يا إخوان ... من يساعدني في حل مشكلتي الكبيرة والمحيرة مع سيارتي الماركيز

اخي اسال الله ان يحل مشكلتك عاجلا غير اجل
ولكن في اعتقادي ان مشكلتك كهربائية بحته وليس للمكيكانيكيين اي دخل فيها.
لذلك ابغى ادلك على كهربائي قد يفيدك في الموضوع .
في صناعية شارع الحج قبل الكوبري بجوار مفروشات السرحي . باكستاني اسمه امير

السلام عليكم ورحمة الله وبركاته

أخوي أنا حاب أفيدك باللي عندي وإن شاء الله يكون هو الحل

أنا صارت لي نفس مشكلتك بالضبط

بعد ماغيرت ثلاجة المكينة بفتره , بدأت عندي تفتفه غريبة

وعزم السيارة راح

بعد اغيرتها كلمني الرجل وقال لازم تغير بواجي والذي منه بعد التركيب

وبالفعل عملت اللي طلبه ورجعت السيارة نسبياً أفضل

لكن التفتفة كانت متواجدة بشكل مستمر

سويت فحص للسيارة وغيرت كم كويل محروقين

وأستمرت المشكلة

لكن رحت لأحد الفنيين وسألته وقال لي

جيب لي بواجي جديدة أصلية وأسلاك كويلات

وراح أضبط لك الموتر وبالفعل

إلى يومك هذا من شهر راحت المشكلة بعد معاناة 6 أشهر

المشكلة من أسلاك الكويلات خذ طقم أصلي بـ 280 ريال

وتوكل على الله وصلحها

رغم إن الميكانيكي قال أسلاك الكويلات مضبوطه شكلياً ولكن عملياً لا

يعني لو شافها واحد مو فاهم بيقول مافيها شيء

المشكلة فقط من أسلاك الكويلات لا أقل ولا أكثر

اسمع ابو جاسر

لاينصبون عليك خلك عندهم واقف على روسهم وشف وش يسسون في سيارتك

أحيانا يكون سلك ما انشبك ولامسمار كويل ما انربط مظبوط

يقول لك انا سويت وسويت علشان ياخذ كم قرش

اتوقع مشكلة سيارتك بسيطة إن شاء الله والله يوفقك

وخبرنا وش يصير معك

[/CENTER]

المجمع الالي .. صارلي معهم فترة طويلة قبل ابيع الماركيز 2003

بالبداية كانت اموري معهم تمام واغير قطع ع الضمان من عندهم

وقبل سنة تقريبا طاحت سيارتي بقوة .. مكيف كامل وعلبة دركسون وعلبة فرامل

وقطع كثير غيرها يمكن تتعدى 5000 ريال .. وشريتها من عندهم عشان ضمان سنة على القطع

المهم بعدها اصبحت معروف لجميع العاملين بالورشة من كثر الذهاب والاياب

كل قطعة غيرتها تعطلت .. واعادوا تركيبها او تغييرها .. وترجع تتعطل ويصلحونها

او يقترحون تبديل شي ثاني وهكذا

بالاخير قالوا احسن شي تروح لشيخ يقرا عليها ... وما الومهم يمكن معهم حق

وصلحوه للمرة الاخيرة ومن عندهم على المعارض وبعته بفواتيره

وكنت اروح لفني اسمه عقيل بشارع الحج ممتاز واكثر ما يعجبني فيه اخلاقه

ما عنده كمبيوتر بس يقول كمبيوتري هنا << يأشر على راسه

شارع الحج .. المدخل اللي قبل مدخل التشاليح .. اول ما تلف تلقى الورشه بالوجه وعلامة فورد عليها .. مشكلته انه ما يتاخر على حرمته وعياله .. على طول مسافر

والله يوفقك ويعينك

اخوي ابو جاسر الشيك انجين إذا ولعت رح لأي ورشة يفحصون السيارة ويطلعون السبب بالتحديد أنا صار لسيارتي تفتفة وانا توني مطلعها من الورشة وعامل تصفية شاملة وتوقعت أحد الكويلات يكون السبب ، وقال المهندس انا فحصت الكويلات كلها وطلعت سليمة صار سبب التفتفة الظفيرة حقة واحد من البواجي ما انشبكت 100% وربطها بسيم وصارت زي الحلاوة

مساء الخير لك أبو جاسر وللأخوان جميعاً
أبو جاسر أسمع الكلام والعلم الي قلته لك من البداية هذه الحركة صارت معاي من قبل في سيارتي قراند ماركيز عند القومة توجد تفتفة واذا كنت ماشي بسرعة 60 كلم ودعست زيادة حتى اذا غير النمرة من الرابع للثالث يصير تفتفه ويكتم شوي ثم ينطلق . والله مثل ماقال الاخوان المشكله كانت من الكويلات وبصراحة غيرت طقم كامل أصلي مع البواجي الاصلية وما شاء الله مية بالمية . ملاحظة البواجي تختلف من موديل لموديل آخر . ولاتأخذ الادوات الا أصلي . وسعر الكويل الأصلي تقريباً 120 ريال والله يعينك على سلك الورق .
وان شاء الله تنتهي مشكلة موترك . تحياتي لك . وأنا متابع
الورشة التي علمتك بها في البداية كويسة وتوجد واحدة أخرى يمدحونها وعندهم جهاز كشف شفت الاشارة التي عند السجن تعداها وأمسك خط الخدمة حتى توصل محلات العكبري لقطع غيار فورد خذ يمين بعده تحصل الورشة يمينك اسمها المركز السعودي الامريكي . صرت أسوي دعاية للورش والله لايوفق الاجناب في هالورش من كثر ماتدقدقت معهم .

وديها الوكاله وخليهم يكشفون عليها من الصدام للصدام صحيح غالين بس شغلهم ما يحتاج احسن من افتاء الورش كل واحد يفتي من راسه ويلعبون في السيارة.

من جد انك مو خسران شي الا ابريق الماء وراح تكون النتيجة قاطعة في نفس لحظة ماتحط الموية على اطراف الثلاجة راح تلاحظ تغيير في المحرك او لا .. اذا لاحظت تغيير فمعنى ذلك ان الثلاجة فيها غلط واذا لا تشوف الكويلات والبواجي وغيره من الي ذكرهم لك الاخ الفاضل امير بكلمتي الله يقويه ويقويك انت ايضا
وماتنسى ان كمان اسلاك البواجي ممكن جدا انها تسوي نفس العوارض الي تكلمت عنها ..

تقبل اعتذاري عن التأخير بالرد عليك

ابو جاسر اسمع كلام الاخ امير بكلمتي المشكله الي عندك توحي ان الخلل في البواجي او الكويلات ومن ثم البخاخات يمكن ماعرف يضبطها زين

الله يسلمك هذا واجبنا ,,لازم يالغالي تشيك عليها قبل التغيير وانا ذكرتها في ردي السابق افحصها من جديد

ممكن مع تركيب الثلاجه جات مويه على البواجي الجديده او الكويلات او انه لخبط فيهم

اما توديها لفني مختص وذا خبره يفحصها لك نظري او توديها عند ناس مختصه في الكمبيوتر

يعرف لك اي بوجي او كويل فيه عطل او مشكلة ولا يعطي قرائة صحيحه (( ضغط السليندر فيه مشكلة ))

او يكون فيه حساس غير هذه كلها ومنها حساس الاكسجين ممكن فيه مشكلة او شئ

لذلك افحص قبل لا تخسر نفسك في ورشه معروفه في شغلها النظيف وخبرتها

أخوكـ