انا دخلت سيارتي (أزيرا 2011) الناغي لصيانة ال 1000 كيلو وكانت ماشيه 855 كيلو شيكوا على السياره بشكل سريع وغيروا الزيت الفلتر وشيكوا الرديتر ورفعوها وشيكوا من تحت...يعني ما اخذت الشغله ساعه وربع ودفعت 107 ريال فقط
صاحبي عنده النترا 2011 عملها صيانة ال 1000 كيلو مجانا...بس بعد ماتناحل معهم شوي والسبب ان سيارته مطلعها من الناغي بس انا من الوعلان.وقالوله بنعتبرك من ضمن المية عميل صيانه مجانيه.
بالنسبه للزيت....الناغي يستخدم زيت قلف اعتقد رأيي الشخصي مبني على خبره من عملي بمنشئه نفطيه....انصح وبقوووووووووووووه بزيت كاسترول جي تي اكس وانا امشي على الزيت من 10,000 الى 12,000 الف والله ياخوان لي 5 سنوات على هالوضع ماجاني اي مشاكل بالسيارات وهالنظام كنت ماشي عليه بفورد ومكسيما.... والان الازيرا ان شالله نفس الشي... اتمنى اكون افدتك....
