السلام عليكم ورحمة الله وبركاته
تحياتي للجميع .. هذي أول مشاركة لي بالمنتدى وفيها أبي رأي اللي جرب أو سمع من واحد مجرب ويعرفه معرفة شخصية .
أنا عندي مبلغ 86000 ريال وربي ياجماعة أحترت وأبي أشتري سيارة !!!
مريت شركة الحاج علي حسين رضا ولقيت قراند ماركيز وقررت أشتريه بس ولد عمي عنده كراون فكتوريا من توكيلات الجزيرة وقال لي ماتصلح ولا فيه فرق بين السيارتين وسقت سيارته ورغم انها ما مشت غير 25000 كم بس أسمع فيها صرير يعني مثل القربعة شوي وحط عندي شك !!!
ومريت كيا وشفت الاوبيروس 2009 بس عليها تجهيزات أعجبتني وهي واقفة ما سقتها ولا طلبت التجربة لأني كنت مستعجل . بس لقيت واحد عند مطعم ومعه نفس السيارة وسألته عنها ومدحها مدح فوق اللزوم .. حتى إني سألته وقلت أشتريها ولا الفورد كراون فكتوريا ولا القراند ماركيز ؟ قالي : أشترها ولا تشاور !!!
هذا اللي حبيت أطلب رأيكم فيه ؟ وأبي العيوب بالسيارة وأما المميزات فمشهودة !
تحياتي لكم ولا تبخلون .. الله يسعدكم
