يجب إصلاح جهاز قياس ضغط الإطارات

تكفووون يالربع أنا سيارتي تاهو 2007 فل كامل وقمت بتغيير الكفرات على شكل حرف إكس قبل فتره ولاعندي مشكله يعني الامامي الايمن أصبح خلفي ايسر والامامي الايسر اصبح خلفي ايمن .
المهم ان امس نزل هواء وحده من الكفرات
ورحت اليوم وزودت الهواء . وبعد ذلك جيت وضغطت على برمجه اعاده تعيين موقع الاطارات بالخطأوعطاني منبه مرتين ولاادري وش صار أصبح مشكلتي في انه يطلع لي يجب اصلاح جهاز قياس ضغط الكفرات .
حاولت أعيد البرمجه بالطرق السابقه وذلك بعد تصفحي هنا ولاكن بدون فائده إذا جيت أنقص الهواء ماعطاني منبه وإذا جيت أزود بعد ماعطاني (يعطيني على كفرتين بس وحده منها مره والاخرى مرتين )
إفزعوا لي بتجاربكم

تحيه طيبه وبعد
انا طلعت عندي نفس العبارة بالجهاز (يجب اصلاح جهاز مراقبة ظغط الاطارات) فصلت اصبع البطارية السالب مانفع ولكن عند عمل برمجة حفظ مواقع الاطارات كل الكفرات تعطي منبة ( بوري ) ماعادى الكفر الايمن الامامي عرفت ان بلف الكفر خربان رحت للجميح على طريق خريص قال قيمة البلف 250 ريال زايد برمجة 190 ريال المجموع 440 قلت عسى ماشر مصفي بخاخات انا مو بلف كفر وروح لمحل قطع غيار التقوى سالت عن سعر البلف قال 210 وغير موجود الان وطلع للصناعية القديمة وسال عنه وحصلة عند محل اسمه باشيبه لقطع الغيار قيمته 190 ريال واخذة وروح لمحل كفرات بالغرابي ويركبة لي ببلاااااش وسوي له البرمجة الي قال عنها ابو ديـــــــالا وتظبط معي ولا احلى الان وسمح لي يالجميح 440 طاط طاط طاط:smilie16:
هذه تجربتي مع تمنياتي لكم بالتوفيق

تسلم اخي الكرم انا تعبت اريد ان ابرمج حساسات الكفرات عن طرق الانوار ولم استطع جربت طريقتك ونجحة كل شئ تمام.

عندي سؤال اذا فيه سنسر خراب اشلون اعرف اي سنسر خراب ؟؟؟؟

بالضبطت هذي هي الطريقة , وفي واحد من الاعضاء الله يجزاه الخير وضح الطريقة .

اخوي السيف انت نفس مشكلتي بالظبط واعتقد لازم انغير الحساس العطلان

وبالتوفيق لكل الاخوان

نسيت اقول فصلت اصبع البطاريه ربع ساعه وبرضه مانفع

السلام عليكم انا عندي واحد من الحساسات وهو الامامي الايمن يعطيني خطوط في القراءه وكانت الباقيات شغاله
سويت اعاده برمجه بس لما اجي ابرمج الكفر الامامي الايمن وهو اللي كان خربان ما يشتغل المنبه اروح للي بعده حتى الاخير ارجع للطبلون اجد واحد من الكفرات لايعطيني قرائه والباقيات شغاله لاكن اذا اعدت تشغيل السياره راحت القراءات كلها واصبحت بدون ارقام
وسؤال ثاني هل تركيب الحساس صعب او اي واحد يقدر يركبه وكم قيمته
ولكم جزيل الاحترام

الله يعطيك العافيه

نفس البلف يكون فيه الحساس ( مربع صغير بأسفل البلف )

وأنا أنصحك ما تشيل الحساس لأنه يمكن البنشري ما يعرف يشيله ويكسره لك , فالحل الأمثل هو إنك تركب كفر الإسبير بالكفر الأساسي

للمعلوميه :

اذا الواحد يبي يمشي بهالامور , يبي يخسر مبالغ بدون فايده

ولا هالحساس يوم ركبت كفراتي قبل تقريبا 3 شهور , قلت للرجال يفك كل الحساسات الامير كسرهن

حساس صغير كبر اصبعك بـ 330 ريال !

خليت حساس واحد بس عشان اللمبه ماتولع بالطبلون

والحساس شلون صاير .. وشلون اركبه
لانه هو البنشرجي الي ركب السبير وشال الكفر الاصلي

الإسبير ما فيه جهاز قياس ضغط الكفر

فيا إنك تركب الحساس بالإسبير أو تصلح الكفر اللي بنشر وتركبه مكان الإسبير

زين يا شباب

انا الكفر عندي بنشر وركبت الاسبير

واول ماركبته يقولي افحص ضغط الايطار الخلفي الايمن

وخليته .. بعد كم يوم يقولي افحص جهاز مراقبة الايطارات مادري شسمه

هل معناها انه جهاز فحص شغط الاطارات خرب عندي حتى لو صلحت الاسبير ورجعته

لاني صرراحه متعييز اصلح الاكفر واركبه

فــ مخليه على الاسبير .. وخايف انه جهاز ضغط الاطارات خرب مره وحده

مشكورررررررررررررر

ما شاء الله الحمد لله طلعت سلامات

فعلاً غريبة راحت علينا سالفة فصل البطارية , مع إن الشباب ما اشاء الله لو تقول الكفر بنشر عندي يقول إفصل البطارية :tongue:

عموماً مشكور على طرحك للتجربة ليستفيد منها الجميع

أبشرك أخوي تتطلع جميع الأرقام ولله الحمد.

الإخوة الكرام:
[COLOR=RoyalBlue]أبو ديالا
رجل قانون
~ ســ ع ــــد ~
فتى الحسو
[/COLOR]TAHOE_LTZ
Forsakin

شكرًا لكم جميعًا ... وأبشركم انحلت المشكلة عن طريق مساعدة الأخ [قمة إفرست] من منتدى مكشات
وقد أشار علي بفصل إصبع البطارية السالب ومن ثم الانتظار فترة 15 دقيقة وإعادة تركيب الإصبع مرة أخرى !!!

وبالفعل قمت بفصله ومن ثم إعادته بعد 15 دقيقة فانحلت المشكلة ولله الحمد.