استفسار عن الامريكي المستورد بالرياض وجدة..

السلام عليكم اخوانى
صراحة انا قرات تعليقاتكم عن الضمان والصالات التى تقدم الضمان .وعندي راي غيركم
انا شريت سيارة من جده فورد ماركيز عطونى ضمان الشرق الاوسط . حدود اصلاحهم فى المرة 3000 ريال . قليل لكن بيساعد المهم اللى عجبنى بالموضوع انه لايوجد شرط ان امشى الورش تبعهم من اجل الفحص انما شرطهم الاتزام بتغير زيوت الماكينه كل 5000 كم فى بترومين او اوتوستار . المهم اخذت اليارة بعد نقل الملكيه من جده الى الرياض واذا بالطريق طلع صوت دفرنس كلمت المعرض قالى اتصل بالضمان فعلا كلمتهم وماقصروا ارسلونى على المركز تبعهم قدر الاصلاح بمبلغ 2700 ريال اقل من 3000 ريال لكن حسب شروط العقد عند كل اصلاح يتم دفع 300 ريال تحمل وخلال يومين استلمت سيارتى ومادفعت غير 300 ريال. النصيحة حنا اذا بغينا مستعمل مافى شي اسمه نظيف لان لو كان فيه الخير مكان رماه الطير والضمان بيساعد لكن فى حدود .

^^^^^
حياك الله يا كابريس العالمي..
وشاكر لك ردك.. في الحقيقة انا يوم رحت شفت الصالات الكبيرة (اللي تعطي ضمان) وغلاءهم الزايد عن حد المعقول بديت اصرف النظر عنهم..
تحياتي لك واسأل الله العظيم انه يعجل بشفائك من كل مكروه.. آآمين

اخوووي اخالف كلام اخونا جذاب ؟؟ بالعكس الصالات الكبيره نصابين وانا مجربهم <<الله لايحللهم يارب يارب

انتبهو ياشباب من الصالات الكبيره وجميع صالات السيارت بالمملكه كلهم حراميه

اسمعني شوووف

روح للمعارض بالرياض النسيم او الشفاء ولكن انصحك بالنسيم وتلقى سيارات امريكيه مستورده روووعه صراحه فورد سيارات كبيره جيوب كابريس لومينا وحتى الكامري الامريكي والافالون ووووالخ

ودور على كيفك وصراحه انا افضل الامريكي على السعودي لنضافته اكثر وخاصه السيارات الصغيره

اما يوكون اكسبلور انصحك تشتري سعودي ومن الجزيره


باي

هلا بك يا خلودي..
وشاكر لك ردك..
والله ييسرها لنا..

يعطيك الف عافية
على هل موضوع
انا انصحك بي شراة استخدام امريكي
تحصلها ارخص واحسن
عندك في الرياض
اكبر مستورد امريكي
هي شركة البيان الجديد للسيارات
انا اشتريت من عندهم
هما عندهم فرع في جده
ضمان5 سنوات شركة مضمونة

^^^^^^^
أخوي K.S.A لينكون انا ما اختلف معك فمثلا الكراون فكتوريا احيانا يكون مكرووووف لانه يكون في الغالب استخدام تاكسي او بوليس..
لكن لو تطالع لسيارات غير مثل الماركيز او الجموس والكرايسلر ووو...
الاختيارات كثيرة لكن المشكلة انه السيارات المستوردة حالاتها مختلفة..
ولا اقدر احكم على السيارة بحكم انه خبرتي في الميكانيكا ضعيفة..
لكن الله ييسر للواحد انه يلقى النظيف..
مشكور على مشاركتك..

نصيحه انا سيارتي مستورد لينكون لعبو علي وخلك في السعودي الامريكي اصرفلك من المستورد يا يكون دوريات عندهم او يجيك ملعون والدي والدينه

اشكر جميع الاعضاء الذين اجابوا على سؤالي واسأل الله لي ولهم التوفيق..
تحياتي للجميع..
أخوكم ALQSWRH

malk و المارودر 2004
ألف شكر لكم على الرد..
وتقبلوا التحية..

اهتم بالموتر النظيف بغض النظر عن الصاله او المعرض

بالنسبه لضمان الصالات كلام فاضي ومايفيدك بشي

شغله تجاريه بحته تكون بين الصاله والورشه

يعني الصاله بعد ماتشتري منهم يحاولون يضمنون انك تتعامل مع الورشه الي متعاقدين معاها

تحياتي

حياك الله اخوي عليك بالنظيف سواء سعودي او استخدام امريكي النظيف النظيف

اما الاسعار فجدة ارخص من الرياض لكثرة العروض فيها

الضمان سواليف ماراح تستفيد منه يعني تغيير زيوت فحص كبيوتر المكينة والقير والدفرنس لو صار فيها شي اخذوا عليك تقريبا نص اسعار القطع

فللذكل كما ذكرت اعلاه خذ النظيف النظيف ولو زاد السعر شوي بس راح ترتاح

^^^^
ألف شكر لك يا جذاب على الرد..
والله يكتب لنا ما فيه الخير..

[COLOR="Navy"]عليك بالصالات الكبيره المعروفه

البيان الجديد- العواجي - الفليج - الدوحه

سياراتهم كما رأينا ممتازة ونظيفه والصاله قبل كل شئ تخاف على سمعتها .

افحص السيارة جيدا وهو الأهم ..

تأكد من تقرير السيارة السابق عن طريق مواقع الاستعلام في النت .

وان شاء الله تتوفق بالسيارة الطيبه [/COLOR]

^^^^^^
الف شكر لك على الرد وتقبل التحية انت و Mashari
=========
طيب يا جماعة الخير يا ليت لو تفيدونا عن السؤال الثاني...
وش الافضل بشكل عام:الشراء من معارض الرياض او من معارض جدة؟؟
ادري ان البعض بيقول يعتمد على نظافة السيارة لكن انا قصدي انه هل اسعار السيارة النظيفة بجدة ارخص من الرياض والا العكس؟؟
اي المدينتين اللي تنصحوا بالشراء منها..
بانتظار ردودكم..

انا مع كلام اخوي مشاري
الضمان لايساوي شي

^^^^^^^
ألف شكر لك يا Mashari على ردك..
======
يا ليت الشباب يعطونا تجربتهم مثلك..
بالانتظار..