كامري اخوي خبطت...هل يشملها الضمان وتتصلح ( حسبي الله عليهم )

الله معاك يا اخوي هذي يبالها شغله
هذي كلها من تويوتا اذا تبا تشتري
يعطونك السياره مواصفاتها احسن
من اي سيارة :a1120(121):

الله يعوض علينا وعليك اخي الكريم

ولكن لازم تسوي هالاشياء وان شاء الله انها بتتيسر
1- مر بالسيارة على اكثر من ورشة وشف كلامهم بيتطابق او لا
2- اذا ثبت فعلا ان المكينة مخبطة فاطمر للتشليح وخذ لك مكينة كاملة اخت الجديدة في حدود 7000 الى 8000 ريال وركبها وارجع كد الموتر الين يهلك (مع العلم ان مكينة الكامري من 2003 وطالع في حالة التوضيب تباع نصف المكينة والنصف الآخر يتم تغيير قطع معينة وطبعا ما راح يجدي مثل تغييرها .. فلذلك أنصح بشراء مكينة كاملة)
3- اشوف انها صعبة انك تترك السيارة للشركة وانت دافع مبلغ عالي وايضا تتلفها!!

واخيرا لا تشيل هم وانا اخوك .. كل مصيبة ما دون الموت تهون

حسبي الله ونعم الوكيل الله يعوضك لكن لا تردها حرام دافع فيه كثير

غريب جدا يعني الزيت على طرف المعيار يجيب العيد بالمكينه !!
انا والله العظيم مره كنت ماشي بالفورد الين الفصله و صوت المكينه مرتفع وقفت عند البنشري قالي ناقص علبه ونص !! وعبيت وكملت مشواري وعلى مثل هالحال سنه وبهده خبطت المكينه كل مااجي البنشري ناقص علبه او نص خخخخخ
مع العلم ان موديلها 95 خخخ يعني منتهي
فاغريبه مكاين 2008جديده تخبط !!
كان الله في عونك
:xyxwave:

طيب اخويا كم باقي اقساط؟
حطها بموقع سيارات وتنازل عنها وعلمهم بالمشكله حتحصل اللي يشتري منك وقلهم كم باقي اقساط وكم بتكلف سعر المكينه وصدقني حتحصل مين يشتريها منك وبسعر حلو ..بس ياليت تخبرنا كم باقي اقساط عليها عشن نخدمك ونتوقع كم تجبلك لو بعتها لأحد وكمل اقساطها هوا

اولا يا شباب ما قصرتوا ووافيين والله يوفقكم ويحفظكم

ثانيا السيارة بدت مشكلتها وهي تقريبا في 70 الف لانه في مرة قلت خلني اشيك على الزيت لقيته عند طرف المعيار ( الجزء المثني ) وانذهلت -- وديناها للوكالة الظاهر غيرو صوف ومدري وش ولكن المشكلة بقيت
( في مكينيكي صادق علمته بالمشكلة قال المسالة ما هي تغيير صوف لانه ما في تهريب زيت الزيت ينقص مو يهرب ) بس ابو جميل ياخذ حقه واحنا مفرطيين بحققونا ولا المفروض انا مانستلمها بس احنا تساهلناغ بالمشكلة

ثالثا اللي يقول وضبها اتمنى ذلك ولكن هل يمكن توضيب ماين 2007 وفوق

اخيرا قالوا تغيير مكينة بيكلف 7 الاف اقل شي ولكن المبلغ قد يراه البعض بسيط بس حرام انت ماخذ سيارة وكالة واخرتها عيب بالمكينة واتحمله انا المستخدم

واحلا شي نظام الايجار كمل اقساط ولا رجع السيارة ومو يروح عليك اللي دفعته بس ولكن ادفع غرامة


" حماية المستهلك هي اللي اهلكتنا "

الله يعينك ،، بس لازم في سبب للتخبيط لانه سياره تعتبر جديده...

إقرأ شروط العقد زين قبل تتلف السيارة

ترى الحين عندك سيارة مكينتها مخبطة

لو تتلفها راح تطله بلوشي لا سيارة ولا مكينه ( بس راح تفتك من الأقساط الجايه )

اولا ً : و انا اخوك الايجار المنتهي بالتمليك حرام ليتكم ابتعدتوا عنه من الاساس

ثانياً : ما لهم حق ياخذون منكم غرامه

هذا اللي اعرفه و الله اعلم

ماسآلت نفسك ليش ؟

ولا تقدر تقول عنها شي اصلا !

