بسم الله الرحمن الرحيم
اخوي الزعيم انت وجميع الخبراء ادعو الله ان يجزاكم الف خير ويجعلها في موازين حسناتكم
للعلم انا دخلت موضوعك عن برنامج الملاحه وانا اجهل كل مايتعلق بهذه الشاشات تماما باستثناء مسجل الكاسيت حق الكراون فكتوريا ويشهد الله على ذلك بس بعد قراءة الموضوع الشيق هذا فانني تقريبا استوعبت اغلبه لدرجة انه لا يحضرني اي سؤال لطرحه بخصوص البرنامج او تثبيته
بس الكارثه اني ما اعرف استخدم هذا( المالتي ميديا ) حتى الاي بود شاري واحد من سنتين وربي الى الان ما قدرت انزل فيه ربع مقطع
وقصتي هي انه قدر الله علي قبل عدة سنوات واشتريت باكج كاسيت للقران الكريم كاملا لكي استمع له اثناء وجودي بالسياره ولكن اكتشفت ان الصوت رديئ كما انه يصعب علي ترتيب التلاوه من كاسيت الى اللي بعده باختصار انتوا عارفين ان الفرق كبير بين الكاسيت والتقنيات الجديده
اسف على الاطاله
المهم طوال هذه السنين وانا ناوى اطمر للغرابي واطق لي مسجل سي دي ومع المشاغل والتسويف طول هالسنين جات طمرتي للغرابي البارح بالليل واتفاجات بالتطور المهول اللي شفته وقررت اني اشتري جهاز يشغل ويسوي اي شي ويقبل اي شيئ وطبعا كانت اولوياتي بعد العروض اللي شفتها انه (يشغل كل الصيغ ويدعم جي بي اس ويدعم الكاميرا الخلفيه والحساسات الخلفيه ) لانني احتاجها بالفعل ... المهم جيت اليمني وقعد يقردن فيني عشان اخذ الرود ماستر بــ 770 وبعدها رحت ليمني ثاني وصكني على جبهتي بجهاز بـ 800 ريال يقول انه ما يفرق عن الرود ماستر الا ان الوكيل حقه ممتاز في الضمان ووكيل الرود ماستر سيئ ويماطل كثير واقتنعت وخليته يركبه واسم الجهاز غريب ( car multimedia system) (صيني ) وابد من البارح وانا افصفص الكرتون حقه والكاتلوج ومالقيت اي اثر للموديل او اسم غير اللي بين القوسين والصراحه وبعد لاحظت انه بارز بعد التركيب وشكله مش ولا بد ولا هو طابق تمام وقعدت اطقطق عليه الى الفجر لين خربطت فيه وبنط صار يهذري وبعد محاولات يائسه جاني احباط مع اعتقادي انني لعبت في برمجة اللمس حقت الجهاز صرت المسه في عدة اماكن ونادرا ما يتجاوب مع اللمسه ولكن في جهه اخرى غير اللي لمسته فيها وحاولت بكل الوسائل استعادة ضبط المصنع وما فيه فايده
وازيدكم من الشعر بيت الشاشه شايفتن نفسها ورافعه خشتها فوق بحيث اصبحت الرؤيه غير واضحه بحكم ان تصميم المسجل الاصلي برضه رافع خشته
ادري اني طولت بس تحملوني شوي
السؤال هل تنصحوني ارجعه واخذ غيره واذا رجعته وش تنصحوني اخذ بشرط يطبق على الفتحه حقت المسجل وحبذا يكون متواضع شوي يعني اذا فيه حل لرفعة الخشه حقت الشاشه حقته اكون شاكر
ارجو الرد على تساؤلاتي لانني في حالة يأس واحباط واللي يساعدني له مني هديتين وحده معنويه ووحده ماديه
وشاكر للجميع
اخوي الزعيم انت وجميع الخبراء ادعو الله ان يجزاكم الف خير ويجعلها في موازين حسناتكم
للعلم انا دخلت موضوعك عن برنامج الملاحه وانا اجهل كل مايتعلق بهذه الشاشات تماما باستثناء مسجل الكاسيت حق الكراون فكتوريا ويشهد الله على ذلك بس بعد قراءة الموضوع الشيق هذا فانني تقريبا استوعبت اغلبه لدرجة انه لا يحضرني اي سؤال لطرحه بخصوص البرنامج او تثبيته
بس الكارثه اني ما اعرف استخدم هذا( المالتي ميديا ) حتى الاي بود شاري واحد من سنتين وربي الى الان ما قدرت انزل فيه ربع مقطع
وقصتي هي انه قدر الله علي قبل عدة سنوات واشتريت باكج كاسيت للقران الكريم كاملا لكي استمع له اثناء وجودي بالسياره ولكن اكتشفت ان الصوت رديئ كما انه يصعب علي ترتيب التلاوه من كاسيت الى اللي بعده باختصار انتوا عارفين ان الفرق كبير بين الكاسيت والتقنيات الجديده
اسف على الاطاله
المهم طوال هذه السنين وانا ناوى اطمر للغرابي واطق لي مسجل سي دي ومع المشاغل والتسويف طول هالسنين جات طمرتي للغرابي البارح بالليل واتفاجات بالتطور المهول اللي شفته وقررت اني اشتري جهاز يشغل ويسوي اي شي ويقبل اي شيئ وطبعا كانت اولوياتي بعد العروض اللي شفتها انه (يشغل كل الصيغ ويدعم جي بي اس ويدعم الكاميرا الخلفيه والحساسات الخلفيه ) لانني احتاجها بالفعل ... المهم جيت اليمني وقعد يقردن فيني عشان اخذ الرود ماستر بــ 770 وبعدها رحت ليمني ثاني وصكني على جبهتي بجهاز بـ 800 ريال يقول انه ما يفرق عن الرود ماستر الا ان الوكيل حقه ممتاز في الضمان ووكيل الرود ماستر سيئ ويماطل كثير واقتنعت وخليته يركبه واسم الجهاز غريب ( car multimedia system) (صيني ) وابد من البارح وانا افصفص الكرتون حقه والكاتلوج ومالقيت اي اثر للموديل او اسم غير اللي بين القوسين والصراحه وبعد لاحظت انه بارز بعد التركيب وشكله مش ولا بد ولا هو طابق تمام وقعدت اطقطق عليه الى الفجر لين خربطت فيه وبنط صار يهذري وبعد محاولات يائسه جاني احباط مع اعتقادي انني لعبت في برمجة اللمس حقت الجهاز صرت المسه في عدة اماكن ونادرا ما يتجاوب مع اللمسه ولكن في جهه اخرى غير اللي لمسته فيها وحاولت بكل الوسائل استعادة ضبط المصنع وما فيه فايده
وازيدكم من الشعر بيت الشاشه شايفتن نفسها ورافعه خشتها فوق بحيث اصبحت الرؤيه غير واضحه بحكم ان تصميم المسجل الاصلي برضه رافع خشته
ادري اني طولت بس تحملوني شوي
السؤال هل تنصحوني ارجعه واخذ غيره واذا رجعته وش تنصحوني اخذ بشرط يطبق على الفتحه حقت المسجل وحبذا يكون متواضع شوي يعني اذا فيه حل لرفعة الخشه حقت الشاشه حقته اكون شاكر
ارجو الرد على تساؤلاتي لانني في حالة يأس واحباط واللي يساعدني له مني هديتين وحده معنويه ووحده ماديه
وشاكر للجميع
