السلام عليكم ورحمة الله وبركاته
كيفكم شباب مرتاحين إن شاء الله
................................
جنني فكره بعد ما قريت موضوع الذيب / استبنه
عن السيارات المستعمله
ومن الاسأله التي اسأل عنها من الأصدقاء والأقارب
وهو ( وش رأيك وش اشتري سيارة )؟
عند شراء سيارة جديدة يجب مراعاة أمور عده
أولا
اقتصادية
يعني الواحد يجلس يجمع له أبوه (إذا كان طالب ) أو موظف اقل حاجه سنه عشان يشتري له سيارة
والبعض يحط إلي دونه و قدامه في السيارة أو يأخذها بالقصيد ويحمل روحه ديون ماهو قدها
يعني لا تحمل نفسك فوق طاقتها
في فصيح العبارة
(مد رجلك على قد الحافك)
..........................................................
ثانيا
طبيعتك ( مزاجك )
في مثال ينضح المقال
يعني أنت راعي بر وكشتات وناسه ما تروح تشتري لك كآمري مثلا
إلا اشر لك سيارة تصلح لهذه الأمور وهو الجيب وإذا كان ما عندك فلوس وش فيها هايلكس أو ددسن
نسلم ومش
على قولت عبيد
يقلون طلعنا للبر
قال: غرزتوا
قال: لا
قال: اجل ما طلعتوا
.............................................
ثالثا
توفر قطع الغيار
وهذه مهم جدا
واذكر على سبيل المثال
سياره فولفو سياره جميله قويه و ايضا عمليه ولكن قطع غياره غير متوفره
........................................
رابعا
سعر قطع الغيار
بعض السيارات سعر قطع الغيار مكلف جدا
خذ مثلا
فحمات الكامري 70 ريال
بينما المكسيما 200 ريال
يعني الفرق ثلاث اضغاف تقريبا
ملاحظه
قبل إن تشتري سيارة اذهب لمحلات القطع الغيار وسال عن سعر هذه القطع وهي التي دائما يتم تغيرها في السيارة يعني (قطع استهلاكية )
1- فلتر الزيت
2- فلتر الهواء
3- فلتر بالنزين
4- بواجي
5- اسلاك البواجي
6- المسحات
7- السيور
8- الفحمات
............................................................
خامسا
استهلاك الوقود ( واضحه ما يحتاج تفصيل )
.........................................................
سادسا
الصيانه
يجب إن تكون السيارة سهلة الصيانة
يعني خذ على سبيل المثال
الطرنبة المويه ( مضخة الماء )
في الكزس
يتم تغيرها 1000 – 1300 ريال
اما المرسيدس
يتم تغيرها 400 – 600 ريال
..............................................
سادسا والاخير
سعر عند البيع
يعني فيه سيارات تشتريها وبعد سنه يكون طاح منها ثلث السعر وفي بعض الاحيان النصف
خذ مثلا
الجاكور واودي كلها ينقص منها 30 % على الاقل بعد ذهب عام واحد فقط
إما
الكامري
يعني انا معي 2000 شريها من 58 الف
وبعد استخداما 3 سنوات تسام الان مني 35 الف
يعني بمعدل 23 الف يعني تقريبا نقص من راس مالها %40 بعد استعمال ثلاث سنوات
السيارات المرغوبه تحافظ على قيمتها
من الالماني والاروبي عمومنا
المرسيدس ( ماعدا 12 سلندر )
التويوتا ( بجميع انواعه )
النيسان فقط ( الباترول و الدادسن )
ملاحظه
هذا طبقا للاسواق السيارات في الرياض والمنطقه الوسطى عموما
ان شاء الله يكون الموضوع مفيد لكم
من لديه أضافه لا ببخل علينا بها
ولكم مني أجمل تحيه
