للفائدة مشكلة حصلت لدي وأنحلت

السلام عليكم ورحمه الله وبركاته

نزلت هذا الموضوع للفائدة لأن هذا الصوت والله وجدته عند أكثر من واحد من ربعي

عندي فورد 2003 سبورت ريته كل حاجة تمام

وكنت مسافر وأكلت مطب وبعدها فيه صوووووت ترررر وكان على خفيف
رحت لكذا ورشة قالوا هذي قرقعه بالمكينة والبعض قالوا دبات تلوث والبعض قالوا القزوز
وتركتها لمده سنة ونصف وكان الصوت يزيد كل مره

وصدفه لقيت واحد يمشي على طرف الشارع قلت ياولد اكسب فيه أجر والحمدلله كسب فيني أجر
المهم ركب معي ومشيت سمع الصوت سألني وش ذا قلت والله ما أدري كل واحد يعطيني كلام اللي يقول قزوز واللي قرقعة واللي قال دبة التلوث

قال خل عنك وخذ الكلام اللي ملحه فيه/رح للبنشري وانزل تحت السيارة وناظر يوصلات الشكمان إذا لقيت شيء مرتخي فهو سبب الصوت قلنا جزاك الله خير

ورحت للبنشري وألقى أحد المساير لا يوجد به مسمار أبداً رحت لأحد محلات الشكامين راويته وقلت زبط ذا وزبطه بـ40 ريال والحمدلله أختفى الصوت والله يجزاه ألف خير.....

وجدته هذي الصورة للتوضيح وليست لشكمان الفورد





تحياتي للجميع,,,,