محتار في سياره تستحق 100 الف ريال ماكسيما - اكورد - التيما - اوريون - ليجاسي - مازدا6

بس ان شاء الله مكسيما لانه اليجاسي قطع غيارها غير متوفره او صعب توفره

طيب بالنسبه للسيارت الدفع الخلفي ايش السيارت إلي دفعها خلفي وتكون يابانيه

ما اتوقع في سياره دفعها خلفي وسعرها ب 100

[/CENTER]

تصويتي ذهب للاكورد ..
هنآك سيارات اخرى بالسعر هذا .
امريكا : فورد توروس ، كآبرس LTZ
كوريا : كادينزآ ،
السيارات الاوروبية جميعها فوق ميزآنيتك :(

تقبل مروري ،،

تصويتي لليجاسي

الكسيما مطبها قاسي

الأكورد قطعها أغلى من اليجاسي

خذ ليجاسي وان شالله بتدعلينا ابعد عن الاوريون بسسب مشاكلها الدواسه وحالتها حاله ومن ناحية المكس النيسان بصفه عامه يتهربد بسرعه والاكورد سياره ممتاااازه جداااا
وحتى المازدا برضو رووعه
المهم استخير ربك قبل كل شي

صوت وحراره وتمدد!!
ياليت توضح

انا عندي السياره من سبع شهور وماواجهتني مشكلة حراره واصوات

وببدأ بطرح المشاكل أو ليست مشاكل نقدر نقول ملاحظات لكي يستفيد الجميع :



1- أول حاجه إن كنت توك مطلع سيارتك من الوكاله إفتح الكتالوج واقراه كله ما ياخذ من وقتك كثير أو أقرأ جزء منه اليوم والباقي يوم ثاني لأن جزء كبير من الملاحظات بتشوفها موجوده وكذلك طرق واشياء مفيده تفيدك اذا صار لك اي شيء بالسياره وأن كنت ما قريته من شريتها روح إقراها الآن.



2- ممكن لاحظت الكثير يستفسر عن صوت يطلع بعد 30 ثانيه من التحرك بالسياره وخاصه لمن تقفل الحبات هالصوت عباره عن إختبار للتراكشن أو إختبار لنظام VDC وهو طبيعي جدا ً.



3- ممكن البعض يشتكي من صوت عند فتح زجاج السائق "بالضبط لمن يفتح كله" هذا الصوت صوت الدينمو لأن الدينمو موجود عند نافذه السائق وهو طبيعي جدا ً.


4- البعض واجهه صوت لمن يطفي السياره أو يشغلها صوت طقه ببطن السياره ... طبعا ً إختلفت الأراء حول ذلك لكن المعتقد أنها طبيعيه لأن البعض قال ان هالصوت يخرج من الكنداسه عند الوقوف مع التقلصات والتمددات والبعض قال ان الصوت عيب مصنعي بالجنبين وانا قلت ان الميكانيكي قالي ان لمن توقف السياره الجنبين يرتفع فوق ويطلع هالصوت طبيعي فأختلفت الأراء فيه من يقول طبيعي وفيه لا .... أن كنت أخوي مهتم للموضوع ومضايقك روح للوكاله وشيك على الجنبينات ووضح لهم المشكلة ان شفت ان الجنبينات كلها سليمه اعرف ان الصوت طبيعي 100% وان كنت ما تهتم كثيرا ً فأتركها ان شاء الله طبيعيه ولو صار شيء بعدين ودها الوكاله واغسلهم ...


5- صوت قربعه بنافذه السائق ويروح لمن تفتح النافذه أذكر احد الأخوان أتوقع الأخ راقي وضح وش المشكلة وهي على ما أعتقد انها من جلد زائده بالحواف .. وودها الوكاله ويعالجونها واذا تبغى تطلع الصوت ما يحتاج تمشي بالسياره .. مجرد انك تضغط على الزجاج نفسه بقوه راح تشوف الصوت يطلع كررها كثير عشان يتسمع الصوت بشكل أوضح !



6- البعض أشتكى من أصوات تطلع له بوقت الظهر .. وهي طبيعيه لأنها لو مشكلة حقيقية كان طلعت بكل وقت لكن هو حرنا ما يرحم وتصير تمددات وتقلصات بالديكور وتخرج أصوات وهالشيء بكل سياره عشان ترتاح من هالعفسه حط سيارتك بظل أو ظللها أو شوف الي يريحك من حيث ما تصلها اشعه الشمس.


7- كثير واجهته ملاحظه على ضغط السيارة لمن يمشي ويترك الدعسه الضغط يرتفع وينزل بشكل خفيف والسياره تهتز شوي .. وهاذي طبيعيه لأن هذا طبيعه الـ CVT وكذلك لمن توقفها وتشغل المكيف تلاحظ الضغط يتحرك شوي وكمان طبيعي.


8- مشكلة إهتزاز مقعد السائق بفئة الـ SR .. اذا واجهتك راجع الوكاله وخش بزلوفهم ههههه ...


9- عزل السياره ممتاز لكن لمن تحس ان الهواء من جد مزعج راجع الوكاله ويغيرون لك الجلد على الضمان خاصه جلد الزجاجه الأمامية.


10- << الا يطبق 10 ههههه

البعض يلاحظ السماعات الخلفيه للسياره لا تعمل او انها تطلع طقطقه واوفر بس وهاذي طبيعيه ... ومره وحده السياره لمن توقفها وتحط اذنك عند الكفر الخلفي اليساري راح تسمع صوت هواء وبعض المرات يتفتف وهذا صوت احتراق البنزين او طرمبه البنزين وهي طبيعيه تماما

لورحت منتدى المكسيما وشفت بعظهم يشتكون من اصوات في السياره وكلهم

يقولون من الحراره و التمدد وبعضهم اذا طفو السياره يسمعون صوت


:xyxthumbs:

انصحك بالليجاسي !


لمعلوماتك اخي..

الكيا والهونداي شركة واحدة فقط اختلاف اسماء !

أرشح الأوريون ..

( شكل - وكيل - مواصفات - سعر عند البيع - قوة )


ليت : قلت كذا بدون : حلف !!