يعني مثلا تجيك ماركيزات ماشية 200 الف ومديلها 99 ووارد والبدي ولا رضة حصاه على الاقل ويقولك بوية وكالة وهذا من الصعب انك تطلع الرش بس بالعقل ما تخش وخاصة اذا جتك ورشة محترمة كالبشراوي بالقطيف مثلا

كلامك صحيح أحيانا ماتبين الرشه دام مافيها سمكره ويكون الرشه القديمه مسنفره
وصارت الرشه الجديده على نفس حديد الوكاله يعني ماتكون صبغ على صبغ
وماتتركز مكان واحد والي دوخ السمكري أنه صاير بويه السياره مرشوشه على نطاق واسع يعني تضيع العين وبكذا يختفي أثر موقع البويه تدريجيا وهذا شغل الوكاله

والسيارات الأمريكيه أكثرها 95% مرشوشه وهذا بسبب شركات التأمين الي عندهم اي لكشه او صدمه خفيفه يرشونها وان جاك البودي نظيف مره ومافيه صدمات تكون يا غرقانه
أو فيها مشاكل ميكانكيه وهذا المشكله عند اغلب السيارات الأمريكيه

يا اخي سالفه االسيارة المرشوشه تعقد الواحد

مره شرينا لخوي فورد مستخدم البودي تشوفه نظيف حتى بالنظر تشوف البودي مستقيم مافيه اثر

وديناه عند سمكري

بصراحه حتى السمكري مو متاكد

قلت له مرشوشه

قعد يطالع وماعطاني رد قال ايه وهو مو متاكد قلت له كامله

قام يفر حول السياره مو عارف اصلا ههههههه

احيان الرش يكون صعب تطلعه

وجهة نظري صححوني اذا كلامي خطأ

لاتستغرب الوالد طلع تاهو 2009

ولما رحنا نوديه نركب اله شاشه DVD ع حسابنا

فكو السقف طلع مقلوب الموتر ومعدل

المهم صارت سالفه مع الجميح ووصلت السالفه الى وزاره التجاره

وبدلو لينا السياره ورجولهم فوق راسهم

لاحول ولا قوة الا بالله

معقوله الغش وصل فينا لهذي الدرجه !

قبل كذا فيه سالفة اسكاليد والحين لومينا وابيكا ولكزس ولكزس ثاني !

الشركة الناجحة هي الشركة اللي تخاف الله و و و و امينة على ما تبيعة

مشكور اخوي على الموضوع

للأسف هذا حال كل الشركات

أدعو كل شخص يبي يشتري جديد........... اته يشترط على السيارة انها اتكون ..... بغبار معملها + مغلفة بالواقي الأبيض على الأسطح (( الشنطة و السقف و غطاء المحرك ))

و ما نريد جميل ...... الغسيل (( نعرف نغسل سيارتنا بيدنا )).



على كلن..... أخي راعي الموضوع

إذا لم تستطع ان تسترجع حقك....... فخذ الموضوع خبرة لك.... و عوضك على الله (( بالتأكيد )).
و يكفي انك أفدتنا بهذا الموضوع... كي نأخذ الحذر..نحن

و الله موفقك.

الله لا يوفقهم وين يروحوا من الله

مصيبه هذا الغش

سنضطر عند شراء السيارات الجديده الى إجراء فحص مسبق كالمستعمل...!.!!!

بالنسبة لصاحب الموضوع ..اذا تأخرت عنهم فالمشكله منك الان لأنه لايوجد لديك دليل قوي يثبت لك حقك .

لا الرجال صادق وانا أكبر برهان لصدق كلامه
أنا دفعت عربون على سيارة لكزس IS 300 موديل 2008 من وكالة عبداللطيف جميل الي بالخبر بالتحديد جنب مجمع الظهران وكان مندوب المبعات صاحبي المهم اللون الي طلبته مو موجود الا بالميناء بجده وطلبت الموتر وكنت دافع عربون 5000 ريال
وبعد اسبوع وصل الموتر ولكن قالوا لي دخلوه الصيانه علشان تستلمه وكل شئ فيه سليم المهم تأخر سبوع ثاني اتصل علي خويي مندوب المبيعات بس اتصل مو صفته المندوب اتصل بحكم الصداقه الي بينا وقالي يابو فلان الموتر مالك جاء عن طريق نقليات البسام واثناء التنزيل الموتر جاته دقشه من جهة الشنطه والحين بيضبطونه لك
انا ولعت يعني موتر دافع عليه 145 الف اخذه وفيه رشه وسمكره المهم دخلت على مدير المهم دخلت على مدير الصيانة وتأكدت بنفسي
ولمن رحت عند مدير المبيعات علشان اخذ عربوني قالي مانعطيك العربون لأن الموتر جايبينه على حسب طلبك من جده وجيبته كلفتنا عاد انا قضيت القربه وكلتله وبكل السالفه توقعت انه بينحرج ويرجع بقراره ويبدل لي السيارة قالي عادي هذا الموضوع وبعدين احنى بنسلم لك السيارة سليمه وشغل وكالة يعني ماراح تحس انها مرشوشه وقتها انا فصلت عليه وخذ من هالكلام يالحرامية وين عنكم حماية المستهلك دخلت المواد الغذائية ووزارة الصحة كلها بالسيارة هههههههههه
المهم بالأخير وافق انه يبدل لي السيارة بعد 10 أيام من الهواش تتوقعون ليه بدل لي السياره يلا يا شباب توقعوا




جاء زبون مسكين جاي على وجهة وطلب هذا اللون وسلموه سيارتي الي انا مسوي عليها زحمة واخذها على انها جديده أما أنا جابوا لي سيارة ثانية بنفس اللون
ما اطول عليكم صارت مافيه مصداقية وصرت اوسوس على السيارة وقلت يمكن فيها بعد صدمة وجابوها لي والحمد الله استخدمتها 7 شهور وبعتها وهي ماشية 12 الف وخسرت فيها 31 الف بس بعتها على شان اني اقدمت على مشروع


وعلى فكره اعرف واحد موظف بالميناء لو تشوف ايش يسووا بسيارات الجديده قمت التفحيط لأنهم عارفين بأن السيارة اذا راحت الوكالة يجرون عليها فحص وتعديلات ويصفرون العداد

فلا تحزن يا أخي فسيارتك بأيدي أمينه

اسف على الأطاله

احد الاقارب لديه ابيكا 2007 نفس المشكلة بعد فترة اكتشف انها مرشوشة !!

مشكوور اخوي جذاب بس ماظن الوكاله بتسوي شيء شاريها من زمان

تحياتي