السلام عليكم ورحمه الله
كثير منا يشتكي من ضعف العزم وثقل بالدعسه , وكل ماقلنا شي قالو حساس الهواء والثروتل ( الخانق ) فحبيت اطرح الموضوع عن طريقه تنظيفه والحقيقه المفروض يتنظف كل 5 الاف كيلو مثل مااسوي :D ( احيانا كل مافتحت الكبوت نظفته ) < لااحد يدقق
المفروض يتنظف بدون فك للحفاظ على الوجه المطاطي وعدم اختلال الوزنيه اغلب الورش يفك الثروتل ويحط سيلكون بدال الوجه وهذي من عيوب فك الثروتل مع ان التنظيف في حاله عدم الفك فعاله ويؤدي الغرض
هذي صورة بخاخ تنظيف الكوربريتر وافضله على اي سي دلكو سعرة 10 ريال وميزته آمن على الحساسات وبعد التجربه لاحظت قوة في الدفع طبعا صناعه امريكيه
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 768x576 والحجم 86 كيلوبايت .
ننزع الكلبسات عن فلتر الهواء ( مثل مايسوي البنشر لتنظيفه ) ثم نلاحظ باللون الاحمر هذا الثروتل ويمسكه بقفيص تفكه بمفك مربع ويطلع معك خرطوش الهواء او جارور الهواء ( مع مراعاة لي التبخير الي جاي من المكينه )
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 768x576 والحجم 89 كيلوبايت .
يظهر لنا الثروتل او الخانق وهذي صورته ونلاحظ انه نظيف لانه تم تنظيفه ( احيانا تنصدم من الكربون الي عليه وكنت اضن ان الاتربه تتجاوز فلتر الهواء وتعلق فيه لاكن اتنضح ان تبخير زيت الماكينه يؤثر فيه عن طريق الي المربوط بخرطوش الهواء )
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 768x576 والحجم 95 كيلوبايت .
الثروتل في الالنترا مو الكتروني ويتم فتحه عن طريق دواسه البانزين ( الصورة توضح )
بعكس السوناتا والازيرا لان الدعسه الكترونيه يتم فتح البوابه او الثروتل تضع المفتاح ( السوتش ) على on وتدوس على الدعسه يعني لازم احد يكون معك ولا تحط بلكه :D
يتم الرش داخل الغرفه ولو حبيت تجيب فرشاة اسنان مافي مانع< قد سواها
وميزة بخاخ الكربريتر انه يحترق في البخاخ ويطلع مع الشكمان ( يمكن يكون نظف جزء بسيط من البخاخ على طريقه )
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 768x576 والحجم 79 كيلوبايت .
بكذا انتهينا من الثروتل او الخانق , بقى حساس الهواء طبعا اغلب السيارات مكانه نفس الصورة على نفس الثروتل او بجانبه الا الازيرا على نفس الخرطوش والمازدا والاكورد
لاكن شكله واحد تقريبا
نفك الحساس اول شي ثم المسامير يطلع الحساس فيه فتحتين نرش داخلهم مع الرج جيدا < مامزح والله ترج وتطلع الوصح وانتم كرامه :D
هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 768x576 والحجم 62 كيلوبايت .
بالنهايه ترجع خرطوش الهواء لمكانه وتكبس الكلبسات وترجع كل شي لمكانه .
ومن المواقف المضحكه مرة نظفت الثروتل لواحد من العيال كان ماشي 200 الف واول تنظيفه له طلعت بلاوي خاصه ان الشكمان صار يدخن ابيض ( احتراق مادة البخاخ )
لاكن رجع عزم موترة بشكل ملحوظ .
كان ودي اصور فيديو لاكن وقتها كنت لحالي ومستكن على الموتر , ثاني شي لاحد يدقق على اللغه العربيه الممزوجه بالعامي
:p
السيارة النترا موديل 2008 مكينه 2000 سي سي
اخوكم يزيد
