السلام عليكم ..
سجلت بالمنتدى حبيت أرد عليك مع أني من المتابعين لهذا المنتدى الرائع من فترة طويلة ..
الخلاصة ، كنت في الوكالة اليوم بفرع الخبر وشفت الإستاندارد معروضة .. المواصفات اللي لاحظتها هي :
السيارة طبعا ستة سلندر 3.5 نفس الموجودة في كل أنواع الكادينزا
كرسي السائق كهربائي والراكب عادي
المسجل يجي ام بي ثري 6 سيديات مع فتحة يو اس بي وآي بود
الأسيات مخمل لكن جميل جدا واللون بيج
مثبت سرعة مع التحكم بالصوت والسجل من الدركسون
الدركسون مكسو بطبقة جلد جميلة
ما فيه حساسات خلفية
الطلبون مش زنون لكن جميل جدا
الشبك الأمامي كروم بس يختلف عن الفئة الأعلى
كشافات ضباب
المرايا الجانبية تنطوي الى الأعلى
مافيه الإضاءة الطويلة مثل اللي موجودة بالفئة الفخمة
بدون فتحة سقف
هذا اللي اذكره لكن بشكل عام سيارة بهذه المواصفات وهذا السعر خرافية جدا جدا
طبعا الكمية محدودة جدا ويقول الدفعة الجاية احتمال يزيدون السعر شوي ..
واخذت بعض الصور بسرعة ..