وياخي الاسم طويل وابلتشت فيه المهم الاسم وصل :bigggrin:

ع العموم دام وصلت الردود للآساءه اخر رد لي هنا

اخوي كيف عرفت انها مخبطة ؟

ياريت تعطينا فكرة عن اللي صار يمكن نشوف لك حل.

بالتوفيق

الرجال يسألكم عن حلول مو ينتظر منكم كلام ماله داعي عن شركة تويوتا .... انا ماعندي سيارة تويوتا ولا عندي النظرة العقيمة عن تويوتا بهذا الشكل ... هل احد فيكم عرف سبب الحادث ؟؟ ولا هل احد فيكم يعرف الي كان يسوق الموتور ؟؟؟ عيب الكلام بلا معلومة ... و انا اعرف رجال يسوق داستن ما يخبطها 500000 كيلو و غيره يجيب مرسيدس و يخبطها في اسبوع ...والمسأله كلها قضاء و قدر

... عسى الله يعوض عليكم يا أخي و ماعندي الصراحة معلومة أفيدك بيها (من قال لا اعلم فقد افتى)

السلام عليكم

نأمل ألا يخرج الموضوع عن مساره وأن يستمر النقاش والحوار بأسلوب محترم

الإنذار الأول

كـ العادة : هذ مخرج أي واحد من عنده إجابة على ردي ..

يقوم يقول : ( أنت لك نسبة - أنت مندوب - أنت مدري وش ...وألخ ) ؟؟

الله يهديكم بس ..

* أترك مثل هذه الردود للمشرفين ..

ــــــــــــــــــــــــــــــــــــــــ

بالنسبة : للـ ميتسوبيشي مو الموستبيشي هههههه :

والله ونعم السيارات ..

أحد قال فيها شيء ؟؟

مشكور على النصيحة
و انا ما حكمت اساسا عشان تقول حكمت من عندي



إذا كانت نصيحتك صحيحة 100% فما المانع بان تدعمها بدليل يوثقها ؟؟
وين المشكلة مو عارف يعني ؟؟؟



إذا ما عندك عليها دليل فهي ليست معلومة أساسا و إنما مجرد كلام لا يودي و لا يجيب
فلا داعي للإستغراب

اخبر سيارات التأجير عليها تأمين شامل ..

بسآلك سؤال الحين , وقبل لا اسآلك اعذرني بس ( انت لك نسبه من شركه تويوتا ) !

والحين يعني مافيه الا الكامري تعطي ؟

يازين الموستبيشي اقول , لكن صدق ان التعصب اعمى

عذراً على المداخلة :) ..

أولاً : يا عزيزي : حسب قوانين المنتدى يمنع إعلان أو ذكر أسماء منتديات مجاورة ..

أعذرني :

يجب علي كـ عضو : أبلغ عنها كـ مشاركة مخالفة ..

ـــــــــــــــــــــــــــــــــــــــــــــ

ثانياً : بالنسبة للكامري وسالفة التخبيط ..

عندي مثال بسيط :

معروف أن أكثر ناس : يهلكوا السيارات أو إستخدامهم كثير ومٌتعب هم :

(( شركات التأجير - شركات الليموزينات )) ..

ولهذا راح أضرب مثال بهم :

الكامري الجديدة : طلعلت من 2007 ..

هل معقول يا أخوان : إذا السيارة تخبط بدري :

راح يتجهون لها في السنوات القادمة ؟؟

بـ الطبع لا , لأنها راح تكلفهم الكثير ..

ـــــــــــــــــــــــــــــــــــــــ

واللي نشوفه حالياً : أنتشار كبير للسيارات الكامري ( التاكسي + سيارات الإيجار ) سواء 07 أو 08 أو 09 أو 10 ..

هذا دليل أيش ؟؟

* أترك التعليق لكم ؟؟
ـــــــــــــــــــــــــــــــــــــــ

بالعكس : ما يميز الكامريات عن بعض منافسيها اللي كانت تستخدم مثل هذا الإستخادم :

إنها حتى بعد إستخدام مدة لا تقل عن 3 سنوات :

نحصلها معروضة للبيع في معارض السيارات , بعد إجراء عليها بعض التصليحات ..

يعني : رغم الإستخدام المتعب والكرف : إلا إنها : ما تزال في العطاء ..

عكس بعض السيارات : واللي تذهب للتشاليح حسب ما شفت بعضها ( بدون ذكر أسماء ) ..

ـــــــــــــــــــــــــــــــــــــ

تحياتي للجميع ~ :xyxwave: